Минималец од 14.000 денари е црвена линија која не смее да се надмине. Но прво да заживее мерката субвенционирање на придонесите, па потоа да се зголеми минималната плата. Ова е ставот на Организацијата на работодавачи ,кои велат дека и со оваа сума, дел  од фирмите ќе имаат проблем, но е далеку поприфатлива отколку ветувањето на премиерот за 15.16.000 денари минималец до 2020 година. Признаваат дека имале притисоци од владата  за покачување на платите,но без субвенционирање на придонесите, зголемувањето не е можно. 

Од друга страна сме свесни дека зголемувањето на платите е поради недостигот на работна сила, но дел од фирмите, особено во трудо интензивните дејности се најдоа во една незгодна ситуација, бидејќи немаат моќ, ниските цени што ги добиваат од странство и продуктивноста што  ја имаат,не им дозволува некое драстично зголемување на платите. Ова ќе беше страшна мерка, ако не се воведеше  субвенционирање на придонесите за зголемување на платите, изјави Ангел Димитров, претседател на Организација на работодавачи.

Синдикатот и владата се согласни за минималец од 14 илјади денари, но дел од работодавачите не  прифаќале, затоа што финансискиот товар би бил превисок и ќе морале да стават клуч на врата. Сега Димитров вели, ако мерката за субвенционирање, каде владата ќе го плати пензиското и здравствено осигурување, освен персоналецот, стартува од 1 октомври, работниците би добиле повисок минималец со ноемвриската исплата.

Тоa значи од 10 до 15 декември , кога се исплаќа ноемвриската плата, вработените ќе имаат зголемена минимална плата, додава Димитров

Ветувањето на владата е постепено зголемување на минималата плата до крајот на мандатот,односно до наредната година на 16,000 денари. Инаку, во моментов најнисика минимална плата од 210 евра има кај нас и во Албанија.

British American Tobacco ги повикува сите студенти и оние кои дипломирале до пред една година, да презентираат идеја за производ и бизнис план кој има потенцијал да стане комерцијално успешен, а преку кој ќе добијат можност за шестмесечна платена пракса во преку 40 земји низ светот: https://kariera.mk/job/fT4PAG1tQkOXbPf4kLTcuQ/battle-of-minds

Medikal Pharmacy нуди високи месечни примања + бонуси во согласност со постигнатите резултати и е во потрага по ДИПЛОМИРАН ФАРМАЦЕВТ и ФАРМАЦЕВТСКИ ТЕХНИЧАР:  https://kariera.mk/job/DeunSAv680qakAZJgfG19A/diplomiran-farmacevt-farmacevtski-tehnichar

Почетна нето плата од 18.000 денари + бонуси за тест период и плата од 28.000 денари + бонуси после 3 месечниот тест период. Causal Capital има потреба од АГЕНТ ЗА ТЕЛЕФОНСКА ПРОДАЖБА / ПРОЕКТЕН МЕНАЏЕР: https://kariera.mk/job/CY361ZoPVEKsfmrksBTAcQ/agent-za-telefonska-prodazhba-proekten-menadjer

Евротип - спортски обложувалници со отворено работно место за ОПЕРАТОРИ во ВИНИЦА: https://kariera.mk/job/PlvaQzuMlkaJLIMexmKRtA/operatori-za-vinica

Компанијата xSoft има потреба од проширување на тимот со ВЕБ ДИЗАЈНЕР: https://kariera.mk/job/iiGWslBTLUCcAs8xFP7ZDA/veb-dizajner

Стиг комуникации инвест - специјализирана компанија за Интернет Маркетинг сервиси и развој на Веб решенија нуди можност за нови вработувања во одделот за Маркетинг: https://kariera.mk/job/5WGhSTkNDk2I6dXu8KUGCw/senior-specijalist-za-internet-marketing

Доколку сте амбициозни и сакате да патувате, станете дел од тимот на Diplomatic travel service и работете како РЕФЕРЕНТ ЗА ПРОДАЖБА НА ТУРИСТИЧКИ АРАНЖМАНИ: https://kariera.mk/job/EaGzZ-4SPE-u0ojMb4ftOA/referent-za-prodazhba-na-turistichki-aranzhmani

Малопродажната цена на бензинот ЕУРОСУПЕР БС-98 се зголемува за 0,50 ден/лит во однос на цената утврдена со Одлуката од 10.09.2019 година и со тоа малопродажната цена на ЕУРОСУПЕР БС-98 изнесува 69,50 ден/лит.

