Учениците во втора година кои се дел од специјалната ЕВН паралелка во СЕТУ „Михајло Пупин“ од Скопје добија договори за месечен надомест. Надоместокот ќе им се исплаќа за практичната обука која ќе ја посетуваат во просториите на ЕВН Македонија во текот на училишната година. Учениците досега добиваа надомест за летната практикантска обука, а овој дополнителен надомест е мотивација и вреднување на трудот и ангажманот на учениците  за време на учењето преку работа во ЕВН. Овој проект е успешен начин на градење на вештини потребни на пазарот на работна сила. 

Договорите ги доделија министерката за Труд и социјална политика, г-а Мила Царовска и претседателот на Управниот одбор на ЕВН Македонија, г-дин Штефан Петер.

Овој проект е успешен начин на градење на вештини потребни на пазарот на работна сила. Ги охрабрувам и другите компании да го следат примерот на ЕВН Македонија која направи специјална паралелка за стручно оспособување на средношколците. Придобивки од ваков вид образование има и која веднаш си обезбедува стручен кадар, и учениците кои освен што стручно се оспособуваат, добиваат и надоместок за практиктиканстката работа, но и вработување веднаш по завршувањето на образованието. На овој начин се решава недостигот на стучен кадар кој во последните неколку години е се поизразен, но истовремено се намалува невработеноста, рече министерката Царовска.

Претседателот на Управниот одбор на ЕВН Македонија, г-дин Штефан Петер рече дека задоволство е да се помогне на ученици кои успешно ја поминале првата година во ЕВН паралелката и се подготвени за нови знаења и предизвици.„ЕВН Македонија е социјално одговорна компанија која се грижи за иднината на тинејџерите на Македонија и со овој проект „20-20-20“ ние ги учиме како да работат. Овие ученици се веќе во втора година и може да одат на терен и да работат реална работа како нашите електромонтери. Поради тоа што преземаат некаква одговорност на терен, од денес ќе добиваат соодветен надомест. Ова е пресликување на Австрискиот модел на дуално образование преку кој од една страна од училиштето го добивате образованието, а кај компаниите го добивате чувството за работа на терен.“ рече г-дин Петер.

Директорот на СЕТУ „Михајло Пупин“ г-дин Димитар Ѓорѓиев се заблагодари на ЕВН за поддршката која ја дава преку овој проект и најави дека во дворот на училиштето ќе се направи полигон каде што учениците ќе може да изведуваат практична настава.

ЕВН е првата компанија која учествува во афирмирањето на дуалното образование со цел да произведе млади стручни кадри кои веднаш по завршувањето на средното образование ќе можат да бидат дел од компанијата. Целта на проектот „20-20-20“ е дваесетина ученици од секоја генерација по успешното завршување на школувањето да добијат понуди за работа и месечна плата од 20.000 денари.

Кинење на казни нема повеќе нема. Радарите на МВР последните 8 месеци се поврзани со компјутерскиот систем во централата на сообраќајна полиција. Ова денес го изјави Дејан Трајковски Џонсон, началник на Единицата за безбедност во сообраќајот на град Скопје.

Ова денес го изјави Дејан Трајковски Џонсон, началник на Единицата за безбедност во сообраќајот на град Скопје.

Полицаецот добива шифра и почнува постапката – се мери брзината на движење, имаме видео како доказен материјал за судот, така што кинење на казни, не, вели Трајковски.

За сообраќајните камери поставени во Скопје вели дека работат, има посебен систем во МВР што го следи движењето и тие во последниот период се користат за потешки видови на сообраќајни прекршоци, како доказен материјал во судска постапка.

Споредбено со лани, имаме намалување на сообраќајните незгоди на подрачјето на град Скопје, во просек има 10 до 13, за жал и несреќи со жртви, кој е сепак намален во споредба со лани за 4%, вели Трајковски и додава дека критиките на социјалните мрежи ја поттикнале сообраќајната полиција да преземе уште позасилени мерки против прекршителите на сообраќајните закони.

Градежни работници со лимени тараби ја оградуваат парцелата за изградба на деветкатница кај „Мајчин дом“. За овој објект жителите на Аеродром алармираа дека ќе направи еколошка катастрофа бидејќи се гради на зелена површина, а за да се изгради, пак, паркинг за зградата, урбанистичкиот план предвидува сеча на дрворед и ново уништување на зеленилото.

Стопирањето токму на овој објект и поништување на планот со кој е предвиден беше главен адут во изборната кампања на сегашниот градоначалник на Аеродром, Златко Марин. Тој како опозиционер што се бори за градоначалничка функција, на претходниот градоначалник му предлагаше решенија, како обесштетување на сопствениците на земјиштето со пари или компензација со земјиште на друга локација за да го заштити просторот од дополнително градење и да ги послуша граѓаните. Кога стана градоначалник, не само што самиот не ги премиени советите што му ги даваше на претходникот туку го смени и мислењето и во неколку наврати се оправдуваше дека не може ништо да преземе за да ја спречи градбата.

Парцелата пред „Мајчин дом“ во Аеродром, со површина од 3.538 квадратни метри, пред десетина години како државно земјиште беше продадена и приватизирана, но без право на градење сè до донесувањето на спорниот план лани во октомври кога на локацијата беше предвидена деветкатница. Како сопственик на парцелата лани, по усвојувањето на планот,  фигурира компанијата „Масив констракшн“, која се поврзува со бизнисменот Орце Камчев, но сопственоста се смени на крајот на минатата година кога како сопственик на парцелата се појави Друштвото за градежништво, проектирање, инженеринг, трговија и услуги „ЗСФ – ком“ ДООЕЛ увоз-извоз Скопје, сопственост на Фатмир Етеми, поранешен пратеник од ПДПА – НДП.

Од „ЗСФ – ком“ не одговорија на прашањата дали веќе имаат одобрение за градење и колку пари од оваа фирма се слеале во буџетите на Градот и Општината по основ на комунали. Не одговори на прашањата за одобрението за градење ниту градоначалникот Златко Марин.

Уредот MyKi pet кој за прв пат на пазарот го понуди телекомуникациската компанија Вип ќе им помогне на сопствениците на домашни миленици да го следат нивното движење и локацијата на која се наоѓаат во реално време со Андроид или со Иос апликација. Ова е нов уникатен паметен уред кој тежи само 28 грама, а е приспособлив и за мачиња и за кучиња. Миленичето се следи преку мобилна апликација.

Уредот се одликува со едноставност за употреба и е произведен од нетоксични и безопасни материјали. Како дополнителна функционалност, велат од Вип, достапна е програмата за „тренинг“ која со четири различни звуци, овозможува дресура на милениците да извршуваат различни команди.

Преку GPS, LBS и Wi-FI локализацијата, MyKi Pet овозможува  прецизна локација на миленичето со точност од 10 метри. Сопственикот на миленичето може да постави безбедносна зона околу вообичаеното место за прошетка и доколку миленичето ја премине ова зона, сопственикот во истиот момент ќе добие нотификација. Тракерот тежи само 28 грама и затоа е лесно да се постави независно од големината на домашното милениче, велат од Вип.

Уредот е достапен за 0 денари, со договор склучен на 24 месеци за тарифниот модел Vip MyKi Pet со претплата од 199 денари месечно.

Само  уредот чини 3.999 денари.