За берење аспарагус дневниците се движат и до 150 евра, но ако сакате да се занимавате со оваа работа тогаш добро би било да знаете неколку важни факти.

Од оваа година, оваа работа се плаќа минимум 8.60 евра на саат, нешто повеќе од минатата година. Оние кои имаат искуство со берење аспарагус можат да достигнат саатница и до 150 евра. Берењето аспарагус за германски услови е слабо платена работа.

Ќе живеете и спиете заедно со другите работници, а ќе имате и заедничка бања. Сместувањето не е исто секаде, но едно нешто е заедничко – никаде не е луксузен.

Од платата се одземаат трошоците кои работодавачот ги има за вас – ручек (ако тој ви го обезбедува) и сместување. Исто така, од саатниците кои ви се плаќаат исклучете ја паузата, бидејќи таа во Германија не се плаќа.

Работниот ден воглавно трае 12 до 13 часа. Може да земете една или две паузи од 15 минути за јадење, која потоа се одбива од вкупните работни часа. Во исклучителни случаи, кога аспарагусот од потоплите временски услови расте побрзо, се работи и до 20 саати на ден. Од друга стана, ако врне дожд, тогаш ќе работите 4 до 5 саати на ден. Работата е прилично тешка, се работи и во недела и во празници, а со оглед на тоа што берењето на аспарагус бара постојано наведнување, работата е само за оние кои немаат проблеми со грбот.

Аспарагусот се бери во период меѓу април и јуни, во зависност од времето. Но, со оглед на тоа што температурите во февруари беа повисоки, сезоната оваа година веќе започна.

Станува збор за работа која ја извршуваат воглавно работници кои не се од Германија, а познавањето на германскиот јазик не е многу важно, односно не е предуслов за извршување на оваа работа.

Новиот клинички центар ќе го гради  конзорциумот предводен од Италијанската Инсо системи заедно со македонските Гранит и Бетон. Телевизја 24 дојде до документ кој покјажува дека понудата на конзорциомот веќе е вреднувана како најповолна.

„Комисијата за евалуација препорача доделување на тендерот на Инсо СПА и Гранит и Бетон како понудувачи со најниска цена кои ги поднеле комплетно бараните документи за тендерот.“
На одлуката е потпишан претседавачот на комисјата за евалуација Јован Грповски. Од министерството за здравство ниту  ја потврдуваат, ниту демантираат информацијата.
Останува нејасно како паднала одлуката конзорциум предводен од фирма со негативен бонитет, спротивно на тендерските услови да  го гради мега проектот Клинички центар.
Според официјалните извештаи што ги објавивме во 2015 година Инсо групата има нето загуба од над 1,7 милиони евра. Во исто време бројките на поединечниот финансиски извештај на Инсо спа, кој е дел од групцијата регистрираат минусно салдо на нето финансиската позиција од  49,1 милиони евра и нето профит од 900 илјади евра.

Одлуката на комисјјната за евалуација ги мобилизира останатите учесници на тендерот. Дел од нив веќе побарале увид во документите дознава телевизија 24 и најавуваат жалби.
Мега тендерот што го бутка техничкиот министер и пратеник Никола Тодоров од самиот старт го следат низа на контроверзии. Од избор на локација, на два пати менуван предмер, па се до пробиени суми за изградба.

Тодоров за неполни два месеци со различна сума во јавноста. „74 милиони евра е буџетот за Клинички“ – изјави Никола Тодоров пред два месеци.

„Инвестицијата само за градба ќе чини околу 70 милиони евра“ – изјави Тодоров минатата година.

По ваквото лиферување на сумите експертите  побараа постапката да сопре.

„Не треба да се продолжи тендерот, треба да се застане тука и да се повлече и да се почне од почетокот откако ќе се направи добра проценка и добра финансиска консктрукција“ – вели Слаѓана Тасева од Транспарентност Интернешнл – Македонија.

