На 19ти Септември 2019 година во Скопје по втор пат ќе се одржи водечкиот светски настан од областа на ЧОВЕЧКИТЕ РЕСУРСИ. 

Со свои презентации ќе се претстават некои од светските водечки HR експерти. Учесниците ќе имаат можност подобро да го разберат постојаното менување на денешните трендови во областа на човечките ресурси, како и да го подготват својот тим за нови начини на работа и учење.

Ќе учите од БРИЛИЈАНТНИ ГОВОРНИЦИ, односно експерти за човечки ресурси од реномирани компании како Facebook, Gazprom, Beiersdorf, Molnlycke и други. Ќе се одржат суштински сесии и работилници кои не само што ќе Ви помогнат да останете во чекор со последните трендови за раководење со човечки ресурси, туку ќе Ви дадат и практични совети кои ќе можете да ги искористите во Вашата стратегија за раководење со човечки ресурси. Ќе имате можност за ПРОДУКТИВНО ВМРЕЖУВАЊЕ - никогаш не знаете со какви инспирации, партнерства или деловни зделки ќе си заминете од HR самитот.

Говорници: 

Во Септември 2017тата година, успешно бесе одржан првиот Global HR Summit Скопје, организиран од P World со ексклузивно партнерство на KARIERA.mk. Преку 200 делегати научија повеќе за креирањето на лидерски особини од врвните светски предавачи. 

Доколку сте заинтересирани за иднината на раководењето со човечки ресурси, РЕЗЕРВИРАЈТЕ го Вашето присуство ТУКА. 

Настанот е организиран од P WORLD,  со ексклузивно партерство на KARIERA.mk.

За петнаесет дена откако Град Скопје ја објави анкетата за нови имиња на улици, булевари, плоштади и мостови, пристигнати се 1.633 предлози. Најголем процент од предлозите односно 36 отсто се имиња на историски личности, 31 отсто на јавни личности, 11 отсто за историски настан, 9 отсто се топоними и 12 отсто други предлози, пишува СДК.

„Предложените имиња од граѓаните ќе ги разгледува Комисијата за именување улици, плоштади, мостови и други инфраструктурни објекти на Советот на Град Скопје. При составувањето на оваа листа Комисијата ќе води грижа за застапеноста на предлог-имињата што означуваат личности и настани од значење за историјата, културата и науката на граѓаните што припаѓаат на заедниците што се мнозинство во Република Северна Македонија“, велат од Град Скопје.

Анкетата за нови имиња на улици и објекти е отворена до 18 август. Граѓаните кои сакаат да предложат ново име треба да пополнат онлајн-прашалник https://skopjelab.typeform.com/to/tyGGmL. Оние граѓани што не користат интернет своите предлози со кусо образложение може да ги испратат и преку пошта на адресата – Град Скопје, Совет на Град Скопје, булевар Илинден, бр. 82.

Промената на имиња на улици, булевари, плоштади и мостови ја најави градоначалникот Петре Шилегов на одбележувањето на 56-годишнината од катастрофалниот земјотрес во Скопје. Шилегов тогаш кажа дека Скопје по земјотресот е изграден благодарение на светската хуманост и солидарност, но за жал претходната власт многу од тие спомени избришала.

„Лани на овој ден ги вративме буквите од Тито на старата железничка станица. Пред неколку месеци катните гаражи под надлежност на Градот добија ниви имиња ’26 јули‘ и ’Беко‘. Сега тоа ќе го направиме и на други објекти, улици и плоштади. На анкета граѓаните ќе можат да предложат имиња за објекти и улици, со кои ќе се сеќаваме на денот кога Скопје повторно беше изграден“ рече Шилегов.

Од 26ти до 28ми Септември 2019 година, Скопје ќе биде домаќин на 18тата по ред меѓународна конференција организирана од Меѓународното здружение за подобрување на ефикасноста - International Society for Performance Improvement (ISPI). Основано во 1962 година, ISPI е водечко меѓународно здружение посветено на подобрување на продуктивноста и перформансите на работното место. Голем број на организации и нивни вработени кои работат во разчични бизнис сфери како менаџери на човечки ресурси, консултани за организациски развој, проект менаџери и многу други, се членови на здружението.

Конференциите ISPI EMEA низ годините се имаат одржано во повеќе градови како Гетеборг, Болоња, Лисабон, Варшава, Истанбул, Бон. Ова е можност за сите оние кои што имаат желба, а досега не присуствувале на некоја од конференциите, да земат учество на овогодинешната конференција што ќе се одржи во Скопје.

