Француски магазин ја препорачува Македонија меѓу петте најдобри туристички дестинации за 2020 година. 

Се работи за магазинот АД, посветен на декорацијата, уметноста, архитектурата и начинот на живеење, кој на своите читатели им препорачува пет дестинации за одмор во 2020 година, меѓу нив и Охрид во Македонија.

Причините поради кои АД советува да се замине на одмор за Северна Македонија се затоа што таа е позната по својата гастрономија, по вековните традиции и својата природа. Охрид е ставен под заштита на УНЕСКО и тоа е само уште една причина повеќе за да се посети. 

АД објаснува дека Северна Македонија е мала држава во Југо-источна Европа на Балканскиот полуостров, која доби ново име по децениите на политичка дебата со соседна Грција. Во топ пет овој пат е и црногорскиот град Котор. 

Во текст објавен минатиот месец, Македонија е во топ 10 дестинации. Во тој текст се наведува дека земјава има два милиони жители. Прикажана е и фотографија од клисурата во Демир Капија. 

На листата тогаш се најдоа и Бутан, Англија, Аруба, Швајцарија, Костарика, Холандија, Либерија, Мароко и Уругвај. 

Во скопската зоолошка градина во тек е изградбата на внатрешните живеалишта за фламингата и пингвините. Овие егзотични птици, со поддршка од Град Скопје ќе добијат најубаво уредени простори и направени по светски стандард.

- Новото зелено и водно катче во Скопје Зоо ќе биде целосно готово на пролет.

Се ближи крајот на 2019 а се ближи и времето кога работодавците ќе треба да им исплатат годишен регрес на работниците кои ги исполнуваат сите услови.

Сумата која ќе израдува многумина треба да изнесува од 9 610 до 14 090 денари.

За да добиете К-15 треба да сте вработени најмалку 6 месеци кај еден газда.

Глоби ќе добијат оние работодавци кои нема да исплатат к-15 а и оние кои регресот ќе бараат работникот да им го врат назад.

Со размена на писма за соработка помеѓу гувернерката на Народната банка, Анита Ангеловска-Бежоска и директорот на Генералниот директорат за економски и финансиски прашања на Европската комисија, Марко Бути, се склучи Договор за соработка во процесот на заштита на кованите евра од фалсификување. 

Согласно со одредбите од склучениот договор, соработката ќе се одвива преку размена на технички, статистички и административни информации поврзани со фалсификуваните ковани евра откриени на територијата на нашата земја, соопштија од Народната банка. 

Со Договорот, меѓу другото, предвидено е Народната банка да доставува одделни известувања до Европската комисија, како и квартални извештаи со статистички податоци за појавените фалсификувани ковани евра. Особено е значајно што, согласно со одредбите од Договорот, Европската комисија ќе обезбедува и техничка и административна помош за Народната банка и ќе врши обуки наменети за експертите од нашата земја, за откривање фалсификувани ковани евра.

Во изминатиот период, Народната банка, самостојно и во соработка со Министерството за внатрешни работи, спроведе низа активности за јакнење на капацитетите на системот за борба против фалсификување пари, при што одделен акцент беше ставен и на спречувањето на фалсификувањето евра. Со склучувањето на овој договор, уште еднаш се потврдува заложбата на Народната банка за унапредување на соработката со европските институции во оваа сфера, велат од НБМ.