Поголемиот дел од активниот ден го поминуваме на работа, а тоа значи дека најчесто јадеме два оброка на работното место, или барем ручекот.

Во напорите да живееме здраво, а тоа значи и да се храниме здраво, одржувањето на квалитетот и буџетот може да биде тешко. Меѓутоа, не е неостварливо. Како и за сите важни работи во животот, треба да се одредат приоритети и да се биде организиран. Хранете се здраво и квалитетно, додека истовремено не го надминувате буџетот, со носење храна на работа.

Ако секој ден купувате кафе и готова храна на паузата за појадок или ручек (или и двете) ќе трошите повеќе пари: најмалку 300 денари за јадење „од нога“, а можеби и двојно повеќе ако седнете во ресторан на пауза за вистински оброк. Исто така ризикувате едноличност и низок квалитет на двата многу важни оброци во денот, бидејќи најчесто имате ограничен избор, или уште полошо, брза храна.

Кога еднаш ќе се организирате и ќе воведете ред и навика, сѐ е полесно.

Верувајте, ако можев јас да се организирам, најверојатно може и секој од вас. Пред еден месец почнав да го применувам методот на планирање на оброци за на работа однапред и резултатите се очигледни: здрава и балансирана исхрана, помалку стрес и помал буџет.

Планирајте однапред

Може да подготвите три до пет оброци однапред за работната недела или да ги спремате вечерта, зависи како ви одговара повеќе. Тоа нека биде храна што брзо и лесно се подготвува и транспортира: тестенини со зеленчук и сос, парче месо со зеленчук, ориз со риба, салати, тостови или wrap сендвичи. Дел од овие јадења може да ги чувате во фрижидер, дел во замрзнувач. Ако имате микробранова печка на работа, уште подобро, ќе може и да го згреете јадењето. Снабдете се со квалитетни садови со добар капак, со капацитет колку што е вашиот просечен оброк. Не заборавајте грст јаткасти плодови или овошје за ужина.

Бидете креативни

Можеби звучи како голем предизвик, но планирањето и подготвувањето на оброците ќе ви стане забавна навика. Подгответе си кафе по свој вкус и набавете си интересна термос-шолја што може да ја понесете со себе.

Смути напивките се здрави и хранливи, а може да ги направите вечерта претходно или за 5-10 минути пред да тргнете на работа. Понесете го вашиот омилен вкус во шише, чаша или штосна тегличка со рачка.

Експериментирајте, пробувајте нови рецепти, читајте блогови за готвење, разменувајте идеи со колегите. Може да се договорите со колега или колешка наизменично секој ден да носите храна за двете/двајцата. Балансираната исхрана наскоро ќе се преслика во балансиран живот.

Заштеда на буџетот

Одредете кој е буџетот што може да си го дозволите за храна додека сте на работа. Согласно вашите можности и вкусови, пресметајте колку ќе ве чинат намирниците за подготвување на оброците во една недела. Планирањето на оброците пред сѐ ќе значи голема заштеда и разликата во трошењето ќе ја забележите уште првиот месец.

Чувство на исполнетост

Кога ќе го доведете во ред прашањето на исхраната, пред сѐ ќе имате големо чувство на исполнетост. Контролата што ќе ја преземете врз трошењето на парите и организирањето на здрав начин на живот ќе ви дадат елан за работниот ден и за нова работна недела. На овој начин нема да чувствувате грижа на совест кога одвреме-навреме ќе се почестите ручек во ресторан со колегите. Бидете упорни и креативни и резултатите нема да заостанат.

Дали некогаш ви се случило рано да си легнете за да се разбудите свежи и одморени за работа, а сепак сте се разбудиле уморни? Изгледа дека самите на себе си го скратувате одморањето – со спиење, колку и тоа да звучи контрадикторно.

За среќа на сите кои се пронајдоа во првата реченица, експертите осмислиле „калкулатор за спиење“ така што, зависно од тоа кога треба да се разбудиме, можеме да пресметаме кога точно треба да легнеме во кревет. А времето на легнувањето, иако мора да станете рано, не мора да биде пред полноќ за да се разбудите одморени.