Малопродажните цени на бензинот ЕУРОСУПЕР БС-95, на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 1,00 ден/лит во однос на цените утврдени со Одлуката од 10.09.2019 година, и со тоа малопродажната цена на ЕУРОСУПЕР БС-95 изнесува 67,50 ден/лит, малопродажната цена на дизелот ЕУРОДИЗЕЛ (Д-Е V) изнесува 62,50 ден/лит, додека малопродажната цена на Екстра лесното масло за домаќинство (ЕЛ-1) изнесува 52,50 ден/лит.

Скопјанка на возраст од 41 година што управувала со електричен тротинет доби потешки повреди и заврши во болница по сообраќаен инцидент со автомобил. Ова е веројатно првата несреќа во која потешко настрада возач на тротинет или можеби првата за која знае јавноста, бидејќи од МВР не ни потврдија дали ова е и единствената досега, откако електричните тротинети навистина се намножија по скопските улици. Тие сѐ уште не се дефинирани во законска рамка, дали се сметаат за сообраќајни средства или се само реквизити за забава. Но сериозноста со која се среќаваат во сиот сообраќаен метеж по улиците и несреќите што почнаа да се случуваат налагаат еден посериозен пристап и можеби нивен третман на превозни средства. Ако тие сѐ уште не се во законска рамка, се поставува прашањето чија е одговорноста во случајов со сообраќајната несреќа, иако тоа не се знае во моментов. Потоа дали воопшто корисниците на електричните тротинети може да подлежат на некаква одговорност доколку се виновни и како ќе се третираат нивните возачи во ваквите несреќи сѐ додека не се формализира законската рамка за електричните тротинети?

Од друга страна, пак, промовирањето од градските власти за користењето и субвенционирањето на електричните тротинети направи тие да станат позастапени и попопуларни. Нивната висока еколошка вредност, малата тежина и големина, подвижност и брзина ги прават добри превозни средства во урбаната средина. Но истите карактеристики ги прават овие уреди тешки за класификација и одредување во правна рамка. Последните информации од МВР беа дека се прават напори електричните тротинети да се вметнат во Законот за безбедност во сообраќајот на патиштата. Од МВР не ни одговорија конкретно што во вакви случаи кога ќе се случи сообраќајка, а учесник е и некој што управувал електричен тротинет, колку тој ќе има последици ако законски не е обврзан.

Во врска со вашето барање за информации поврзани со сообраќајна незгода што се случи на 4.9.2019 на крстосницата од бул. Крсте Мисирков и бул. Гоце Делчев, во која учествувале патничко возило „мерцедес 320“ со скопски регистарски ознаки и електричен тротинет, управуван од скопјанка на 41 – годишна возраст, Одделението за увиди на сообраќајни незгоди при СВР-Скопје изврши увид на местото, а се обезбедуваат и други докази од настанот. По комплетирање на увидниот материјал, тој со соодветен поднесок ќе биде доставен до Основното јавно обвинителство за понатамошна постапка – велат од МВР.

Оттаму не прецизираа по која законска рамка ќе се утврдува одговорноста и дали електричните тротинети се изземени од одговорноста при сообраќајот. Но фактот дека стануваат сѐ поприсутни во сообраќајот не може да се изземе. Тоа го потврдуваат и известувањата на градот Скопје, кои зборуваат за тоа дека се исцрпуваат финансиите наменети за субвенционирање на електричните тротинети. Нивното зголемено присуство по тротоарите, велосипедските патеки и коловозите само зборува за потребата од нивно итно нивно сместување во законска рамка, каде можат да се возат, со колкава брзина, од која, па и до која возраст некој може да користи електричен тротинет и слично.