Географскиот атлас на светот е класичен атлас, а тоа значи дека во него се вклучени сите континенти и држави. Станува збор за ексклузивно издание на Просветно дело изработено со најсовремен пристап на дигитално и тематско гис-мапирање, при што се користени специјални, глобални тридимензионални (3Д) подлоги на релјефот на копното, на морското и океанското дно. Тој ќе ви овозможи запознавање на реките, планините, езерата, градовите и се што ќе посакате да откриете од областа на географијата.

Немите карти во издание на Просветно дело се одлично дополнување кон Географскиот атлас, како во наставата и за потребите на учениците, така и за индивидуални потреби на сите оние кои сакаат да си ги прошират своите знаења од областа географија.

Немите карти ги опфаќаат: картата на Македонија, која е дополнета со тематски прашања, картите на Европа и Азија дополнети со задачи во координација со наставните содржини, како и карти на Африка, Америка, Австралија и поларните области, исто дополнети со прашања за проверка на стекнатите знаења.

Доаѓате на работа, правите кафе, па ја проверувате електронската пошта и работите на својот дневен план, а потоа правите пауза дури околу 13, 14 часот за да каснете нешто и да се одморите?

Најновото истражување открива дека многу луѓе прават елементарна грешка која станува збор за правењето пауза.

Средно утро е најдобро време за пауза

Професорите Емили Хантер и Синди Ву од Универзитетот Бејлор истражувале кое време од денот е најдобро за пауза на работа и откриле дека попладневната пауза воопшто не е идеална, туку средното утро е најдоброто време за да се одморите од обврските.

Тие докажаа дека одморот во ова време од денот најдобро ја подобрува енергијата, концентрацијата и мотивацијата. Исто така, откриено е дека паузите што ги правите подоцна во текот на денот имаат многу помал ефект.

Кога конечно ќе направите пауза, имајте на ум дека не треба да правите ништо поврзано со работата, туку искористете го тоа време за да одморите и да ја повратите енергијата. Вие избирате што да направите за време на паузата. Можете исто така да извршите полесни деловни обврски сè додека не станат товар.

Повеќе кратки паузи, отколку една долга

Ако забележите дека повеќе ви одговараат почести пократки паузи наместо една долга пауза, одлучете се за овој вид на одмор. Беше спроведено истражување во кое 95 вработени на возраст меѓу 22 и 67 години учествуваа за време на една работна недела. Секоја личност мораше да ја сними секоја пауза што ја има за време на работното време. Резултатите покажаа дека вработените искористиле 959 паузи, или во просек по две паузи од едно лице.

Исто така, истражувањето покажа дека луѓето кои земале повеќе паузи имаат помалку проблеми со здравјето, како што се главоболки, нарушен вид и болки во грбот.

Познатиот британски готвач Џејми Оливер тврди дека Брегзит е една од причините поради кои пропаднаа неговите ресторани.

Тој вели дека луѓето престанале да одат во ресторани во 2016 година поради економската неизвесност предизвикана од Брегзит.

Од 25 ресторани што Оливер ги има низ Велика Британија, 22 се затворени во последните месеци, а преостанатите три работат блиску до аеродромот „Гетвик“ во Лондон, но и нивната судбина е неизвесна, пренесува ЦДМ.

По пропаѓањето на синџирот ресторани „Џејми Оливер ресторант груп“, 1.000 Британци останаа без своите работни места. 

Тој за да ги спаси рестораните вложи повеќе од 14 милиони евра за амортизација на деловните трошоци, но не успеа бидејќи компанијата за само една година изгуби повеќе од 31 милиони евра.

Слична судбина доживејаа и други ланци на ресторани во Велика Британија.

Половина од корисниците на интернет во Европската унија својот одмор или патување го резервирале онлајн.

Најчесто тоа го направиле корисниците од Луксембург – 73 проценти, а најмалку Бугарите – 17 и Романците 18 отсто. Онлајн одмор резрвирале само 13 проценти од корисниците на интернет во земјава.

Според податоците на Евростат, во 2017 година, по Луксембург својот одмор или патување преку интернет најчесто го резервирале корисниците во Финска со 65, Германија со 64 и Данска со 60 проценти.

Онлајн планирањето на одморот или патувањето е најмало меѓу помладите корисници на интернет на возраст меѓу 16 и 24 години (41%) и постарите корисници на возраст меѓу 65 и 74 години (47%). Интернет резервациите се најпопуларни меѓу корисниците на интернет на возраст меѓу 25 и 34 години, од кои 55 проценти одговориле дека својот одмор или патување го резервирале онлајн.

Во нашата земја само 13 проценти од корисниците на интернет одговориле дека го резервирале својот одмори или патување онлајн. Најчесто својот одмор онлајн го резервираат луѓето на возраст меѓу 25 и 34 години (16%), а нешто помалку (12%) луѓето на возраст меѓу 16 и 24 години и најмалку, само шест проценти луѓето на возраст меѓу 65 и 74 години.

По Северна Македонија, следуваат корисниците на интернет од Турција – 15%, Бугарија – 17% и Романија – 18 %.

Во регионот најчесто својот одмор го резервирале онлајн корисниците на интернет од Словенија – 49%, по што следат Грција – 40%, Србија – 35% и Хрватска – 25%.