Ќе им пружи ли достоинствен живот новата мерка која се крчка?

Дали социјалната пензија ќе биде доволна или тешко со неа ќе имаат егзистенција пензионерите?

Ова прашање го поставуваат многумина а од Здружението на пензионери на Македонија посочуваат дека вака тешко ќе се оставрува достоинствен живот за категоријата граѓани за кои е наменета.

За кој ќе важи социјалната пензија:

Сите граѓани кои се постари од 65 години, кои не ги исполниле условите за пензија и не работеле ниту ден, оваа година ќе добијат државна пензија.

Тоа нема да се однесува на оние кои се во брак или живеат во вонбрачна заедница, а чиј партнер веќе ужива пензија. Таа категорија граѓани, според Владата , не е социјално загрозена и нема да може да добива социјална пензија.

Законот за социјална сигурност на постари лица стигна во Собрание и за него ќе се гласа по скратена постапка. Имено, со него е пропишано државната социјална пензија да изнесува 6000 денари месечно или (96,7 евра) и еднаш годишно да се усогласува со трошоците на живот.

Услов за добивање на оваа пензија е лицето да биде државјанин на Северна Македонија и во земјава да живее во последните 15 години.

За првиот човек на ЗПМ Драги Аргировски без најмалку 12.000, 13.000 или 14.000 денари пензија тешко ќе може да се остварува еден достоинствен живот за пензионерите.
foto: The Financial Planning Group

Возачите повеќе нема да бидат обврзани да плаќаат за налепници дека нивните возила се регистрани. Министерството за внатрешни работи заклучи дека таков билет претставува дополнителен трошок за граѓаните, а во исто време не му помага на полицајците да се утврди дали или не возилото е регистрирано. 

Сите центри за техничка контрола се информирани за оваа одлука. објави Алсат.

Известувањата се испратени до сите центри за техничка контрола, тие да не се користат повеќе. Полицијата може да ја провери регистрацијата во сообраќајната дозвола - рече Тони Ангеловски, помошник-министер за внатрешни работи.

Според експертите од iBroker Antoni Castel institut, луѓето треба да почнат да штедат уште од првата плата, пишува Бизнис инсајдер. 

Тие наведуваат дека во различни животни доби, треба да практикувате различни видови вложувања. 

Експертите велат дека со инвестирање треба да се почне што поскоро. 

Се наведува дека дваесетите години се најдобри за ризични вложувања. 

Во тие години луѓето немаат кредити или семејство, и затоа можат да се впуштат во ризични вложувања. 

Иако во дваесетите години луѓето имаат мали примања, тоа не значи дека не можат да штедат. 

Доаѓа летното сметање на времето, денот се зголемува, а часовникот оди напред еден час.

Во последниот викенд месецов, ноќта во 2 часот меѓу 29 и 30-ти март почнува летното сметање на времето.

Стрелките на часовникот треба да се поместат за еден час нанапред, односно времето во 2 часот, ќе се смета како да е 3 часот.

Преминувањето на времето од зимско кон летно и обратно првпат почнало во 1916 та година во државите на северот во Европа, а денес е практика во 70 земји од Светот.
Европските земји сега се подготвуваат за конечно укинување на оваа практика од следната година.

Со 384 гласа „за“ пратениците во Европскиот парламент изгласаа укинување на летното и зимско сметање на времето, додека против укинување гласаа 154 европски пратеници.

Барањето за укинување на поместувањето на стрелките на часовниците го покрена Европската комисија во Унијата поради повеќе докази за негативно влијание од праксата. Освен негативно влијание врз човековиот биоритам, ваквата пракса доведува и до зголемен број сообраќајни несреќи, но и пад на продуктивноста на работното место.

Летното и зимското сметање претходно е укинато во Русија, Турција, Белорусија и Исланд.