Најновата студија објавена денеска во Велика Британија покажува дека само една доза од вакцината на Фајзер создава неверојатно силен имунолошки одговор сличен на оној кој се создава во организмот откако ќе се прележи инфекцијата и обезбедува заштита од различни соеви на вирусот за луѓето кои веќе се избориле со Ковид 19.

Студијата, предводена од универзитетите „Шефилд“ и „Оксфорд“ со поддршка од Конзорциумот за имунологија на Велика Британија за корона вирусот, открива дека 99% од луѓето генерираат силни имунолошки реакции по една доза од вакцината на Фајзер/БионТек.

Како што наведува угледниот Ројтерс, студијата вклучила 237 лица и заклучено е дека оние кои веќе го прележале ковид 19 имале посилен имунолошки одговор на Т-клетките на вирусот, дури шест пати посилен од оние кои не биле заразени.
Авторот на студијата, д-р Тишан де Силва од Универзитетот во Шефилд, изјавил дека кај оние кои прележале ковид 19, одговорот на инфекцијата е ефикасен во случај на мутациите, новите соеви на коронавирус, како што е и јужноафриканската варијанта. 

Од ноќеска во два часот по полноќ почнува летното сметање на времето. Стрелките на часовникот ќе се поместат за еден час напред, што значи дека наместо два ќе биде три часот.

Летното сметање на времето завршува на 31 октомври во 3 часот по полноќ.

Се очекуваше оваа година да биде последно помесување на времето. Европскиот парламент на 4 март 2019 година изгласа да биде укинато сезонското поместување на времето од 2021 година. Но, Советот на ЕУ сè уште нема донесено конечна одлука, па не е сосема сигурно дека ова ќе биде последното поместување на часовниците во ЕУ.

Сезонското менување на времето, освен во Европа, се применува и во повеќето земји од Северна и Централна Америка, како и во повеќе други држави во светот. 

Примената на Законот за работни односи и „Недела неработен ден“ ќе бидат со одложена примена, од 1 јануари 2022 година, соопштија вицепремиерот за економски прашања, Фатмир Битиќи и министерката за труд и социјална политика, Јагода Шахпаска на денешната редовна месечна седница на Комисијата за јавно-приватен дијалог што се одржа во Владата.

Одложената примена ќе важи и за измените и дополнувањата на Законот за данок на имот.

Како што информира заменик-министерот за финансии, Димитар Ковачевски, Предлог-законот за данок на имот е во собраниска процедура.

Стапките на данок на имот остануваат во рамките во кои беа до сега, освен за оние лица кои поседуваат повеќе единици на имот и кои не се користат или не се во економска функција. Законските измени се во функција на зголемување на продуктивноста и зголемување на приходите по основ на данок на имот, нагласи Ковачевски.

Во однос на предлог-измените на Законот за финансиска поддршка за инвестициите, вицепремиерот Битиќи посочи дека со дел од нив ќе им се помогне на компаниите за пребродување на 2020 година.

Тоа се однесува и на компаниите кои веќе земале помош по мерките од Законот, да не бидат елиминирани поради пад на приходи и затоа воведуваме предлог измени во условите за аплицирање. Дополнително, ќе се променат начинот и условите на исплата, односно ќе се прават исплати тековно што ќе биде дополнителна помош и зголемување на ликвидноста на компаниите, потенцира Битиќи.

Како една од најважните предлог измени во овој Закон, дополни, е и усогласувањето на поддршката со рамномерниот регионален развој.

На седницата присуствуваа претставници од четирите најголеми стопански комори во земјата: Стопанска комора на Македонија, Сојуз на стопански комори, Стопанска комора на северозападна Македонија и МАСИТ, кои ја формираат Платформата за јавно-приватен дијалог.

На иницијатива на МАСИТ стана збор и за поставување минимален праг на основица за плаќање придонеси. Притоа, вицепремиерот Битиќи рече дека Владата останува посветена на она што е дел од програмата, а тоа е скалесто намалување на персоналниот данок во ИТ индустријата.

