Програмите на Европската унија за продажба на пасоши и визи за престој на странски богати граѓани претставуваат ризик од перење пари, а некои од проектите не се правилно водени, кажано е во ЕУ.

Владините програми за тргување со државјанство или визија за престој моментално се применуваат во Австрија, Кипар, Луксембург, Малта, Грција, Летонија, Португалија, Шпанија, Ирска, Британија, Бугарија, Холандија и Франција.

Унгарија тој програм го укина.

„Ако имате многу пари кои се стекнати на сомнителен начин, обезбедување нов дом, далеку од местото каде сте краделе, не е само атрактивно, туку и разумно“, рекла Наоми Херст од групата за промовирање на човековите права „Глобален сведок“.

Според нејзините зборови, контролата или проверка на лицата кои купиле државјанство на ЕУ или виза за престој не се на задоволително ниво. Таа рекла дека таа пракса ги изложува земјите на корупцијата и претставува опасност од перење пари.

Во заедничкиот извештај на оваа група и „Транспаренси интернешенел“ ЕУ е повикана да постави стандарди за тие проекти и да ги прошири прописите против перење пари, кои сега се применуваат на банките или компании кои се занимаваат со игрите на среќа, на сите вклучени во индустријата за продажба на визи.

Се очекува Европската комисија да го објави извештајот за сите шеми во земјите на ЕУ до декември.

Според податоци на ЕУ, прибавување на пасоши и визи за престој чини во просек 900 000 евра, а за пасош на Кипар се потребнии околу 2 милиони евра.

Кипар досега собрал 4,8 милијарди евра благодарение на овој систем, а Португалија се ближи до една милијарда , стои во во извештајот на „Европската капија - внатре во матниот свет на златните визи“.

Во извештајот се наведува дека земјите на ЕУ собрале околу 25 милијарди евра директни странски инвевстиции за последните 10 години од продажба на најмалку 6000 пасоши и најмалку 100 000 визи за престој.

Сите земји кои ги имаат овие програми, освен Британија, Ирска и Бугарија, се дел од шенгенската зона, која опфаќа 26 европски земји.

Професијата работник води на листата на најбарана професија. Се зголемува и побарувачката на профилите инженер и директор, но рамо до рамо со нив се и угостителските работници.

Од побараните работни профили се и оние за работното место маркетинг агент, сметководител, менаџер и фамацевт, но голема побарувачка има и за столари.

Помалку барани занимања се и за технички секретар, продавач, администратор, магационер, референт, асистент и наставник, а карактеристично е зголемената побарувачка во категоријата "градежништво и архитектура", каде најмногу се бара бравари, архитекти, заварувачи, дреари и водоинсталатери.

Анализата на огласите, покажа дека многу малку се бараат сервисери, графички дизајнери, медицински сестри, инструктори, дистрибутери.

Најмала заинтересираност кај работодавачите има за занимањата агроном, рецепционер, лектор, воспитувач, пиротехничар, фактурист, геолог, библиотекар, архивар, медија планер, контролор, практикант, едукатор, судски вештак, актер и чувар.

Wizz Air, авиокомпанија со најбрз раст во Европа, и лидер во ниско-буџетни компании во Централна и Источна Европа, денес ја објави својата нова и транспарентна полиса за багаж, која е со цел за полесно чекирање на патниците и гарантира сите патници да имаат една бесплатна торба која ќе ја понесат со себе во кабината на авионот за сите летови на Wizz Air, почнувајќи од 1 ноември 2018.

Историјата на авиокомпанијата покажува дека повеќе од 10 000 летови годишно се подлежни на закаснувања поврзани со багажот. Фактите исто така покажуваат дека во изминатите 5 години, просечната должина на престојот во друга дестинација постојано се намалува и до сега секој трет патник на Wizz Air, купува карти за три или помалку денови. Како последица на краткото патување, патниците на WIZZ се пакуваат, лесно и паметно. Секој трет патник понесува рачна торба, додека секој седми патник се одлучил за рачен торба со тркалца кој може да се понесе на самиот лет.

Од 1 ноември, секој патник има право да понесе една беспатна рачна торба на лет (40x30x20cm), додека патниците кои имаат купено WIZZ Priority, ќе им биде дозволено да понесат и една торба со тркалца  (55x40x23cm) во кабината на авионот. Базирајќи се на потребите на патниците и на новите стандарди на патување, Wizz Air воведе 10kg чекиран багаж кој ќе го олесни удобното патување на патниците со цени почнувајќи од само €7.

Новата фер и чиста полиса на авиокомпанијата е полиса со повеќе опции за патниците, која им овозможува на патниците на WIZZ да одберат од повеќе од 50 опции за багажот на лет и чекиран багаж според нивните индивидуални преференции.

Јохан Еидхаген, Главен маркетинг директор на Wizz Air вели: “Патниците сакаат разновидни продукти и тоа е суштината на овој модел со ултра ниска цена, кој го применува Wizz Air. Сакаме да им ја понудиме на патниците најниската можна цена, како и транспарентен поглед во цената на картата. Под разновидни услуги и продукти, Wizz Air го демократизира начинот на патување  и овозможува плаќање по потреба.”

Ги охрабруваме нашите патници да се пакуваат паметно и да купат WIZZ Priority, која вклучува бесплатна рачна торба (40x30x20cm), рачна торба на тркалца (55x40x23cm) да бидат понесени на летот, приоритетно чекирање и приоритетен влез со ниски цени од само €5.

Купените карти без WIZZ Priority пред 10 октомври за патувања после 1 ноември 2018 ќе бидат надградени со бесплатен чекиран багаж од 10kg, додека картите купени со чекиран багаж ќе бидат надградени со WIZZ Priority.

Wizz Air верува дека овој транспарентен и јасен пристап кон полисата за багаж ќе придонесе за поудобен и побрз влез во авион, подобро искуство на клиентите и во исто време да ги подобри перформансите на времето за полетување на авионите. Со поголема сигурност дека багажот може да се вклопи во авионот, и нов, поголем избор и опции за големина и тежина на багаж, потрошувачите сега имаат неверојатен избор на комбинации за да изберат.

Јохан Еидхаген додаде: „На наше огромно задоволство ви ја претставуваме нашата нова, транспарентна и „фер-за-сите“ полиса за багаж која ќе нуди најширока селекција на избор за багаж за нашите клиенти, воедно дозволувајќи бесплатен рачен багаж за секој патник. Ние сме убедени дека нашата разновидна понуда со повеќе од 50 комбинации на багаж ќе ги задоволи потребите на нашите потрошувачи на персонализиран начин и дека нашите патници ќе продолжат да плаќаат само за услугите кои они сакаат да ги користат. Почнувајќи на 1ви ноември ќе го направиме патувањето по удобно додека континуирано нудиме најниски можни цени за летовите преку нашата широка мрежа од 143 дестинации во 44 држави “

Денот на народното востание 11 октомври 2018 година (четврток), е неработен ден за сите граѓани на  Република Македонија, соопшти Министерството за труд и социјална политика.

МТСП им го честитаат Денот на народното востание на граѓаните на Република Македонија.