Министерката за труд и социјална политика во интервју за Дојче Веле вели дека 90.000 семејства во Македонија следната година со социјалните реформи ќе може да добијат плус 3.300 денари месечно.

Минималната плата сега изнесува 12.126 денари, но дополнително децата во тие семејства исто така ќе можат да примаат образовен и детски додаток. Што значи, едно семејство со една минимална плата со 2 деца ќе стигне некаде до над 15.000 денари..Тие ќе можат да аплицираат за образовен и детски додаток и да добијат 3.300 денари плус и со тоа неговиот приход во семејството ќе биде повисок. Додека пак, истото такво семејство ако не работи ќе зема 10.600 денари месечно социјална помош.  Станува збор за 90.000 семејства со две деца кои ќе имаат право на 3.300 денари месечно додека децата се во системот на образование, односно до 18 годишна возраст - изјави Царовска.

Бидејќи социјалната помош ќе биде безмалку во висина на една плата, таа појасни дека во иднина истите што ќе ја добиваат ќе мора да прифатат и да работат.

Најработоспособното лице ќе биде активирано осум часови во денот. Нема да може да одбива работа. Веќе ги поврзавме системите на Агенцијата за вработување и Центарот за социјална работа. Тие комуницираат меѓу себе за лицето да биде присутно во мерките од оперативниот план за вработување, каде што имаме преквалификација, доквалификација, која ја викаме СИМ програма за советување и менторство, за да може лицето да се насочи кон активација. Дополнително, имате бизнис сектор кој што постојано бара да вработи и квалификува одреден кадар, посебно за нискоквалификувани работни позиции и ќе мора да се вклучува лицето - наведе министерката.

Во буџетот за 2019 пресметано е да има 2,2 милијарди денари повеќе, или околу 36 милиони евра. Работодавачите, ос маркети до текстилниот кластер, постојано прашувале и имале потреба да ги интегрираат во работниот процес. Царовска очекува прво да се „интегрираат“ најработоспособните, а на крај оние кои долги години се приматели на социјалните трансфери.

Малите сипаници може да се поминат многу лесно, но и да предизвикаат воспаленија и сериозни компликации

Мали сипаници или морбили е заразна болест предизвикана од вирус од групата миксовируси. Болеста може да се јави кај оние што не прележале морбили, или не се соодветно вакцинирани против сипаниците.

Прочитајте повеќе на деца.мк

Светски реномираната компанија со седиште во Турција “Лимак Холдинг”, реализира интензивни градежни активности на просторот околу Старата железничка станица во Скопје. Компанијата ги доби сите неопходни дозволи за градба, завршени се подготвителните активности на проектот, како и активностите во координација со Градот Скопје, општина Центар, и останатите државни институции.“Diamond Skopje” ќе понуди одново заживување на делот од градот што со децении беше неуреден и запоставен, а граѓаните на Скопје дел од градот на кој можат да бидат горди.

Во тек е и изведба на подземниот булевар, како и на Лимак хотелот кој е веќе во понапредна фаза.

Изградбата на подземната улица се планира да биде завршена во период од 22 месеци. Станува збор за модерна подземна улица, налик на европските метрополи која од двете страни ќе биде поврзана со новите кружни текови кои се планираат во овој дел од градот. Двонасочен коловоз во 4 ленти и 2 ленти за трамвај/автобус, со должина од 800 метри, кој ќе го дислоцира булеварот Македонија под земја и во голема мера ќе придонесе за олеснување на сообраќајниот метеж во Скопје.

Во комплексот “Diamond Skopje” автентично ќе се вклопи и симболот на градот – Старата железничка станица, денес Музеј на град Скопје, кој се планира да биде возобновен од градските власти.

Станува збор за уникатен и комплексен проект вреден 250 милиони евра, кој ќе вклучува околу 772 станови во 20-катни згради со по 1, 2 или 3 спални соби, канцеларии, трговски центар, хотел, простор за слободни културни активности ресторани, кафулиња, фитнес центар, казино и паркинг со капацитет за околу 2.800 автомобили. Површината на вкупниот проект ќе биде околу 325.000 квадратни метри.

г. Сердар Баџаксиз, Потпретседател во “Лимак Инвестиции”: “Јас сум сигурен дека “Diamond Skopje” ќе биде новиот центар на градот од сите аспекти, било да се работи за бизнис, за социјализација или за културни настани. Целиот комплекс се надеваме дека ќе донесе нови бизниси, инвеститори и потрошувачи од целиот свет, со што дополнително ќе ги отвориме портите на Македонија кон светот.“

Ќе се загрози ли приватноста на граѓаните со тоа што Управата за јавни приходи од наредната година автоматски ќе ги добива податоците за сите приливи на сметките на граѓаните?

Од УЈП велат дека се подготвени за имплементација на новите законски решенија.Пристапот до приливите на сметките на граѓаните им е потребен за подготовка на Годишната даночна пријава, која од наредната година ќе ја изработува Управата за сите граѓани, а тие ќе треба да ја потврдат или корегираат.

Носителите на платен промет се должни да доставуваат до Управата за јавни приходи податоци за приливи на средства на сметки на физички лица, а на писмено барање согласно и постоечкиот Закон за управата за јавни приходи, носителите на платен промет се должни во секое време да достават податоци согласно барањето. Управата за јавни приходи податоците ги користи исклучиво за даночни цели.- велат од УЈП.

Од Министерството за финансии велат дека личните податоци на граѓаните ќе бидат максимално заштитени. Тврдат дека и законот за банки и законот за УЈП се усогасени со Дирекцијата за заштита на личните податоци. Од Дирекцијата пак за заштита на личните податоци не знаат дали нивните забелешки се внесени во конечните решенија на законите, бидејќи не ја добиле конечната верзија на текстот на Законот.

Со измените нема да се даночат дознаките, односно парите кои роднини и пријатели ги праќаат на своите најблиски, иако УЈП и нив ќе ги гледа. Но, граѓаните кои имале приходи од странство од авторски договори, хонорари за кои и до сега требало да платат данок, не ќе можат да го избегнат, бидејќи парите на сметка ќе ги гледа и УЈП.