Битиќи уште еднаш напомена дека за сите важни економски прашања Владата води отворена дискусија со стопанството.

Создавањето предвидливо бизнис опкружување е едно од најважните теми за секој стопанственик, па токму во таа насока, пред донесување какво било законско или подзаконско решение, Владата ќе продолжи со отворена дискусија и консултација со бизнис секторот, подвлече Битиќи.

Согласно воспоставената практика, Комисијата за јавно-приватен дијалог одржува седница секој последен петок во месецот.

Сите моравме да се прилагодиме на новите ситуации и новата реалност од секојдневниот живот, а тоа вклучува и начин на управување со компаниите.

Се надеваме дека вашата компанија е меѓу оние што можат да ангажираат нови работници за да го намалите стресот кај вашиот преморен тим, но дури и тоа си носи свои предизвици. Не интервјуирате некој кој ќе седи покрај вас во канцеларија осум часа на ден туку ангажирате некого да работи самостојно, веројатно во својот дом, можеби стотици километри подалеку од вас. Која е разликата помеѓу ангажирање на ефективен вработен во канцеларија и ефективен вработен од далечина? Како изгледа тој процес на интервју?

Не ставајте премногу акцент на личноста.

Запомнете, ова е технологија, многу од работните места за кои регрутирате може да бараат дефинитивен фокус, а карактерот на потенцијалниот работник не треба да се меша со културата. Сè уште сакате некој што ги има истите вредности како вашата компанија и вашиот тим, но што е важно ако не се одлични во неважни муабети, или не се дружат? Особено кога се работи за технологија, не секој може да биде екстра продавач или да работи со странки. Сега кога работиме на далечина, можеби ќе постои поголема веројатност отколку порано да ангажирате некој чии технолошки вештини го надминуваат нивниот карактер. Единствено време кога сите ќе поминувате време заедно е на неколку состаноци на Zoom на ден и вистината е дека културата на компанијата не е важна во ваков случај. Всушност, членовите на тимот можат да ја исклучат својата камера за време на состаноците и само да изберат да слушаат.

Внимавајте на вештините како управување со времето и независна работа.

Ова се две важни вештини кои вработените од далечина треба да ги имаат усовршено. Далечинското работење значи дека нема да бидете таму за да ги стимулирате вработените во вистинската насока, или да ги одржувате на вистинскиот пат. Вработените од далечина треба да имаат одговорност и да управуваат добро со времето за да работат ефикасно и според распоредот. Тие треба да разберат како да увидат потреба и да ја средат без да им биде речено специјално да го сторат тоа; Многу е потешко да се поделат обврските меѓу вработените без да сте сите во иста просторија заедно.

Еве неколку добри прашања што ќе ви помогнат да ги измерите овие работи:

„Кога имате многу различни проекти, како ги следите сите?“

„Од каде знаете кога некој проект завршил?“

„Кога работите на тимски проект, каква улога добивате обично?“

„Објаснете кога последен пат сте работеле самостојно или во група, и кои беа вашите најголеми придонеси?“

Изберете ги темите за интервју со одредена цел.

Избегнувајте поставување генерички прашања - проверете дали поставувате специфични работи што се однесуваат на вашите проекти, вашата компанија и вашата индустрија. Најлошото нешто што можете да направите е САМО да се водите по предодредена листа на прашања и да ги поставите истите на сите кандидати. Имајте на ум дека секоја улога за која вработувате е различна и во зависност од улогата, може да интервјуирате многу различни луѓе. Сигурно не сакате да го трошите сопственото, или нивното време.

Еве неколку добри прашања што ќе ви помогнат да ги измерите овие работи:

„Кажете ми кога последно сте работеле на голем тимски проект. Која беше Вашата улога и каков беше резултатот? “

„Дали повеќе сакате да работите самостојно или во голем тим, и зошто?“

Ако можете да го пронајдете најдобриот начин за интервју со вашите вработени од далечина, нема да има ништо друго освен успех во иднина со неверојатно силен тим покрај вас.