Дизелот поскапува, a бензините остануваат со иста цена. 

Цената на дизелот и Екстра лесното масло за домаќинство од полноќ расте за половина денар, а бензините ќе се продаваат по иста цена. Вака денеска одлучи Регулаторната комисија за енергетика.

Дизелот ќе се продава по цена од 61,5 денари за литар, а Екстра лесното масло за домаќинство за 50,5 денари за литар.

Еуросупер БС-95 и неделава ќе чини 68,5 денари за литар, а Еуросупер БС-98 за 70,5 денари за литар.

Малопродажната цена на мазутот М-1 НС се покачува за 0,229 ден/кг во однос на претходно утврдената цена, и веќе од утре ќе чини 33,186 ден/кг.

Од Регулаторната комисија за енергетика соопштуваат дека во изминатиот седумдневен период референтните цени на светскиот пазар имаат намалување кај бензинот во просек за околу 0,70 проценти, а кај дизелот има зголемување во просек за околу 1,23 проценти и кај Екстра лесното масло за околу 0,76 проценти.

На 29.11.2019 Балфин Групацијата по предлог на Претседателот на Управниот одбор Г-дин Самир Мане донесе одлука да се донираат 1.2 милиони евра за настраданите од скорешните земјотреси во Р. Албанија. Во оваа иницијатива се инволвирани сите компании кои се дел од Балфин Групацијата не само со седиште во Албанија, туку и од Македонија, Црна Гора, Босна и Херцеговина. Регионалните компании како Нептун, Шпар, Џамбо, Ист Гејт кои се дел од Групацијата се директно инволвирани во помошта како финансиски така и на терен за помош на настраданите. Нептун Македонија е компанија од нашата држава, која како дел од Балфин Групацијата праќа помош за настраданите во вид на финансиска помош.

Балфин Групацијата и компаниите кои се дел од неа во државите од регионот се познати по општествената одговорност и хуманост не само во вакви елементарни непогоди, туку во секојдневието на луѓето на кои им е потребна помош.

Групацијата оваа голема хуманитарна акција ја води под мотото “Заедно, ќе се воздигнеме пoсилни” што значи дека помошта за настраданите нема да застане тука, туку ќе се продолжи до стабилизирање на општествените процеси.

Во месец декември на околу 185 илјади граѓани кои скенирале фискални сметки  ќе им бидат испалтени вкупно 3 милиони евра од проектот „Мој ДДВ“, но околу 10.000 граѓани кои учествувале во повратот може да останат без паричните средства затоа што ја немаат или не ја навеле точната трансакциска сметка.

Ова беше објавено денеска на заедничката конференција на Министерството за финансии, УЈП и Фондот за иновации. До 28 ноември има 184.728 корисници на апликацијата „МојДДВ“, скенирани се 39.584.924 фискални сметки а остварен е промет од 19 милијарди 378 милиони денари. Вкупно остварена наплата на ДДВ од 5 и 18 проценти од овој промет изнесува 2 милијарди 98 милиони 709 илјади денари. Вкупно оствареното право на поврат за време на цело време на траење на мерката изнесува 5 милиони 119 илјади евра 

Од први јули, откако започна проектот на Министерството за финансии, скенирани се 39 милиони сметки, а анализите покажале дека порастот на скенирање најмногу е забележан во општините Аеродорм, Центар, Битола и Штип. Од Управата за јавни приходи немаат точна бројка колку граѓани го достигнале лимитот од 1800 денари за првото тромесечие.

Имаме одлични резултати во делот на наплатата ако ги споредуваме податоците спредбено со други години имаме повеќе 10 насто згоелмување на ДДВ во јули август и септември. Би сакала да апелирам до сите физички лица кои ја користат апликацијата дека треба да си ги проверат своите трансакциски сметки ако има одредени измени да ги корегираат, ако не внеле трансакциска сметка да го направат што побрзо затоа што ќе ни олеснат на нас како УЈП да можеме да ги враќаме назад парите“-изјави Сања Лукаревска, директорка на УЈП.

Од 15 декември започнува наградната игра МојДДВ#МојаНаграда, која ќе трае една година и на која ќе се доделат две главни премии од по 50.000 евра, секој месец ќе се доделуваат 15 награди од по 100.000 денари, додека секој ден ќе се доделуваат по 10 награди - 4 по 1.000 денари, 3 награди по 2.000 денари и 3 награди по 3.000 денари. Вкупниот фонд на #МојаНаграда е половина милион евра, а ќе можат да учествуваат сите полнолетни граѓани кои се регистрирани во системот на е-персонален данок и кои скенираат фискални сметки преку апликацијата МојДДВ, истакна министерката за финансии Нина Ангеловска на денешната прес-конференција на која беше претставена #МојаНаграда.

Како што рече министерката за финансии, добитниците на дневна основа ќе се извлекуваат софтверски преку електронски генератор и ќе бидат известени преку самата апликација „МојДДВ“. Тие ќе добијат известување колкава награда добиле или доколку не добиле награда ќе добијат едукативна порака. Оние кои при скенирање на сметките нема да добијат дневна награда, ќе учествуваат во извлекувањата на месечно ниво и на извлекувањата за премиите. Извлекувањата за месчените награди и за премиите ќе бидат јавни.

-Која е целта на #МојаНаграда? - Да биде засилување на мерката МојДДВ - која патем дава одлични резултати во сузбивањето на сивата економија. #МојаНаграда треба да ги мотивира луѓето да ги скенираат и оние сметки со помали суми на ДДВ, , кои претходно не ги скенирале, како и да ги натера да продолжат да скенираат сметки откако ќе го надминат месечниот праг за поврат на ДДВ- рече Ангеловска.

Ангеловска рече дека при дизајнирањето на #МојаНаграда биле земени најдобрите практики од другите земји, од извештаи на Европската комисија. Таа посочи дека покрај сузбивањето на сивата економија, преку наградната игра ќе се врши и финансиска едукација на граѓаните и подигање на даночниот морал преку едукативни пораки.

Директорката на Управата за јавни приходи Сања Лукаревска истакна дека мерката МојДДВ, на која се надоврзува наградната игра МојДДВ#МојаНаграда дава одлични резултати.

-Вкупно корисници на апликацијата заклучно 28 ноемрви има 184.728 корисници, скенирани се 39.584.924 фискални сметки. Остварен е промет од 19 милијарди 378 милиони денари. Вкупно остварена наплата на ДДВ од 5% и 18% од овој промет изнесува 2 милијарди 98 милиони 709 илјади денари. Вкупно оствареното право на поврат за време на цело време на траење на мерката изнесува 5 милиони 119 илјади евра. Просечната старост на лица кои скенираат фискални сметки е од 42-44 години, а најмногу скенираат лица на возраст од 35 години. Во скопските општини Аеродром, Кисела Вода, Центар и Карпош имаат најмногу лица кои скенираат фискални скметки, како и во Битола и во Штип-рече директорката Лукаревска.

Таа апелираше до граѓаните кои немаат внесено траснакциска сметка за поврат на ДДВ да го направат тоа.

Инаку организатори на наградната игра #МојаНаграда се Министерството за финансии, Управата за јавни приходи и Државна лотарија на Македонија. Предвидени се вкупно 3.852 награди и тоа 1.468 награди по 1.000 денари, 1.101 награда по 2.000 денари, 1.101 награда од 3.000 денари, 180 награди по 100.000 денари и 2 награди по 3 милиони денари.