Дури 64 отсто од од Окфордската и вакцината на АстраЗенека ќе бидат дистрибуирани во посирмошаните земји, односно земјите во развој, но според Алијансата People’s vaccine тоа не е доволно за да се стекне со потребната имунизација светската популација и реално да се заштити од Ковид-19. Алијансата истовремено предупредува дека богатите држави веќе имаат обезбедено, односно ги имаат купено речиси сите дози вакцини од компаниите Фајзер и Бионтек, како и од Модерна, заради што во сиромашните држави нема да има имунизација со вакцините кои обезбедуваат најголема заштита.

-Богатите земји со 14% од светското население имаат обезбедено 53% од севкупното количество на најразвиените вакцини против ковид-19. Само Канада има нарачано толку многу вакцини што пет пати ќе може да го вакцинира своето население. Ако нешто не се смени драстично, милијарди луѓе нема да добијат безбедна и ефективна вакцина против ковид-19, наведува People’s vaccine.

Инаку, во Велика Британија веќе од денеска започна имунизацијата со вакцината на Фајзер и Бионтек, а Алијансата напоменува дека, токму богатите западни земји откупиле дури 96 отсто од вкупното количество. Вакцината на Фајзер освен то е поскапа, исто како и на Модерна, бара посебни услови на чување, во медицински фрижидери на -70 степени. Токму поради ова, ваквите квалитетни вакцини се потешко достапни за сиромашните земји.

Македонските возачи со просечната плата тешко може да си дозволат да купат нов автомобил. 

Најевтините модели чинат нешто помалку до 10.000 евра и тоа со доста сиромашен пакет дополнителна опрама, без клима и радио. 
Тоа е вообичаено мал автомобил без многу простор за патници и багаж и со ниска кубикажа. За возило од средна класа треба да се одвојат од 15.000 до 18.000 евра или да се земе кредит чија месечна рата нема да биде под 200 евра, сума која тешко кој може да ја исплаќа со просечна плата.

Токму ова покажува зошто кај нас се најпопуларни половните возила по цена од 3.000 до 5.000 евра, кои најчесто се увезуваат од Германија, Италија, но и од други европски земји. 

Статистиката покажува дека од странство во нашата земја во последниве неколку години влегуваат и до 30.000 користени возила, додека во исто време се увезуваат едвај 4.000 нови автомобили. Драстичниот пад во продажбата најдобро го илустрира споредбата со рекордната 2008 година кога авто- дилерите истргувале 17.744 нови возила.

Претседателот Стево Пендаровски во синоќешната емисија „Тема на денот“ во рамки на дневникот на ТВ Сител рече дека анкетитите покажуваат дека помал дел од населението е подготвено да ја прими вакцината против Ковид-19, па според тоа, тој сака да биде првиот граѓанин на земјата кој ќе го направи тоа за да биде позитивен пример.

Јас би сакал да бидам прв што ќе ја прими вакцината кај нас. Не затоа што сакам прв да се заштитам, бидејќи кај мене се влегува со строги протоколи, туку само за да ја кренеме свеста. Бидејќи видов процент дека мал дел од граѓаните се спремни да ја примат вакцината. Ако е тоа возмонжно, па и да се направи некој спот. Станува збор не само за мене, туку и за моето семејство, предложи шефот на државата.

Со таквиот пример, Пендаровски верува дека ќе даде придонес во кревањето на свеста кај граѓаните.

Стопанската комора на Северо-Западна Македонија денеска преку хибридна презентација ќе го претстави јубилејното 10-то издание на ТОП 100 најуспешни компании.

Покрај промоцијата на каталогот на најмоќните 100 компании, ќе бидат доделени неколку награди на компании со посебно достигнување во одредената област, како и придонес и влијание на економијата на државата.

Наградите ќе бидат врачени од страна на претставници на Комората, како и од претставници од Владата на Северна Македонија.