Опрема за велосипед и велосипед со помошен мотор

Едно светло за осветлување на патот на велосипеди  и на велосипеди со помошен мотор треба да биде поставено и прицврстено на предната страна на возилото.  Светлината што ја дава светлото од став 1 на овој член треба да биде во бела боја, а оддалеченоста на светлечката површина на тоа светло од површината на патот не треба да биде помала од 40 cm ниту поголема од 120 cm.

Едно задно позиционо светло во црвена боја на велосипедите и на велосипедите со помошен мотор треба да биде поставено и прицврстено на задната страна на возилото.  Оддалеченоста  на  светлечката  површина  на  светлото  од  став 3   на овој  член  по површината на патот не треба да биде помала од 25 cm ниту поголема од 90 cm.  Светлото може да биде поставено со катадиоптер.

- Катадиоптери на велосипеди и велосипеди со помошен мотор

Еден   катадиоптер во црвена боја  на велосипедите  и на велосипедите  со  помошен мотор  треба  да   биде  вграден  и  поставен  на  задната  страна  на  возилото, а по  еден катадиоптер во жолта или портокалова боја – на секоја страна на педалот (од предната и задната страна). Оддалеченоста на рефлектирачката  површина на катадиопетерот со црвена боја  на задната страна на возилото од површината на патот не треба да биде помала од 25 cm ниту поголема од 90 cm.

Рефлектирачката   површина  на катадиоптерот  во црвена  боја  на задната страна на возилото треба да биде најмалку осум cm. На бочните страни на предното и задното тркало на велосипедот и велосипедот со помошен мотор треба да има рефлектирачки тела што рефлектираат светлина во бела или жолта боја.

- Сопирачки на велосипед и велосипед со помошен мотор

Сопирачките на велосипеди и велосипеди со помошен мотор треба да бидат вградени и поставени за секое тркало, и тоа најмалку по една сопирачка така што да  се меѓусебно независни, со тоа што сопирачката на предното тркало треба да биде рачна.

- Механичко или електрично ѕвонче

Механичкото    или   електричното    ѕвонче   на велосипедите    и  велосипедите    со  помошен мотор служи за давање звучни знаци и треба да биде вградено така за да дава едноличен звук со непроменлив интензитет.

Друга опрема за велосипеди и велосипеди со помошен мотор

Друга опрема за велосипеди и велосипеди со помошен мотор со која се опремени овие возилата е:

• брзиномер;
• циклокомпјутер и пулсметар;
• носач или ногарки за потпирање;
• пумпа, алат и прибор;
• калници;
• бидони и држач за бидони;
• багажник;
• кошница;
• клучалка, сајла со катинар;
• торбичка за ставање на резервен алат и
• седиште за деца.

Бездомник кој користел дрога и спиел на улиците на Лос Анџелес, успеа да стане милионер во само неколку години, објави ББС.

Во 2003-та година животот на Халил Рафаел изгледал безнадежен. Тој имал 33 години, немал дом и не можел да живее без дневната доза. 

Постојано чувствував толку страшни болки, што дури и не можев да спијам - се сеќава тој.

Во тоа време тој тежел само 49 килограми, а целата негова кожа била покриена со рани. Поради проблеми во детството дури не успева да заврши ни училиште.

Сето тоа се променило во една ноќ, во која тој уште еднаш бил примен во ургентното одделение поради предозирање со хероин. Лекарите очајно се обидувале  да го спасат неговиот живот. Халил едвај преживеал и решил никогаш повеќе да не се враќа на дното.

Така тој влегува во центар за рехабилитација и оттаму заминува по 4 месеци. 

Денес тој е крал на трговијата со здрава храна. Бизнисот му е базиран во Калифорнија, а компанијата е хит меѓу познавачите на органските производи. Годишната продажба е над 6 милиони долари. Компанијата допрва ќе се проширува и се подготвува да влезе и на јапонскиот пазар.

