Забрана за играње на подиум, растојание меѓу масите и столчињата и статична музика. Угостителите вчера на состанокот со Комисијата за заразни болести повторно побараа да им се  дозволи организирање на свадбени и други прослави според строго утврдени протоколи. Велат дека со одредени ограничувања гостите ќе бидат целосно безбедни, а доколку не им се дозволи ќе бидат принудени целосно да го затворат бизнисот.

„Туристичко угостителската комора уште на почеток на јули изготви предлог-протоколи со кои се предвидува работа во контролирани услови. И, иако тие предлози беа оценети како прифатливи во Комисијата, сѐ уште не се донесени. Безбедносниот аспект мора да биде максимално запазен согласно протоколите за работа. Во спротивно, како и досега, ќе се соочуваме со приватно, во сопствена режија, организирање прослави без соодветни безбедносни протоколи. Во исто време, за разлика од семејните прослави, дозволени се концерти и други настани со далеку поголем број учесници за кои има предвидени протоколи“, велат од туристичко угостителска комора при ССК.

Во слендите два дена се очекува Комисијата да одлучи дали ќе дозволи рпослави или не.

И музичките работници очекуваат Комисијата да даде дозвола за  организирање на музички настани во угостителксите објекти, како надвор така и во внатрешните делови. Во нивниот допис потенцираат дека во целост ќе ги поддржат активностите на пазарниот инспекторат доколку никој ги прекршува протоколите за време на музички настан во објектите.

Пред извесно време пак се дозволи да се прават концерти, но со орагничен број на луѓе, со задолжително носење на заштитна маска и онлјан продажба на карти.

Грција размислува да ја отвори границата со Северна Македонија. 

Владата го разгледува прашањето поврзано со можноста за отворања на копнените граници за државјаните на соседните земји, јави дописничката на МИА од Атина.

Портпаролот на грчката влада Стелиос Пецас ја потврдил информацијата на МИА.

„Ова е елемент што се разгледува во овој момент на состанокот што е во тек и одговор на ова прашање ќе има кога ќе заврши состанокот. Прашањата што се поврзани со административни одлуки преку заеднички министерски одлуки, што се издадени, а истекуваат во следните денови, исто така ќе се оценат, за да се дадат соодветни насоки, за нивно обновување или прекинување“, е одговорот на Пецас.

Одлуката донесена на 15 јули 2020 година, со која грчките власти објавија забрана за влез на грчка територија на лица од конкретните земји, меѓу кои од од Северна Македонија важи до утре.

Советот на ЕУ објави ажуриран список на трети земји чии граѓани имаат право да патуваат во ЕУ од 1 август, во кој повторно не е вклучена ниту една земја од Западен Балкан, вклучително и Македонија.

Регулаторната комисија за енергетика (РКЕ) денеска треба да ги донесе одлуките за цената на електричната енергија и за парното греење за скопјани што ќе важат во текот на наредната година.

Претседателот на РКЕ Марко Бислимоски неодамна потврди дека сите енергетски компании во земјава побарале зголемување на цената на електричната енергија поради зголемените трошоци и намалената потрошувачка, како и проблемите со ликвидноста што ги предизвика пандемијата со Ковид-19.

Во Скопје денеска беше потпишан договорот за најголемиот синдициски заем во земјава во висина од 72 милиони евра со што се заокружува финансирањето за изградба на трговскиот центар „East Gate“ кој е дел од мултифункционалниот проект „Skopje East Gate“.

Трговскиот центар ќе биде најголем во регионот и се очекува да биде отворен до октомври-ноември следната година. Според најавите, ќе ја има најголемата „Зара“ во регионот на површина од 4.700 метри квадратни. Четириесет проценти од површината во шопинг центарот ќе биде со 20 нови светски брендови кои досега не се присутни во државата, а ги има во земјите од Централноисточна Европа.

– Трговскиот центар се проектира да има 12 милиони посетители годишно, а закупиците годишно да остваруваат нето промет од 120 милиони евра. Овој проект се очекува да донесе повеќе од 2500 вработувања пред се во секторот трговија, но и во услужните дејности компатибилни со трговијата, истакна генералниот извршен директор на „East Gate“, Игор Давков.

Како што посочи, веќе се потпишани договори за закуп со над 150 трговци и издадени се над 80 проценти од центарот.

Лидер на заемот е НЛБ Банка АД Скопје, а покрај неа учествуваат и НЛБ д.д. Љубљана, Комерцијална банка АД Скопје, Raiffeisen Bank Албанија и Халк банка АД Скопје.

Според претседателот на Управниот одбор на НЛБ Банка АД Скопје, Антонио Аргир, со денешното потпишување банките покажуваат дека заеднички можат да поддржат големи развојни проекти и во услови на криза.

Покрај шопинг центарот, овој мултифункционален проект во себе вклучува и изградба на високо квалитетен резиденцијален и деловен простор. Вкупната изградена површина изнесува над 500 илјади метри квадратни.

Од „Балфин групацијата“ се задоволни од поддршката што ја добиваат од банките и државните институции. Групацијата е позната по изградбата на Скопје Сити мол, а присутна е и во повеќе држави од Западен Балкан и неколку држави во Европа. Вработува повеќе од шест илјади луѓе.