Промовирани огласи »

Кога жените имаат брилијантна идеја и дилема како да го преземат првиот чекор кон успехот и својата идеја да ја реализираат, важно е да слушнат искуства во однос на целиот процес. Некој што ќе ја поттикне храброста да преовлада над стравот е нашата колешка Ема Муратова, проект менаџер во KARIERA.mk, која утре ќе гостува во 20 часот во емисијата во живо на Sweet 40 Plus на Фејсбук.

Линк до ФБ страната каде ќе се емитува емисијата во живо: (17) Sweet 40+ | Facebook 

Темата е Како да им помогнеме на жените претприемачи?

Ова гостување е во склоп на кампањата за жени претприемачи на KARIERA.mk во која сите услуги на овој сервис се бесплатни за жените основачи на компании до крајот на годината. 

Промовирани огласи »

Забраната и посебниот режим на движење на граѓаните во временски период од 20 часот до 5 часот наредниот ден, што беше воведена на 6 април завршува денеска.

Од Комисијата за заразни болести вчера информираа дека донеле препорака за продолжување на рестриктивните мерки во наредните седум дена.

Владата денеска на седница ќе ја разгледа препораката од Комисијата за заразни болести, а што ја разгледа и Кризниот штаб, за продолжување на рестриктивните мерки.

Главниот координативен кризен штаб на вчерашната седница ги разгледуваше предлозите пристигнати од Комисијата за заразни болести и врз основа на истите предлага на наредната седница на Владата, да се усвои одлука со која постојните мерки кои се со важност до 20 април (вторник), да продолжат да се применуваат до 27 април (вторник).

Во случај на потврдување на трендот на опаѓање, Главниот координативен кризен штаб, како што соопшти владината служба за информирање, ќе ја разгледа можноста за намалување на рестрикциите, исклучиво во случај на континуитет во падот на бројот на заразени и бројот на хоспитализирани лица и тоа конкретно за: во периодот од 27 април (вторник), заклучно со 15 мај (сабота), да се отворат угостителските објекти за работа во отворениот дел, забраната и посебниот режим на движење да почнува од 21 часот до 5 часот наредниот ден, да се дозволи организирање на спортски тренинзи во фитнес центри/клубови на отворен простор и други мерки во зависност од епидемиолошките текови и состојби во државата.

Во насока на сузбивање ковид-пандемијата, министерот за здравство Венко Филипче и поглаварите на Македонската Православна Црква – Охридска Архиепископија, архиепископот Охридски и Македонски, г.г. Стефан и поглаварот на Исламската верска заедница, Реисул Улема хаџи Шаќир ефенди Фетаи, вчера разговарале за актуелната состојба со Ковид-19 во земјава и за можните ризици од групирање за време на претстојните верски празници.

Филипче соопшти дека на средбата се согласите оти сите чинители треба активно да придонесат во битката со пандемијата и се договориле да ја интензивираат комуникацијата во следниот период.

Промовирани огласи »

Корпоративниот Зумицид е побарувачка што ја ограничува кариерата на вработените од дома кога една компанија навистина сака сите да бидат повторно во канцеларија. Во текот на следните 18 месеци, управувањето со ергономските и технолошките промени предизвикани од поделба на работната сила во канцеларија/ надвор од канцеларија ќе биде тешко и стресно, но прилагодувањето на вашата корпоративна култура за да ја менаџирате вашата хибридна работна сила успешно може да се покаже како уште поголем предизивик.

Многу е напишано за тоа „како“ да се вратат работниците на работа. Тука ќе се концентрираме на посуптилното „што значи“ да се вратат работниците на работа. Додека полека преминуваме од протоколите за пандемија, постојат, генерално, две групи: оние кои едвај чекаат да се вратат во канцеларијата и оние што навистина можат.

Во текот на следните 18 до 24 месеци, некои луѓе сè уште ќе сакаат да работат од дома. Нема проблем. Да им дозволиме. За сите други, канцеларијата е отворена. Размислете за ова…

Вклучување…

Состанокот е закажан за 11 часот. Четворица членови на тимот се во канцеларија, а тројца работат од дома. Секој може да се приклучи на видео состанокот од својата работна маса, но четирите лица во канцеларијата одлучуваат да користат мала конференциска сала (опремена со една камера со широк агол и единствен микрофон) и да ги остават оние што работат од дома да се „вклучат“.

Навидум, ова не е ништо ново. Луѓето се вклучуваат на состаноци со години. Но, оваа хипотетичка средба со долгорочен, хетероген тим во канцеларија/ надвор од канцеларија ги потенцира новите предизвици со кои ќе се соочат работниците кои работат од дома во компаниите што прифаќаат враќање на работното меесто без создавање нови протоколи кои ги подготвуваат хибридните тимови за успех .

Четворицата луѓе на маса ќе формираат поинакви човечки врски отколку што ќе можат тоа да го направат со главите што зборуваат на екранот од видео состанокот. Главите што зборуваат не гледаат во други лица присутни до нив, туку тие гледаат единствена слика доволно широка за да ги опфати сите четири луѓе на масата. Нема начин да ги препознаете изразите, да ја прочитате енергијата во просторијата или да го разберете говорот на телото на нивните колеги. Нема шанси главите што зборуваат да излезат од состанокот и да разговараат во живо во салата. Тие ќе бидат исклучени од најважните последни неколку секунди од разговорот по состанокот затоа што биле „исклучени“.