Рафаел веќе е на 46 години,  има личен авион, поседува јога студио и со секој изминат ден станува побогат. Тој дури има напишано книга за искуствата, која се вика „Заборавив да умрам".

Тоа што ги знаевме скоро сите поединости за Galaxy S8 и S8+ уште пред да бидат претставени не ги намали супер позитивните импресии од новите смартфони од високата класа на Samsung. Всушност, со овие модели Samsung веќе прави да подзаборавиме на проблематичниот Note 7, особено што сега батериите се проверени на 8 нивоа за безбедност и сигурност.

Импресивен дизајн со многу мала рамка околу дисплеите
Но, да почнеме од најважното – дисплејот. Се работи за целосно нови Super AMOLED екрани со резолуција од 2960х1440 пиксели и HDR поддршка. Да, соодносот на страните сега е 18,5:9, што значи дека уредите се повисоки и потесни, но според Samsung, а и првите импресии на оние кои беа на настанот, се многу полесни за ракување со една рака. Зошто го спомнуваме ова? Зошто е особено импресивно за телефони со толку големи димензии на дисплеј – помалиот модел има огромен 5,8 инчен, додека поголемиот S8 Plus има масивен 6,2 инчен дисплеј.

Ова е постигнато благодарение на исклучително малата рамка околу дисплејот. Горе и долу има мала рамка, отстрана воопшто и ја нема, но затоа има Edge закривување на краевите. Ова прави новите S8-ки да изгледаат навистина флуидно, како да се претопуваат во околината, особено кога ќе ја пуштите камерата. Дополнителен печат на ова оставаат огромните дисплеи, кои сум сигурен дека ќе привлечат голем број на купувачи.

Супер моќни компоненти
Внатре компонентите се најдобрите достапни на пазарот во моментов. Процесорите се Snapdragon 835 или Samsung Exynos 8895 (ние најверојатно ќе го добиеме чипот на Samsung, освен ако не се појават некои увезени уреди од Северна Америка) базирани на транзистори од 10 нанометри. Помогнат се од 4 GB рам меморија и 64 GB простор, со можност за проширување со micro SD картичка до 256 GB. Батериите пак имаат 3.000 односно 3.500 mAh, што е веројатно минимум за смартфони со толку големи екрани. Секако и овие модели се водоотпорни.

Камерите исто така доживуваат подобрувања, иако и актуелните модели се во кремот на класата во овој дел. Назад камерата повторно има 12 мегапиксели, оптичка стабилизација и f/1.7 бленда, но од Samsung велат дека има подобрувања во преработката на фотографиите, па може да очекуваме Galaxy S8 и S8+ повторно за влакно да избегаат на конкуренцијата. Поголемите подобрувања се избрани за предната камера, која има 8 мегапиксели, f/1.7 бленда и најважно од се, автофокус со препознавање на лице. Со оваа технологија, корисникот може да биде сигурен дека секогаш ќе биде во фокус.

Подобрен кориснички интерфејс
Но, Samsung не направи подобрувања само во хардверот. Сега, навигационите копчиња се вградени во самиот оперативен систем (Android Nougat со Samsung Experience), како скоро кај сите конкуренти од Android светот. Сепак, Samsung во “Home” копчето вгради своевиден 3D Touch систем, кој овозможува повратен одговор на силното притискање на копчето, односно чувство како вистински да стискате на копче, а воедно силно притискање во тој дел секогаш ќе ве однесе на почетниот екран, дури и ако виртуелното копче не е видливо. Високиот дисплеј овозможува и многу полесно користење на две апликации одеднаш, како и повеќе видливи менија кога ја користите камерата и многу други апликации.

Bixby и DeX ги дистанцираат S8 од останатите Android конкуренти
Досега, сите Android смартфони се базираа главно на сервисите на Google, како на пример Google Now (Assistant) како виртуелен асистент. Сепак, Samsung претстави целосно свој асистент, кој остава многу позитивни импресии. Тој е многу помоќен од секој конкурент во оваа сфера и може да се користи за целосно работење со телефонот. На пример, можете да му кажете да ја прати последната фотографија на вашата девојка/дечко или пак некоја специфична фотографија (во мојот случај сигурно ќе биде со автомобил).

