Maud Durand Од Фејсбук ќе го отвори Global HR Самитот во Скопје
Глобал HR Самитот Скопје, Македонија е првиот меѓународен настан за човечки ресурси кој ќе се одржи на 29 септември 2017 година во Скопје и замислено е да вклучува презентации од страна на некои од најпознатите светски признати експерти за човечки ресурси и практиканти од Facebook, Unilever, Gazprom, ING и фармацевтскиот гигант Novo Nordisk.Денес, со вас, КАРИЕРА.мк сака да сподели ексклузивно интервју со Maud Durand, стратешки ЕМЕА Sourcer на Фејсбук и еден од најиновативните лидери во областа на човечки ресурси во компанијата.
Магистрирала во управување со човечки ресурси, и смета дека HR е професија, која секогаш ја инспирира и ја турка да оди понатаму и подлабоко во нејзините идеи. Таа неодамна работеше за LinkedIn, каде што имаше можност да им помогне во креирање и спроведување на скалест модел за регрутирање. Maud тука повторно се стакнува со искуства за важноста на регрутерството и одбирањето на кадар во процесот на вработување и повеќе од било што, комбинирање на нешта што таа ги сака: здобивање со нови таленти, бизнис партнерство и стратегија. На нејзината моментална позиција во Фејсбук, таа е стратешки регрутер и внатрешен соработник, помагајќи му на бизнисот да има подобра слика за тоа какви таленти има во пресрет и воведувајќи канал преку кој компанијата ќе се здобива со врвни апликанти.
Кажете ни нешто повеќе за себе и вашиот професионален пат, како одлучивте дека човечките ресурси ќе бидат вашиот избор?
За мене човечките ресурси се професија која секогаш ме инспирира и ме турна да одам понатаму и подлабоко во моите идеи. Јас магистрирав менаџмент на човечки ресурси и работам во оваа област веќе од 2009 година. Го запознав начинот на вработување многу одамна, дури пред да се појават сајтовите за вработување, во времето кога се ловеа таленти на традиционален начин.
Тој период ме научи на пркос и креативност, која ми помага секој ден да дојдам до нови возбудливи талент проекти.
По ова имав можност за прв пат да ја откријам брзорастечката средина во светот на високата технологија, и работев во Dell како консултант за ЕМЕА таленти ( луѓе од Европа, Блискиот Исток и Африка ) и нивни надворешен член.
Со голем интерес кон индустријата, јас исто така потрошив две години како HR Business Partner во стаклената индустрија. За тоа време, решив да ја проучувам ”Place of humans in Merger & Acquisitions” проблематиката како предмет на изучување за мојата магистерска дисертација. Тој проект е почетна точка на планот за промена во менаџментот и можност за отворен дијалог со синдикатите во фабриката.
Начинот на кој што регрутираме се промени како последица на технолошкиот напредок. Која е вашата визија за регрутирање во денешно време?
Еден мудар човек еднаш рече: ”Суштината на успешно регрутирање е да се лови риба онаму каде што се рибите”, сосема клише нели? Не, навистина. Дознајте каде да барате и поточно, што да барате? Ова е предизвик со кој што се соочуваат многу компании, но понекогаш тоа не го разбираат. Sourcing & Talent Insights стратегијата е еден од клучните начини како да го подобриш полето каде што ќе најдеш нови таленти и значително ќе го намалиш времето кое што ти е потребно за да ги најдеш вистинските луѓе кои што сакаш да ги вработиш.
Кои проекти во поглед на човечките ресурси ве гордеат најмногу?
Постојат неколку проекти кои претставуваат мое лично задоволство да се биде дел од нив:
• Talent Insights & Market Map (За првпат од овој тип во Европа, Блискиот исток и Африка) во Facebook
• Development & Implementation of an Insights sharing platform (за целиот тим кој работи во регионот Европа, Блискиот исток и Африка) во Facebook
• Член во креирањето и воведувањето на регрутирачкиот модел во LinkedIn
• Тренинг план и примена на стратегии во OI
• Sales Academy (Програма за пракса со 70 практиканти, односи со училишта, интегрирање и помош при нивните почетоци) во Dell.
Сте работеле за LinkedIn и Facebook во областа на пронаоѓање таленти, како би ги споредиле двете компании?
Главната разлика, мислам дека e флексибилностa на процесите и правилата кои ги налага Facebook во споредба со LinkedIn. Facebook е малку помлад од LinkedIn и два пати поголем, и по мое мислење во фејсбук е сочуван претприемачкиот дух многу повеќе отколку во linkedIn. Чувствувам како се да е можно овде каде што се наоѓам во моментов!.
Како изгледа еден типичен ден на работа во Facebook за Вас?
Повеќето денови јас континуирано работам на:
• Пребарување на таленти
• Градење на мапа на пазарот на таленти
• Изградба на стратегии за регрутирање во области каде што сеуште е тешко да се регрутира
• Изложување на стратегиите и дискутирање на опциите со регионалниот директор и директорот за вработување.
• Пронаоѓам креативен начин како да ги најдам вистинските луѓе и како да ги исконтактирам истите
• Повикување на веќе пасивни апликанти
• разговори и дискусии и мониторирање на следните чекори
• Средби за вработување со разни компании
Вие сте во моментов со седиште во Ирска, како се споредува работна средина таму со остатокот од светот?
Бидејќи јас работам за Американска компанија и веќе имам работено за две други компании пред тоа, би рекла дека тие имаат некои сличности во организациска смисла - Хоризонтален менаџмент, сосема отворени и транспарентни и можеби и самата локација во Ирска атмосферата ја прави како да се чувствуваш акко да си дел од едно големо семејство, секогаш сите сме ЗА забава после работните обврски.
За да ja zapoznaete Maud и да поминete еден ден со некои од најпознатите светски признати експерти за човечки ресурси, резервирајте ги своите билети денес за Global HR Самитот во Скопје за човечки ресурси на следниов линк: http://www.thepworld.com/event/global-hr-summit-skopje