Според последниот извештај на Заводот за статистика најплатените професии во Македонија се забележуваат во компјутерската индустрија. 

Статистиката за март пресмета раст на платите а компјутерџиите , на кои друштво им прават и  вработените во секторите телекомуникации и финансиско-услужните дејности добиле највисока плата.

54.606 денари легнала нма сметките на вработените во секторот компјутерското програмирање, консултантски и сродни дејности додека оние кои работат во  секторот финансиско-услужни дејности, освен осигурување и пензиски фондови - 45.677 денари.

Зад нив најголема просечни плати се забелжуваат во секторот снабдување со електрична енергија, гас, пареа и климатизација (37.761 денар) и платите во секторот вадење на други руди и камен - 34.284 денари.

ДЗС сепак пресмета најголеми плати во  воздухопловството каде бруто плата е 84.452 денари.

Просечната нето плата по вработен во март изнесува 23.694 денари. 

Луксуз од којшто е многу тешко да се откажат. 

Од вчера со нови цени се цигарите „Бос“, „Вест“, „Родео“, „Давидов класик“ и „Голд“. Овие цигари се покачени за пет денари.

Цигарите од брендот „Давидов шејп“ се покачени за 10 денари.

Сите брендови на цигари во земјава, се предвидува да поскапат за 4 денари од први јули.

Од денеска почнува изградбата на експресниот пат Штип-Радовиш во должина од 23,5 километри. Градбата ќе почне на потегот клучка Штип југ-Бучин. Се апелира до возачите на внимателно управување и да ја приспособат брзината и да ја почитуваат поставената времена сообраќајна сигнализација.

Работите ги изведува австриската фирма „Штрабаг“ која беше избрана за најповолен понудувач на меѓународниот тендер објавен од Европската банка за обнова и развој.

Изградбата на патот според понудата е во вредност од околу 27 милиони евра за изградба на патниот правец.

Новиот експресен пат  ќе има  две коловозни ленти со широчина од 3,5 метри и две ленти за застанување од по два метра. Изградбата на овој експресен пат, кој ќе овозможи побрз транспорт на патници, но и на земјоделските производи од струмичкиот и радовишкиот регион треба да заврши во рок од три години, а новата траса ќе почнува од клучката за штипскиот Затвор и село Софилари до клучката кај радовишкото село Бучим.

Министерството за правда подготвува измени на законот за прекршоци кој беше донесен во 2015 година. Од Министерството преку ЕНЕР велат дека актуелниот закон е со речиси идентични одредби како и законот од 2006 година, со одредени номотехнички промени.

Максималните казни за граѓаните ќе изнесуваат петстотини евра, а казните за фирмите во прекршочна постапка не смеат да бидат над 1000 евра.

Главната цел на оваа промена е да се спречи е да се спречат издавања на казни со десетици илјади евра за граѓаните.

Прекршоците се многу високи, ги изрекуваат органи на управа без судска пресуда со што се удира врз џебот на граѓаните и нивниот стандард, кажа Ана Павловска Данева.

Досега се полнеше буџетот, сега ќе има опомени.

Голем бенефит за граѓаните и фирмите ќе има кратењето на жалбената постапка, а исто така со поднесувањето на жалба ќе се стопира и извршувањето на казната, вели Данева.

Ваквото законско решение се очекува до јули да биде доставено до Валда, а веќе во септември да се најде пред пратениците.