Претседателот на Владата, Зоран Заев откако заврши седницата во Владата на прес-конференција го презентираше четвртиот пакет економски мерки.

Тој соопшти дека платежни картички во вредност од 6000 денари ќе добијат следниве категории на граѓани:
-невработени – пасивните баратели на работа,
-пензионерите кои имаат пензии до 15 000 денари
-самохрани родители
-самостојни уметници
-филмски работници
-културни работници
-естрадни уметници и
-540 студенти кои во претходниот пакет не добија платежни картички.

Исто така потенцираше и дека лицата кои имаат над 64 години, а немаат пензија исто така ќе бидат помогнати од државата.

Во четвртиот пакет мерки за поддршка на економијата кој Владата треба да го објави денес напладне дел од мерките се даночни олеснувања за одредени сектори.

На средбите со стопанствениците најавено е дека од следната година повеќе расходи на фирмите ќе бидат даночно признат расход.

Така од 1 јануари следната година за даночно признат расход ќе се смета и трошокот за тим билдинг, како и расходите поврзани со развој на работна сила и тоа ИКТ тренинзи и сертификати, лиценци, курсеви за преквалификација и доквалификација на кадар.

Според планот кој ќе биде објавен денеска од 1 јануари 2021 година, данокот на личен доход за доходот во ИКТ секторот ќе се намалува постепено од 10 проценти на 0 проценти до крајот на 2023 година.

Од МАСИТ информираа дека во овој сет на мерки нивните заложби се значително покриени со тоа што

-Од 01.01.2021 година пресметката за персонален данок почнува скалесто да опаѓа од 10% на 0% до крајот на 2023. Засметување на трошокот за приватно здравствено осигурување како признаен расход, валидно од 01.01.2021. За признаени расходи ќе се сметаат голем дел од трошоците поврзани со развој на работна сила и тоа ИКТ тренинзи и сертификати, лиценци, курсеви за преквалификација и доквалификација на кадар, валидно од 01 01.2021. За признаен расход ќе се смета и трошокот за тим билдинг, валидно од 01.01.2021. Остнуваат на сила мерките за субвенции на плата, одложено плаќање на ДДВ, без каматни кредити за оштетени компании и многу други. Следен чекор е предлог четвртиот сет на мерки да бидат усвоени од страна на Парламентот следната недела со цел дел од нив да стапат на сила од 01.10.2020 година. МАСИТ продолжува да се бори за подобра бизнис клима за раст и развој на ИКТ секторот, информираат од МАСИТ.

Четвртиот пакет мерки за поддршка на економијата ќе биде објавен денеска, а дел од мерките ќе бидат даночни олеснувања за одредени сектори. Владата планира од следната година повеќе расходи на фирмите да бидат даночно признат расход. Денеска ќе бидат обелоденети дел од нив, а тие ќе бидат со важност од следната година.

Така од 1 јануари следната година расходите за приватно здравствено осигурување ќе добијат третман на даночно признат расход. Исто така ќе се сметаат и трошоците поврзани со развој на работна сила и тоа ИКТ тренинзи и сертификати, лиценци, курсеви за преквалификација и доквалификација на кадар. Од 1 јануари 2021 година, за даночно признат расход ќе се смета и трошокот за тим билдинг.

Повеќе прочитајте на Фактор.мк

Денеска Владата ќе ја одржи шестата седница, а освен четвртиот пакет антикризни мерки ќе се носат и некои одлуки за образовниот процес. 

Имено на предлог на Министерството за образование, денеска ќе биде разгледана Предлог - уредба за начинот на организирање и реализирање на наставата во вонредни околности во основните и средните училишта. Нема информација за каква уредба станува збор. Владата претходно во вонредната состојба носеше уредби кои имаа законска сила ама тоа беше во услови на вонредна состојба. 

Премиерот Зоран Заев во интервју за ЛОкално вели дека инситуциите внимателно ќе ја следат состојбата и доколку се појави потреба, начинот на организирање на наставниот процес ќе се усогласува со новонастанатите ситуации. 

Собранието ги измени законите за основно и средно образование со што беше овозможено Владата да носи одлуки за образовниот процес.

Инаку денеска треба да се усвојат протоколи за постапување на посебните основни училишта за реализација на воспитно-образовниот процес со физичко присуство на учениците во учебната 2020/21 година. Потоа ќе се разгледувааат протоколите за ученичките домови, за студентските домови.