Се заштитуваат бремените жени и оние кои планираат да раѓаат. За отказ на бремена жена газдата ќе заработи казна од три илјади евра и обврска да ја врати на работа.

Многу често врз популацијата од женски род се врши дискриминација и од кандидатките се бараат одговори кои никаде не се запишани на хартија, ниту во објавениот конкурс, а се поврзани со нивната интима - дали се мажени, дали планираат да се мажат, дали имаат деца, дали планираат да раѓаат деца, од што директно зависи одлуката на работодавачот дали ќе го добијат работното место.

Се забранува работодавачите при вработувањето да бараат од кандидатите тест за бременост или потврда за таков тест при склучување на договор за вработување со жена, без оглед на видот на работното место.

Во направеното истражување на илјада испитанички, скоро 22 проценти изјавиле дека биле прашани од страна на работодавачот дали планираат да раѓаат.

Се бараат измени на законите за извршување и за облигациони односи заради поголема заштита на граѓаните должници со ограничување на висината на законската казнена камата што ја плаќа должникот, пишува Независен.

Ова е една од мерките што на парламентот ќе му ги предложи Комисијата за политички систем, како спроведување на препораките на народниот правобранител во чиј извештај за состојбата со човековите права во 2017 година е наведено дека голем дел од граѓанските претставки се однесуваат на постапките на извршување.

Извештајот на омбудсманот беше презентиран вчера во матичната собраниска комисија, при што заменичката на народниот правобранител, Васка Мустафовска, посочи дека минатата година не е забележано подобрување во работата на извршителите.

Има ситуации во кои граѓаните се буквално оставени без леб и без основни средства за егзистенција, рече Мустафовска.

Собраниската комисија за политички систем предлага исто така во постапката за извршување да не се преземаат мерки за присилна наплата на долгот без должникот да биде информиран уредно и навремено и пред извршителот да добие информација за основата на примања што ги остварува граѓанинот. Исто така, според пратениците, треба да се интервенира во Законот за извршување, така што средствата од субвенции за поддршка на земјоделството и сточарството да не бидат предмет на извршување.

Од канцеларијата на народниот правобранител нотирале многубројни грешки поради кои граѓаните страдале.

Омбудсманот забележува дека популистичките и неприменливите правни прописи дополнително го отежнуваат остварувањето на правата на граѓаните.

За да се надминат сите овие слабости, народниот правобранител препорачува: да не се применуваат мерките за присилна наплата на долгот, како што е блокирање на трансакциските сметки, сѐ додека извршителот не добие информација за основот на примања кои ги остварува должникот; да се води сметка и за егзистенцијата на должникот и неговото семејство; да се направат квалитетни измени на Законот за извршување кои ќе бидат во интерес на граѓаните, а во насока на надминување на проблемот со превисоките трошоци за извршување и за камата на долгот.

Глоба од 300 до 650 евра или пријава за на суд. Ова е изборот на семејствата  кои одбиваат да ја почитуваат законската обврска за имунизација на децата.

35 родители годинава и 117 лани биле повикани во Државниот санитарен и здравствен инспекторат поради невакцинирање на своите деца. Засега инспекторите немаат точна бројка колку од нив ја платитле казната а колку завршиле во судница.

Наше е да ги повикаме и да им кажеме дека ова е законска обрска и доколу платат во рок од 8 дена тогаш има порамнување, ако, не плаќаат поднесуваме пријава за суд. Ние редовно ги контролираме пунктовите за имунизација а за родителите кои одбиваат вакцинирање добиваме и извештаи, вели др. Ирина Бухова, директор на ДСЗИ.

Од инспекторатот добиваат известувања од пунктовите за имунизација колку и кои родители одбиваат да го носат детето на вакцина. Велат дека антивакциналните кампањи изминатиот период го намалија опфатот на имунизација и тоа во урбаните средини, за разлика од порано кога повеќе невакцинирани имаше во селата.

Родителите доаѓаат и им кажуваме која е процедурата. Тие се збунети од тоа што го слушаат, но имаме и случаи кои по разговорот со некој од нашите инспектори, птооа одат и го почнуваат процесот на вакцинирање на детето, вели Бухова.

Здравствените власти веќе алармираа дека Македонија е во групата на високо ризични земји од појава на опасни заразни заболувања кои биле искоренети пред 40 години. Во Скопје, Прилеп и Куманово опфатот на имунизација е под 90 проценти а во некои скопски општини вакцинирањето со МРП е под 60 проценти.

Министерството за внатрешни почна да дели прекршочни пријави за несменето презиме во патна исправа .

Моминското презиме на невестите во пасошот ги чини од 100 до 500 евра. Според информациите на МВР, досега постојано се изрекуваат прекршочни мерки токму поради оваа причина. Нема ниту една казна од 500 евра, казните најмногу изнесуваат 100 евра.

Инспекторите најчесто делат опомени за оние што не ја напуштиле земјата или пасошoт го искористиле само за медениот месец, анализира СкопјеИнфо.

Граѓаните се соочуваат со казни и кога ќе стигнат на шалтер на одделението за патни исправи. Оттаму се повикани на разговор со инспектор. Доколку пасошот е искористен, од страна на МВР следува глоба.

Ако истата не се плати во рок од осум дена прекршочната пријава се испраќа до судија за прекршоци.

Во Законот за патни исправи е предвиден рок од 30 дена за промена на патните исправи доколку има промена на лични податоци.