Дали формалното образование е доволно за успех и добро платена работа? Повеќето луѓе веруваат дека е така, но во пракса дипломата не е доволна. 

Ова се гледа од примерот на едни од најуспешните луѓе на светот кои немаат завршен факултет, а се богати. 

Добро е позната приказната дека милијардерот Бил Гејтс го напушил Харвард и не се вратил веќе, барем не како студент. 

Бившиот директор на американска компанија за компјутерска технологија, Лари Елисон напуштил дури два факултети. И покрај тоа, тој е еден од најбогатите луѓе на светот со богатство од  52,8 милијарди долари. Според Форбс, тој е петти најбогат човек на светот. 

Мојата цел не беше да станам богат, туку да создадам работна околина во која можам да уживам - изјавил Елисон во едно интервју за American History.

Стив Џобс, долгодишен предводник и еден од основачите на Apple има само диплома за завршено средно образование која ја добил во 1972 година. 

Од понатамошно образование се откажал затоа што неговите родители не можеле да му овозможат да оди на колеџ. 

Поминаа 6 години од неговата смрт, но за неговиот успех уште се зборува. 

Кога почина во 2011 година остави богатство од 11 милијарди долари. 

Ричард Бренсон, основачот на брендот Virgin, во својата мрежа има над 400 претпријатија, а според Форбс има 5 милијарди долари. 

Тој не завршил ниту средно училиште, се откажал на 16 години, но тоа не го спречило да стигне таму каде што е денес. Бренсон се залага за образование и смета дека образованието може многу да помогне во поттик на претприемачите. 

Норвешката “DNB Bankas” во 2013 година започна рекламна кампања со светската филмска ѕвезда Џорџ Клуни: “Некои луѓе се среќни во животот, за останатите паметно е да штедиме!”.

За да започнете да штедите е исто како да започнете да вежбате – многу од нас се обидуваат да најдат добар изговор на самиот почеток. Ние веруваме дека со закрепнување на економијата, намалување на стапката на невработеност и реално зголемување на платите доаѓа вистинското време да се започне заштеда – и уште поважно, да се штеди на редовна основа – изјави директорот на дирекцијата за продажба во “DNB Bankas”.

Во Норвешка телевизиската реклама со Џорџ Клуни набрзо стана YouTube-хит со 1 милион прегледи за само неколку недели. Денес, повеќе од 4,5 милиони ја имаат погледнато рекламата на YouTube. Во истата година кога е објавена рекламата депозитното портфолио на “DNB Bankas” пораснало за 14,3 проценти.

Новата банкнота од 50 евра со подобрени безбедносни карактеристи од 4-ти април ќе биде пуштена во оптек.

Во првиот круг ќе бидат пуштени вкупно 5,4 милијарди евра од оваа банкнота.

Новата банкнота, со портрет од божицата на Европа, лик од грчката митологија, има унапредени безбедносни карактеристики со цел да се отежне фалсификувањето и прозорец кој станува транспарентен кога ќе се заврти на светлина, пренесува агенцијата Ројтерс.

Освен тоа, заштитното обележје на банконотите е и смарагдната бројка, која, кога ќе се заврти банкнотата ја менува бојата од смарагднозелена во темносина.

Ова е четвртата банкнота која доживува промена од воведувањето на единстваната валута во ЕУ во 2002 година, откако изгледот го променија банкнотите од 5, 10 и 20 евра.

Европската централна банка во мај 2013 година ја замени банкнотата од пет евра, во септември 2014 година апоенот од 10 евра и во ноември 2015 година банкнотата од 20 евра.

Апоенот од 50 евра е најчесто употребуван од сите апоени во евра. Повеќе од осум милијарди банкноти во оптек се апоени од 50 евра, што е 45 проценти од вкупните апоени во оптек.

Huawei од главната промоција го изостави Lite моделот на премиум смартфонот P10, но сега конечно стигнува и официјалната потврда дека уредот наскоро ќе биде пуштен во продажба, а на повеќе онлајн продавници веќе е достапен за нарачка.

Huawei P10 Lite располага со 5.2 инчен IPS екран со HD 1080p резолуција, 12 мегапикселна главна камера со f/2.2 апаратура, осум мегапикселна предна камера за селфи и видео повици и ја користи новата верзија на Android 7.0 Nougat оперативен систем.

P10 Lite работи со осум-јадрен HiSilicon Kirin 658 процесор, Mali-T830MP2 GPU, 4 GB RAM, 32 GB основна меморија, 4G LTE конекција, има батерија со капацитет од 3000 mAh, а ќе чини околу 350 евра со тоа што достапен ќе биде од 31 март.