A1 Македонија, организаторот на А1 Game Fest 2019, најголемиот е-спорт и гејминг настан за оваа година, со задоволство објавува дека фестивалот на игрите оваа година ги надмина очекувањата на организаторите и учесниците и понуди вистинска забава за сите гејмери.

На настанот на кој продефилираа повеќе од 10.000 посетители од земјата и регионот, над 2000 пријавени гејмери се натпреваруваа во Clash Royale, Counter Strike: Global Offensive, FIFA20, DOTA2, Fortnite, Hearthstone, Tekken 7, и во Cosplay натпревар во маскирање. Со своето присуство на големо задоволство на присутните и учесниците настанот го збогати и Мартин `Saksa` Саздов, најдобриот играч на DOTA 2 од Македонија во светот, кој го има освоено второто место на The International во 2016 со својот тим – најголемиот турнир во DOTA 2.

Натпреварите се одвиваа преку 10 гигабитен линк обезбеден од страна на А1 Македонија. Оптичкиот интернет покажа супериорен квалитет и стабилност со брзина од скоро 1 гига, неопходен за ултимативно гејмерско искуство.

Во соработка со GG.MK, сите натпревари беа покриени од коментатори за секоја игра посебно, стримани во живо на сервисот на GG.МК, a пренесени преку најсовремената мрежа наА1 Македонија.

Трите најголеми сали и холот на Cineplexx доловија амбиент во духот на светските гејминг натпревари.

Наградниот фонд за натпреварувачите беше околу 10 илјади евра, а на публиката и беа поделени и преку 1000подароци, како и опрема за гејминг обезбедена од компанијата Сетек Сè од Техника –изложувач на А1 Game Fest 2019.

А1 Македонија останува посветена на најновите трендови на светската телекомуникациска сцена која го инкорпорира гејмингот како дел од поп културата и на е-спорт и гејминг заедницата во земјата која незапирливо расте. А1 Game Fest останува на мапата на активности на компанијата во знак на негување на оваа култура, нејзина поддршка и унапредување. 

„InterNations“ врз основа на анкета во која учествувале 20.000 луѓе направи листа на најдобри градови за живот. 

Во топ 10 се најдоа градови од сите континенти. Во првите 10 има дури пет европски градови. 

1. Тајпеј; 
2. Куала Лумпур; 
3. Хо Ши Мин; 
4. Сингапур; 
5. Монтреал; 
6. Лисабон; 
7. Барселона; 
8. Цуг; 
9. Хаг; 
10. Базел.

фото Википедија

Молери, водоинсталатери, монтери... Во Македонија има се помалку мајстори, иако за нив има постојано работа.

Дел од оние кои знаат добро да си ја работат својата работа веќе заминале во странство, бидејќи таму, мајсторските работи, се далку поплатени. Дел од оние кои останале тука, се премногу зафатени, па за да дојдеш до нив треба да закажуваш термин и да чекаш некогаш и со месеци.

На страната на Агенцијата за вработување, постојано се објавуваат огласи дека се бараат мајстори.

Ќе изумрат ли овие професии. Зошто младите не се одлучуваат да се занимаваат со ова?

Во последните неколку години Владата стана најголем работодавац, па така сите млади сакаат да работат во администрација, а никој не се одлучува да биде мајстор, и покрај тоа што ќе знае дека веднаш ќе го чека работа.

Овие професии се добро платени во странство, па затоа оние кои добро се обучени, и веќе заминале таму, за добра плата.

До работодавачите: Дали вашите деца би работеле за платата која вие ја нудите на вашите вработени? Дали ќе ви е се едно вашите деца со факултетска диплома да земаат едвај миминална плата? 

Во Македонија минимална плата до неодамна беше 12.000 денари, а сега е 14.500. Па тука се поставува прашањето како Македонецот успева со оваа плата да го помине месецот?

• За сметки мора да има, она што ќе остани е за храна. Одвај сврзуваме крај со крај, вели Нада од Драчево.
• -Иако имаме висока пензија и таа не ни стига бидејќи децата ни се невработени па им даваме од пензиите, вели Живко од Маџари.
• И јас и сопругот земаме минимална плата. Тешко е многу. Среќа па имаме бавча па нешто си произведуваме сами, а ако ни се роди повеќе и продаваме. Така некако го истуркаме месецот. Не знам што ќе правиме од септември кога ќерката ќе тргне на факултет, вели Вера од Ѓорче.
• Ова е математиката на нашето семејство. Со сопругата земаме минимална плата.  Од нив секој месец по 7.000 денари имаме за сметки, околу 10.000 за храна и хемиски средства. Имаме студент кој патува секој ден од Куманово до Скопје, а месечната карта е 3.000 денари. Што со другите? Каде се другите потреби? Што ако ни се поквари фрижидерот? Што ако се разболиме? Што ако имаме свадба кај некој близок роднина или пријател?

Повеќе од половина од младите во Македонија се невработени, а голем дел од нив сонуваат да ја напуштат земјава. Со тие пари не може да платиме кирија, а не па да живееме, велат дел од нив.

Македонија се бори да ги задржи младите во земјата и да создаде подобри услови и перспектива, но нема стратегија за враќање на веќе иселените. Најголем проблем за младите и натаму претставува невработеноста.

Ретки се тие што се иселиле од Македонија, но по одредено време решиле да се вратат во родната земја.