Антикорупционерите  алармираа  дека техничка влада не смее  да турка  ваков грандиозен проект тежок 70 милиони евра.

„Не може еден министер во заминување да може да доделува таков проект“ – изјави Ариф Муса, антикорупционер во 24 Отворено пред два месеци.

За новиот клинички беа предвидени 70 милиони евра, пари обезбедени од кредит од Банката за развој на Советот на европа, но сите три компании кои доставија понуди го пробија овој буџет за неколку милиони евра. Тодоров тврди дека пари ќе се најдат, иако во буџетто за 2017 година не се предвидени нови суми за овој објект.

Децата во норвешкото градче Балстад сечат јазици на бакалари, а најврдните заработуваат дневници од неколку илјади норвешки круни.

Најдобар во оваа работа, односно, најдобар во заработката, досега се покажал 16-годишниот Тригве Петерсен. Неговиот татко е рибар кој го научил како најбрзо и најпрецизно да им ги сече јазиците на бакаларите. Затоа и не е чудно тоа што Петерсен напредувал многу брзо.

– Кога почнав да ја работам оваа работа, сечев од прилика два килограми риби во еден ден. Но, денес можам да обработам и до 80 килограми, а некогаш во еден ден заработувам и до 4.500 норвешки круни (околу 500 евра). Успеав да заштедам доволно пари за да отпатувам во Америка. Ќе уживам во авантурата од Њујорк до Хаваите која самиот ќе си ја платам – рекол Петерсен.

Рибарите од Балстад веќе со генерации им ги подаруваат главите од бакаларите на децата од кои тие ќе го исечат јазикот заедно со брадата и вилицата и им ги доставуваат на купците. За килограм јазик можат да добијат речиси 7 евра. Тие велат дека децата отсекогаш биле одговорни за работата со јазици на бакаларите.

– На возрасните едноставно не им е дозволено да дојдат тука и да работат. Тоа е наша работа, наша традиција – вели Јоханес, едно од момчињата.

Бакаларот е норвешки специјалитет, па поради големата побарувачка и големиот извоз, како и многу добрата економска стабилност на земјата, стотици деца имаат можност уште од мали да се вклучат во овој бизнис.

Жените да можат да се пензионираат на 59 години, а мажите на 61 година, би предвидувале новите измени на Законот за пензиско и инвалидско осигурување, кои сè уште се во фаза на разгледување. Според нив, трошокот за надоместокот што ќе го добиваат три години додека да добијат статус на пензионери би паднал на товар на работодавците. Вакви измени се планираат и се чекаат конечните пресметки од Фондот за пензиско и за инвалидско осигурување, во врска со тоа колку би изнесувал надоместокот што ќе треба да го плаќаат работодавците.

Главниот  носител на идеите за вакви законски измени е бизнис–заедницата и синдикатот, а се чека на официјалните предлог – измени во законот кои ќе ги понудат социјалните партнери до Министерството за труд. Самата иницијатива потекнува од бизнисмените, кои одреден период бараат решение како да го подмладат работничкиот кадар. Со ваквите измени, кои нема да имаат финансиски неизбежни последици врз државата, ќе се даде можност на работодавците да го подобрат работниот процес и да се загрижат работниците на кои веќе годините, а и здравствената состојба не им дозволуваат до крај да ги исполнат задачите поврзани со работата. Организацијата на работодавци веќе испратила барање до ПИОМ да пресмета околу триесет „пробни надоместоци“ за работници на оваа возраст. Во исчекување се пресметките од ПИОМ по што се очекуваат информации, за да се стави на хартија предлогот до министерството.

Од Организацијата на работодавци информираат дека првите предмети се дадени до ПИОМ, кој треба да ја пресмета вистината на надоместокот која би требало да ја земаат лицата што би заминале три години порано во пензија, а идејата е за тие три години да земаат надоместок преку Агенцијата за вработување, која ќе го плаќа работодавецот и да се водат како технолошки вишок.