Bixby работи и во камерата, каде може да препознае на кој предмет е упатен телефонот и да даде неколку опции. На пример, здогледувате некој велосипед кој ви се допаѓа. Го насочувате смартфонот, ја вклучувате Bixby камерата и потоа на смартфонот ќе излезат слики од интернет од истиот тој велосипед, како и линкови каде може да го купите онлајн. Bixby може да се користи и за препознавање на поголеми градби, ресторани и други објекти и во тој случај ќе извади рецензии директно на дисплејот.

DeX е пак своевидна Continuum можност за Galaxy S8 и S8+. Со неа, можете да го приклучите смартфонот на поголем дисплеј (со дополнителна лулка) и да го користите како десктоп компјутер. Искуството ќе биде многу слично како да користите Windows компјутер. Всушност, апликации кои во моментов се оптимизирани се Microsoft Office, па јасно е дека токму Microsoft има вмешано прсти во развојот на оваа функционалност. Тука дури и се споменува виртуелна верзија на Windows 10 или пак виртуелни програми од тој оперативен систем, исто како што може HP Elite X3.

Огромен број на можности за отклучување на телефонотGalaxy S8 и S8 +ќе бидат смартфоните со најмногу можности за отклучување на телефонот. Назад, на прилично лошо место е поставен читач за отпечатоци на прстите (до камерата, а не под неа), но затоа напред има посебна камера со сензор за зеницата на окото, која може да работи само со препознавање на лицето или на зеницата. Во случајот кога ќе се користи само за препознавање на лицето, отклучувањето е побрзо од една секунда – само што ќе погледнете во телефонот тој ќе се отклучи. Отклучувањето со зеницата пак е многу побезбедно и може да се користи во апликации кои ги користите за плаќање или купување, како на пример Samsung Pay.

Galaxy S8 и S8+ ќе бидат понудени во три бои – полноќно црна, орхидеја сива и арктички сребрена. Цената во САД почнува од 750 долари за помалиот, односно 850 долари за поголемиот модел. Според се што претстави Samsung со овие два смартфони, очекувано е тие да бидат бестселери, особено што цените и не се многу повисоки во однос на актуелните модели. Исто така, во пакувањето доаѓаат AKG слушалки, кои чинат 99 долари, што е само уште еден дополнителен бонус.

Во ек на политичка криза Народната банка регистрира раст на кредитирањето на наслението. На крајот на феврурари годинава, податоците покажуваат дека и натаму потрошувачките кредити со раст од 13 отсто се најбарни, пораст има и кај станбените кредити, но помалку се барале кредити за автомобили.

На крајот на февруари годинава, вкупната кредитна изложеност на банките изнесува 4,5 милијради евра. И покрај потезите на Нардната банка за раст на кредитирањето преку намалување на каматите за депозитите, а потоа и за кредитите, од банкарскиот сектор велат дека засега не планираат надолна корекција на каматите за кредитите.. 
 

Во моментов, не планираме намалување на каматите Банките се со високо ниво на ликвидност, но прашање е каде да се пласираат парите. А, во услови на зголемена понуда на пари, а намалена побарувачка, особено кај правните лица, може да се очекува намалување на каматите и во тој случај прво би имало намалување на каматите на депозитите, а поради притисок од конкуренцијата, и на кредитите - велат од НЛБ банка.

Банкарите коментираат дека политичката криза има влијание во секторот, и тоа е најизразено преку намалениот број на инвестициски кредити од фирмите поради недостиг на проекти. На ниво на вкупниот банкарски сектор е регистриран пад на корпоративните кредити, кои пак фирмите ги земаат за тековна ликвидност, а не за инвестициски потези. Во февруари, кај вкупните кредити на корпоративниот сектор е забележано месечно намалување од 1,2%.