Учесниците ќе имаат можност да стекнат искуство во тимско работење преку 4 полудневни работилници. Успешни директори од познати организации ќе ги споделат своите искуства во 2 часовна интерактивна сесија. Подетални информации за конференцијата можете да погледнете ТУКА.

KARIERA.mk ја има таа чест да биде партнер на конференција од глобален карактер. 

Во сила стапи Законот за измени и дополнување на Законот за возила со кој се предвидува субвенционирање на граѓаните што ќе набават ново или половно возило со EURO 5 или повисоки еколошки стандарди, субвенции за вградување на плински или метанов уред во возилата со EURO 4 и понизок стандард и воведување на еколошки налепнции за возилата. Сепак, условите и критериумите за субвенции за набавка на возило се уште не се утврдени, а одредбата за еколошки налепници има одложено дејство и ќе стапи на сила по 12 месеци, пренесе МИА.

-Условите и критериумите за субвенција на возила ќе се одредат во Програма за субвенционирање која ќе биде донесена и објавена од страна на Владата. Во нив ќе се прецизира колку пари ќе се субвенционира за набавка на возило со EURO 5 стандард и повеќе, дали висината на субвенцијата ќе зависи од набавната цена и како ќе се утврдува за половни возила, како и дали ќе се субвенционираат и граѓаните кои сами ќе набават возило од странство, велат од Министерството за економија.

Според нив, откупот на старо возило ќе биде единствен услов за добивање субвенција за ново возило и се уште не е прецизирано дали субвенционирањето ќе биде по принципот „прв дојден, прв услужен“ или ќе добива секој без разлика колку ќе купат нови возила. Во моментов во соработка со другите министерства, посочуваат, се разгледува и дали субвенцијата ќе се добива откако претходно граѓанинот целосно ќе го плати новото возило или на некој друг начин.

Во законското решение се предвидени 170 милиони денари за субвенционирање на вградување на плински и метанов уред во возилата со EURO 4 стандард и помалку, како и за купување на половно или ново возило со повисоки еколошки стандарди по системот старо за ново. Првично овие средства беа предвидени за субвенционирање на набавка на нови хибридни и електрични возила, но со амандманите решението се преиначи. Сепак, оние што ќе купуваат хибридни и електрични возила ќе можат да користат субвенции од програмата старо за ново возило.

Лани во земјава биле регистрирани 477.350 возила, од кои околу 60 отсто се дизел автомобили. Од нив 90 отсто се постари од 10 години.

Ќе се субвенционира и набавка на полвни возила со EURO 5 или повисок стандард

Министерот за економија Крешник Бектеши во интервју за ТВ Алсат најави дека се предвидува да се субвенионира и набавка на половни возила со EURO 5 и повисок стандард од салоните на импортерите на половни возила по принциопот старо за нова, а единствен услов за тоа е да се одјави претходното возило.

Тој неодамна ги презентираше измените во Законот за возила и посочи дека се плод на барањата на граѓаните за намалување на загадување на воздухот од страна на возилата и се однесуваат за две важни подрачја, сообраќајот и екологијата. Прецизира дека субвенционирањето се очекува да почне од наредната година, но додаде дека е можно да се случи и порано доколку се обезбедат средства со најавениот ребаланс на Буџетот.

Бектеши појасни дека со измените се воведуваат субвенции за вградување на уреди на течен нафтен гас (плин) или компримиран земјен гас односно метан, субвенции за купување на ново возило илиполовно возило што ги задоволува повисоките еколошки стандарди, ако претходно користеното се одјави. Се воведува и еколошка категоризација на возилата во зависност на стандардите кои ги исполнуваат. Тие доброволно ќе се одбележуваат со зелена, жолта и црвена налепница, а се воведуваат и жолти регистарски таблички за таксистите и унифицирана светлечка табла за такси возилата.

Со мерката за субвенционирање на трошоци за вградување на уред за погон на ТНГ, метан или друг вид на алтернативно гориво во постоечките возила се предвидува да се субвенцинира 50 отсто од цената на трошоците за набавка и вградување на уредот, но не повеќе од 300 евра во денарска противвредност за возило и се предвидува да бидат опфатени над 1.200 возила на годишно ниво, рече тогаш Бектеши.

За мерката за субвенционирање на купување на ново лили половно возило со одјава на старо возило, додаде, се предвидуваат субвенции од две до три илјади евра во денарска противвредност, како и во првата година да се субвенционира набавката на 200 до 500 возила. За еколошката категоризација на возилата истакна дека ќе биде на доброволна база и ќе има три категории со различни бои на налепници. На барање на здруженијата за автотакси превоз се воведуваат жолти таблици за такси возилата, со цел да се препознаваат лиценцираните и регистрираните такси возила, и да се спречи нелојалната конкуренција.