Спиењето не треба да се гледа како „активност“ од осум часа туку повеќе како циклус од 90 минути. За време на секој циклус телото поминува низ пет клучни фази на закрепнување, како што се лесен сон, длабок сон и РЕМ фазата во која сонуваме, па за добриот сон најважно е да го одредите вистинското време за одење на спиење и време на будењето. За да разбудите одморени, будилникот мора да го наместите така да ве разбуди на крајот на секој циклус. Кога спиете 8 и повеќе часа, а сепак се будите изморени, тоа значи дека сте се разбудиле среде циклус.

Калкулаторот на спиење предвидува дека на луѓето во просек им се потребни 14 минути да заспијат откако ќе појдат во кревет. Според тоа, ако вашиот аларм е наместен за 7 часот наутро, тогаш во кревет треба да одите во 21:46.Ако тогаш не стигнете, следниот термин за идеален сон е 23:16. Но, некогаш сигурно ќе останете будни и по полноќ иако мора вака рано да станете. Според пресметките на експертите, доволно свежи ќе се чувствувате ако легнете во 00:46 или 02:16.

Ако треба да станете уште порано, на пример во 6 часот наутро, тогаш идеални термини за вас се 20:46, 22:16, 23:46 и ако навистина мора да останете будни до доцна – 01:16.

За добро да се наспиете не значи дека треба да одите рано во кревет, туку да одите во вистинско време, па во вистинско време и да се разбудите. Со други зборови, можно е да се наспиете и за 4 и пол часа.

HMD Global ги загрижи фановите дека можеби во блиска иднина не планира повторно да ги користи леќите на Carl Zeiss но, затоа веднаш се „опамети“ и сега се откриваат скици од нов премиум смартфон кој ќе има две главни камери токму со Carl Zeiss брендот.

Информацијата ја протече Nokibar од каде често добиваат квалитетни „инсајдерски“ податоци, па така и овие планови може да ги земеме како релевантни. Кога навистина овој Nokia смартфон со две  Carl Zeiss ќе биде лансиран сеуште е рано да се прогнозира.

За берење аспарагус дневниците се движат и до 150 евра, но ако сакате да се занимавате со оваа работа тогаш добро би било да знаете неколку важни факти.

Од оваа година, оваа работа се плаќа минимум 8.60 евра на саат, нешто повеќе од минатата година. Оние кои имаат искуство со берење аспарагус можат да достигнат саатница и до 150 евра. Берењето аспарагус за германски услови е слабо платена работа.

Ќе живеете и спиете заедно со другите работници, а ќе имате и заедничка бања. Сместувањето не е исто секаде, но едно нешто е заедничко – никаде не е луксузен.

Од платата се одземаат трошоците кои работодавачот ги има за вас – ручек (ако тој ви го обезбедува) и сместување. Исто така, од саатниците кои ви се плаќаат исклучете ја паузата, бидејќи таа во Германија не се плаќа.

Работниот ден воглавно трае 12 до 13 часа. Може да земете една или две паузи од 15 минути за јадење, која потоа се одбива од вкупните работни часа. Во исклучителни случаи, кога аспарагусот од потоплите временски услови расте побрзо, се работи и до 20 саати на ден. Од друга стана, ако врне дожд, тогаш ќе работите 4 до 5 саати на ден. Работата е прилично тешка, се работи и во недела и во празници, а со оглед на тоа што берењето на аспарагус бара постојано наведнување, работата е само за оние кои немаат проблеми со грбот.

Аспарагусот се бери во период меѓу април и јуни, во зависност од времето. Но, со оглед на тоа што температурите во февруари беа повисоки, сезоната оваа година веќе започна.

Станува збор за работа која ја извршуваат воглавно работници кои не се од Германија, а познавањето на германскиот јазик не е многу важно, односно не е предуслов за извршување на оваа работа.