Купивте нов стан или пак стариот сакате комплетно да го преуредите? По бескрајното размислување за планирање на животниот простор, нели е многу полесно сето тоа визуелно да го видите пред конечната одлука за купување? Погледнете како овие одлични компјутерски програми можат бесплатно да ви помогнат.

Не ви е потребно претходно знаење и искуство за нивна употреба. Со нив можете да правите неколку работи одеднаш, како на пример да одберете боја по ваш вкус, мебел, да ги движите ѕидовите итн.

Погледнете ги следните пет бесплатни програми за уредување на домот:

SWEET HOME 3D

Овој 3D визуелен софтвер е идеален за оние кои сакаат повеќе можности за прилагодување на просечна просторија и планирање на  декорот. Потребно е да се логирате на програмата. За да ја добиете понапредната верзија, можете да ја подготвите во компјутерот и подоцна да манипулирате со вашите сопствени планови.

Предноста на програмата е што можете да ги адаптирате 3D моделите на мебел доколку во каталогот ништо не ви одговара. Постои можност моделите директно да ги внесете во својот план. За оние кои сакаат да го видат распоредот на новоуредениот простор, со помош на камерите можат да минуваат низ целиот нацрт и да визуализираат како сето тоа ќе изгледа. Оваа програма може да биде единствена, но исто така им нуди понапредни варијанти на оние кои сакаат повеќе од своето 3D искуство.

MY DECO 3D ROOM PLANNER

Ако сакате да направите сопствен распоред или да си поиграте со веќе актуелниот, тогаш оваа програма е идеална за вас. Програмата ви овозможува да поставувате ѕидови, врати, прозорци и по ваш избор да одберете видови на под и плочки од галериите.

Со цел да изгледа пореално, во вашиот модел можете да внесувате и постоечки производи. Имате цела палета на елементи.

IKEA HOME PLANNER

Ikea има бесплатна програма со чија помош мебелот и декорот можете да ги приспособувате според специфичностите на вашиот дом. Додека го разгледувате каталогот на Ikea, сигурно сте посакале да дознаете како некој стол или одредени полици би стоеле во вашиот простор. Ова е едноставна програма која ви овозможува да го конфигурирате вашиот распоред, да го одберете саканиот мебел од нивниот каталог, да го пресметате трошокот, а потоа сето тоа да го печатите и однесете во најблиската Ikea.

DESIGN A ROOM

Сигурно не ви се допаѓа кога морате од продавницата за мебел да земете примероци од материјали, правејќи со нив разни комбинации во животниот простор. Со оваа програма, проблемот е решен. Армстронг има навистина добра 3D програма што ви овозможува различни комбинации со бојата на подовите, ѕидовите итн.

Програмата ви овозможува да одберете соба во својот дом што сакате да ја уредите, а потоа да се одлучите за стилот, но и да си поиграте со боите и текстурите.

Затоа оваа програма е одлична за оние кои сакаат првин да го видат резултатот, а потоа да трошат пари. Освен тоа, ќе прочитате корисни совети. Програмата овозможува реален изглед, а не само создавање соба што изгледа супер, а всушност е нефункционална. 

Управата за јавни приходи на 14 март ќе одржи аукција на предмети запленети од даночни обврзници.

На продажба се нудат автомобили со почетни цени од 1.500 евра нагоре, телевизори со почетни цени од 50 евра нагоре, машини за шиење, товарни моторни возила, комјутери, бироа, маси и столици, разлилни алати, па дури и томограф.

Повеќе детали за условите за учество во аукцијата, како и детална листа на предметите за продажба со почетните цени ТУКА.

Скок од над 44% или 401.956.529 денари бележи прометот кој Македонска берза го остварила во февруари, покажа извештајот на најновиот билтен на Берзата.

Најтргувани акции на официјалниот пазар на Македонска берза се хартиите од вредност на Комерцијална банка (31,6%), НЛБ Банка (21,14%) и Алкалоид (6,84%).

Најголем раст кај прометот во февруари има кај блок трансакциите каде што прометот регистрирал 182% .

Вкупниот број на трансакции достигна 1.289, а Индексот МБИ 10 беше на ниво од 2.296,91 поени или за 2,99% повеќе споредбено со претходниот месец.

Што се однесува до пазарната капитализација таа бележи раст од 2,78%

Акциите кои во февруари забележаа најголем раст на вредноста се Оилко КДА (46,31%), Жито Лукс (27,39%) и оние на НЛБ Банка (16,25%), додека наспроти нив пад регистрираа хартиите од вредност на Топлификација ( – 8,92%), Окта ( – 8,30%) и на Винарска визба Тиквеш ( – 6,52%).

Истражувањето кое го објавило "GoBankingRates", прикажува список од најевтини земји за живот. Критериумите кои ги земале во предвид се просечната плата, трошоците за сместување, цена на производи, ресторани и превоз.Топ 50-те земји каде животот е најевтин се споредени на следниот начин, од "најскапи" до најевтини, а рангирањето изгледа вака:

"Најскапи" земји за живот кои се наоѓаат на листа од 50. до 41. место се: Белорусија, Перу, Литванија, Хрватска, Мароко, Литванија, Португалија, Египет, Ерменија и Филипини.

Од 40. до 31. место се Бангладеш, Русија, Унгарија, Сирија, Словенија, Германија, Тунис, Шпанија, Естонија и Турција.

Од 30. до 21. место својата позиција ја пронашле Бразил, Грузија, Непал, Албанија, Црна Гора, Алжир, Украина, Азербејџан, Мексико и Романија.

Од 20. до 11 место се наоѓаат во главно држави од нашето окружение: Бугарија, Грција, Србија, Малезија, Чиле, Молдавија, Пакистан, Колумбија, Полска и Босна и Херцеговина.

Во топ 10 најевтини се наоѓаат Македонија, Чешка, Парагвај, Оман, Замбија, Казахстан и Саудиска Арабија. На второто место е Индија, додека "шампион" е Јужна Африка.