За три дена во Скопје Сити Мол ќе има саем за „Купи куќа, купи стан“ на кој што граѓаните ќе може да се информираат за субвенциите што ги нуди државата и за понудите од градежните компании и на банките на едно место, објави Нина Ангеловска, министерката за финансии.

- Ќе има и преставници од Министерството за финансии за да им помогнат на заинтересираните да го решат своето станбено прашање. Од јуни проектот има значително ппдоброени услови. Каматната стапка од првите три години на ратата е намалена на 2,9 проценти, додека на 3,9 отсто за четвртата и петата година. Се зголемува и субвенционираното учество од 50 на 70 проценти и има поволности за младите до 35 години, рече Ангеловска.

Таа додаде дека до сега во 2019 има вкупно 97 апликации одобрени, вкупната сума на кредити е 3,6 милиони евра, од кои со 1,1 милион учествува државата.

- За периодот септември октомври у ноември 61 кредит е одобрен. Од интересот за 2019 одобрени се 71 за станови, 26 за куќи од кои сите се за млади до 35 години. До крајот на годината одобрени се очекува да бидат вкупно 150 кредити. Има поголеми поволности и интересот се зголемува, додаде Ангеловска.

Таа рече дека 125 милиони денари се планирани во 2020 за овој проект, а според пресметките на министерката, ако еден стан на крајот чини 50.000 евра, држава во таа сума учествува со 12, 5 илјади евра.

- Каматните стапки се во слободен пад, банките даваат поволни каматни стапки, овој проект влијаеше за поповолни услови и за сите останати граѓани Тековниот проект ќе продолжи и во предизборниот период, секако со позитивно мислење од Антикорупциската комисија, изјави Ангеловска.

Скопје повторно се гуши во екстремно загаден воздух и надвор едвај се дише.

Според сајтот „World Air Quality Index" Скопје во топ 5 најзагадени градови на планетата.

Скопје прво беше на третата позиција според загаденоста на воздухот, па потоа на петтата.

На пролет, Зоолошка градина Скопје ќе биде збогатена со уште една содржина која ќе ги анимира најмладите посетители. За првпат кај нас ќе се изгради детски „Авантура парк“ со адреналински и рекреативни содржини за деца.

„Сакаме Скопје да го има овој парк. Многу европски и светски метрополи имаат авантуристички паркови во природа. Тоа е парк кој служи истовремено за забава и физичка активност за деца над петгодишна возраст. Ќе содржи реквизити со различни нивоа на предизивик- лавиринти, дрвени куќарки, јажиња со препреки и многу други интересни содржини со загарантирана безбедност. Со децата ќе работат луѓе кои се обучени за тоа. „Авантура парк“ ќе биде донација од Агенцијата за млади и спорт, а со директорот Дарко Каевски и градоначалникот на град Скопје, Петре Шилегов одлучивме бесплатно да го отстапиме на сите основни училишта во делот на физичкото воспитување за деца од 6 до 15 години.

Проектот е во изработка и се надеваме дека на пролет, Скопје ќе го добие еден од најубавите авантуристички паркови во регионот“- изјави директорот Ѓорѓи Галетановски.

Дизелот поскапува, a бензините остануваат со иста цена. 

Цената на дизелот и Екстра лесното масло за домаќинство од полноќ расте за половина денар, а бензините ќе се продаваат по иста цена. Вака денеска одлучи Регулаторната комисија за енергетика.

Дизелот ќе се продава по цена од 61,5 денари за литар, а Екстра лесното масло за домаќинство за 50,5 денари за литар.

Еуросупер БС-95 и неделава ќе чини 68,5 денари за литар, а Еуросупер БС-98 за 70,5 денари за литар.

Малопродажната цена на мазутот М-1 НС се покачува за 0,229 ден/кг во однос на претходно утврдената цена, и веќе од утре ќе чини 33,186 ден/кг.

Од Регулаторната комисија за енергетика соопштуваат дека во изминатиот седумдневен период референтните цени на светскиот пазар имаат намалување кај бензинот во просек за околу 0,70 проценти, а кај дизелот има зголемување во просек за околу 1,23 проценти и кај Екстра лесното масло за околу 0,76 проценти.