Нерамнотежата на човечките интеракции и недостатокот на серпентичност, блискост и нагорна корпоративна мобилност ќе ги стават работниците кои работат од дома во таква неповолност што или само буквално „ќе телефонираат“ или ќе бидат принудени да најдат работа на друго место. 

И двете ќе се сметаат за корпоративен „зумицид“, но кој е вистинската жртва? 

Работникот или работодавачот?

Просперитетна хибридна работна сила

Додека „безбедноста на прво место“ е водечки принцип за повеќето планови на компаниите за работниците да се вратат во канцелариите постојат некои дополнителни компоненти што ќе придонесат за просперитетна хибридна работна сила.

Прво и најважно се новите работни процеси и процеси прилагодени на социолошките и психолошките предизвици на вашите хибридни тимови. Ова ќе вклучува нови пристапи за закажување, нови протоколи за состаноци и инвестиција во технологија што им овозможува на сите да учествуваат подеднакво.

Вашиот тим за продажба веројатно работи од далечина со децении. Но, на вработените од остатокот од вашата нова хибридна работна сила ќе им треба обука. Не само техничка обука (која ќе биде задолжителна). Исто така, ќе им бидат потребни хибридни вежби за градење успешен тим дизајнирани да ја зголемат нивната креативност и продуктивност.

Како лидер, ќе треба да создадете корпоративна култура што не ги дискриминира работниците кои работат од дома до степен да изгубите некои од најдобрите, најпродуктивните луѓе. Може да ја наречете и корпоративна програма за спречување на Зумицид, ако сакате.

Промовирани огласи »

Од 27 април планираме да има одредено олабавување на мерките во смисла на дозволи за работа, но будно ги следиме препораките не Комисијата за заразни болести, рече вечерва вицепремиерот за економски прашања, Фатмир Битиќи.

Битиќи во гостување на ТВ 24 најави дека од утре почнува аплицирањето за финансиска поддршка на платите, а на прес-конференција Владата ќе го соопшти и новиот, шести пакет кој тој го нарекува, како што нагласи, „пет плус". Најавена ќе биде и операционализацијата на мерката од Развојната банка за бескаматните кредити.

Мерката што утре ќе биде соопштена во однос на угостителите како дел од шестиот пакет, откри Битиќи, е поддршка на  пресметаниот пад на приходите од 30 отсто овој месец, додека се затворени. Тоа значи, како што објасни, дека на угостителските дејности целиот период во кој се затворени ќе им бидат супституирани 30 проценти од приходите и дополнително ќе им се дадат 50 отсто од бруто минималната плата за секое вработено лице.

Се прават, додаде Битиќи, и последните калкулации за отпис на камати за долгови постори од три месеци, се собираат информациите од сите јавни претрпијатија на централно и локално ниво и се прави законското решение. По вчерашниот ден, Битиќи се надева, како што истакна, дека нема да има слични сиитуации и дека секој економски закон ќе се изгласа во најбрз рок.

Според вицепремиерот, се креираат и законски решенија за даночни олеснувања кои годинава би се реализрале како мерки.

Денеска беше доста тежок ден, се прават последните подготовки и финалните анализи за владината седница. Собиравме информации за мерката која утре ќе ја обзнаниме по седницата. Комисијата за заразни болсти е одговорна, таа „го води орото" со коронавирусот и мораме да ги следиме нејзините препораки. Денеска имавме и Главен кризен штаб, тие имаат одредени препоркаи, ние како Влада секако ги разгледуваме и утре ќе ги усвоиме соодветно. Тие се во насока на оптимизирање на тоа што е позитивен ефект од мерките. Свесни сме дека затворање на одреден сектор има последици и затоа утре ќе ги донесеме економските мерки. Ќе одговориме соодветно, со сосема нов модел. Воедно сме подготвени исплатите од петтиот пакет да почнат веднаш, најбрзо што е возможно, зашто знаеме колку е потребно средствата да стигнат до граѓаните. Мерката е предвидена за 60.000 плати, за 60.000 работници или 120.000 за два месеца, а тоа се 120.000 семејства, истакна Битиќи.

Тој очекува дека ќе има интерес во однос на бескаматните кредити за фирмите. Овој модел, рече, е добар и ќе им помогне на компаниите да ја подобрат ликвидноста, но не само сега, туку и понатаму да опстанат.

Откако соопшти дека со новиот пакет ќе бидат опфатени и туристичките оператори, вицепремиерот упати апел до туристичките агенции дека ги кани да седнат на заедничка маса и да договорат мерки на среден и на долг рок. Ваучерите за туризам, истакна Битиќи, се поврзани со буџетска календарска година и не може тоа што е испланирано за оваа, да важи следната година.

Ги поканувам туристичките агенции оваа или следната недела да дојдат и да седнеме заедно, да ги обмислиме мерките на среден и долг рок. Да седнеме, да креираме среднорочен план, тоа е многу подобро од планирање денеска за денеска. Мора да се соочиме со реалноста и да планираме како полесно да ја надминеме кризата, напомена вицепремиерот.

Секој денар од Буџетот што годинава се троши мора да оди за спраување со КОВИД, подвлече Битиќи. 

Повеќе вести...
барај огласи за вработување » барај останати огласи »