Ана Леков по 30 години работа во градот, решила да замине во селото Трнски Одоровци, каде предава на две деца, едно во прво и едно во второ одделение, пишува српски Блиц. 

Леков вели дека таму не е по казна, и дека одлуката да работи во ова планинско село со помалку од 100 жители за неа е најдобрата одлука во животот. 

Мештаните ми велат „сите одат чекор напред, а ти чекор назад“, но ја не сметам така, вели таа. 

За многу луѓе ова е деградација, но таа со сопругот се вратила во викендичката каде претходно го поминувале одморот. 

Вели дека враќањето во природа и на село за неа е лек. 

фото Блиц

Движењето на цените на суровата нафта на светските берзи најавува ново, значително поевтинување на нафтените деривати во малопродажба на следната корекција закажана за во понеделник.

Во моментов, барел нафта на берзата во Лондон чини 55,3 долари. Тоа е скоро 4,5 долари пониско од просечната цена за претходните две недели врз основа на која Регулаторната комисија за енергетика ги одреди актуелните цени.
Тогаш, регулаторот ја намали цената на бензините за 1,5 а а дизелот за 2,5 денари.

Доколку трендот на намалување продолжи со ова темпо, за очекување е во понеделник да имаме уште една надолна корекција која би се движела во рамките од последното намалување на малопродажните цени на нафтените деривати.

Владата на Србија вчера усвои уредба со која се овозможува пензионерите со најниски приходи да добиваат додаток на пензијата од пет отсто со редовниот месечен чек се до ноември 2019 година.

На корисниците на старосна, предвремена старосна, инвалидска и семејна пензија чија пензија од месец декември 2018 година заклучно со ноември 2019 година изнесува до 34.003,90 динари, ќе им се исплатува паричен износ како зголемување, покрај пензијата- пишува во уредбата објавена на сајтот на српската Влада. 

Овој паричен износ ќе се исплатува месечно со пензијата од декември оваа година заклучно со ноември 2019 година и ќе се искажува посебно во пензискиот чек. 

Паричниот износ за зголемување на пензијата ќе биде 5 отсто од висината на пензијата на корисникот- се наведува во уредбата.

Компанијата VitaminWater покрена натпревар на кој може да се освојат 100.000 долари, под услов цела година да не користите паметен телефон. 

Пријави се пријавуваат со хаштаг #nophoneforayear на Твитер или Инстаграм, со опис како би изгледала вашата година без телефон. 

Пријавувањето трае до 8 јануари, а на 22 ќе биде објавено кој е избран. 

Но, на крајот на годината ќе мора да помине на детектор на лаги. 

Ако успее цела година да издржи ќе добие цела сума, а ако успее само 6 месеци да биде без телефон, на сметка ќе му легнат само 10.000 долари. 

Она што е помалку од 6 месеци, нема да се наградува. Но, оние кои ќе учествуваат во натпреварувањето ќе добијат за користење Нокиа 3310 за повици и пораки.