Нептун е најголемата малопродажна и дистрибутивна мрежа во Македонија на производи од бела техника, апарати за домаќинство, телевизори, компјутери, лаптопи, телефони, производи за нега и убавина, апарати за ладење и греење. Нептун 20 години е присутна на македонскиот пазар и е застапена со 25 продажни салони во 21 град во Македонија. Со брендови во своето портфолио како Беко, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, Нептун долго време е апсолутен лидер на пазарот во државава.

Компанијата е дел од бизнис кој постојано се менува каде секојдневно има некој технолошки новитет или некој понапреден модел. Сето тоа се причини поради кои Компанијата постојано го следи наметнатото брзо темпо и е во чекор со потребите на клиентите да ги имаат најновите парчиња технологија во исто време со европските пазари.

Дополнително, за најдобро можно купувачко искуство, Нептун нуди и широка палета на услуги на своите клиенти како лојална програма, инстант кредити, дополнителни гаранции, разни типови на достава, онлајн продажба и најновиот продукт кобрендирана кредитна и кешбек happy картичка. Со ова, потрошувачите во Нептун добиваат најдобро можно купувачко искуство преку одбрана селекција на производи со докажан квалитет и услуги кои што креираат дополнителна вредност.

Во периодот од 14-18 март во Нептун има голема акција „Lucky days” со најголеми попусти на целиот асортиман и шопинг до 48 рати со happy кредитот!

Овој „Lucky days” Нептун на потрошувачите им овозможува:

- НАЈГОЛЕМИ ПОПУСТИ на целиот асортиман

- Шопинг до 48 рати со haPPy инстант кредитот

- Кешбек од 2,4% при купување со кобрендираната haPPy MasterCARD

- За секоја кумулативна купопродажба во вкупна вредност од 30.000 денари се добива ваучер од 900 денари за идни купувања.

Целокупната понуда за “Lucky Days”, може да се разгледа на https://www.neptun.mk/

Колку првачиња ќе бидат запишани во следната учебна година ќе зависи од нивниот вакцинален картон. Министерот за здравство ќе бара во мај кога се уписите во училиште, да не биде примено ниту едно дете кое е  невакцинирано.

Дотогаш Филипче очекува да бидат направени законски измени во координација со образование и труд и социјала бидејќи и образованието и заштитата од заразни болести се задолжителни со закон.

Ќе инсистирам на тоа да не запишуваат невакцинирани, ќе изготвиме законско решение има простор за тоа а и Уставен во 2014 се изјасни во поглед на претставки од родители за вакцинацијата, вели Венко Филипче, министер за здравство.

Само во Скопје околу 1500 школски деца немаат примено ниту една доза на МРП.

Теренската вакцинација која беше спроведена во основните училишта во Скопје не ги даде очекуваните резултати. МРП примиле 290 ученици или само една четвртина од невакцинираните.

Засега невакцинирани деца не примаат во градинките, а таа мерка според здравствените власти ќе остане на сила и по завршувањето на епидемијата со морбили.

Нова тура поскапување на цигарите во Македонија.

Од минатата недела, во продавниците поголемиот број брендови цигари се продаваат за околу 5 денари поскапо. 

Согласно планот за зголемување на акцизите, за неколку години се очекува кутија цигари за чини скоро 300 денари.

Во организација на Општина Карпош, во просториите на У.З „Кузман Јосифоски-Питу“ во населбата Козле, денеска, се одржа презентација и јавна расправа за планот за управување со животната средина, за изградба на „Спортско адреналинскиот парк – Карпош“.

На средбата присуствуваа претставници од граѓанскиот сектор, бизнис секторот и локалната самоуправа кои се активни и работат во областа на одржливиот развој и животната средина, како и заинтересирани граѓани од Општина Карпош.

Презентацијата ја отвори заменик-раководителката на Секторот за развој на Општина Карпош, Александра Теова, која во оваа пригода ги образложи техничките аспекти на проектот.

Имено, овој проект е финансиран од Европската Унија, а имплементатор е Светската банка и Кабинетот на заменик-министерот за економски прашања, Кочо Анѓушев, како дел од проектот за локална и регионална конкурентност. Поточно, ЕУ покрива 87% од вкупната вредност за реализација на проектот, или 47.238.993 денари, а Општина Карпош од својот буџет ги обезбеди останатите финансиски средства, односно 7.342.832 денари.

Изградбата на адреналинскиот парк кој ќе се протега на вкупна површина од 6.500 м2, се очекува да започне во мај годинава.  Притоа, ќе биде реконструирано детското игралиште на површина од 480 м2,  скејт-паркот на 1.100 м2, ќе биде изградено ново игралиште за одбојка и фудбал на песок, а атрактивниот адреналински парк за возрасни и деца ќе биде изграден на три нивоа, кој ќе се позиционира на површина од 1.600 м2.

Предвидено е просторот дополнително да биде облагороден со хортикултурно уредување, каде ќе бидат засадени повеќе од 100 дрвја. Ќе биде поставена и нова урбана опрема, клупи, корпи за отпадоци и лежалки за релаксација. Планирано е да се изгради и плато за одмор со мини сквер, а во околината ќе се постават тоалети и четири дрвени куќички за продажба на безалкохолни пијалоци. Просторот ќе го осветлуваат енергетско ефикасни ЛЕД- светилки со соларни панели.

Во рамки на презентацијата говореше и претставничката од Одделението за заштита на животната средина и природата од Општина Карпош, Марина Филиповска, која ги запозна присутните со сите аспекти на проектот и стандардите кои се применуваат, со цел да се одржи здравата животна средина.

По презентацијата се разви активна дискусија со присутните кои поставуваа прашања за одржливост на адреналинскиот парк и за техничките детали на проектот. Од аспект на урбанистичкото решение, на стручните прашања одговараше претставникот од Секторот за Урбанизам при Општина Карпош, архитектот Вангел Караиванов, кој воедно е и предлагач на неколку проектни идеи за спортско-адреналинскиот парк.