Или се неисплатени плати или откази без постапки, дури 80.000 поплаки за прекршување на работничките права пристигнале на адресата на Сојузот на синдикати, потврдуваат оттаму. Првиот човек на ССМ Дарко Димовски вели дека кај повеќето имало некоја интервенција и контакт со инвеститорот. Има поплаки и за исплата на плати под минималецот.

Некои не послушаа, поведовме дури и судски постапки, а за останатите се обративме до Државниот инспекторат за труд. Се постапува, редовно не известуваат, добиваме каде се врачени решенија и каде се исплатени глоби. Најголем дел од работниците со тие решенија се вратени на работа, онаму каде што не се вратени ССМ им овозможува бесплатна правна помош, ги застапува пред судовите за да докажат дека им се нарушени тие работнички права, изјави Дарко Димовски, претседател на ССМ.

Во периодот од јануари и март 2021 година, Државниот инспекторат за труд направил 3.738 надзори по претстваки пријавени од граѓани кои што сметаат дека им е повредено одредено право од работен однос или право од заштита и безбедност при работа. Покрај овие вонредни надзори, има 541 контолен надзор, и 267 редовни надзори.

Државниот инспекторат за труд и Сојузот на синдикатите на Македонија, подржани од Меѓународната организација за труд и Европската Унија, во изминатиот период работеле на креирање на апликација преку која граѓаните на брз и едноставен начин, преку своите мобилни телефони ќе добијат директна информација за своите права, и можност за пријавување случаи кога се прекршуваат законите. Станува збор за мобилна апликација.

Новата концепција за основно образование за првпат го става ученикот во центарот, но исто така, таа предизвикува и законски промени кои и ќе ги мотивираат и наставниците. Една од промените е што тие ќе бидат вработени на неопределено време и на тој начин ќе се спречи злоупотреба на наставниот кадар, вели министерката за образование и наука, Мила Царовска. Денеска започна обуката за 44-наставници кои ќе станат дел од националниот тим обучувачи кој ќе треба да ги подготви останатите наставници за почетокот на новата учебна година од септември, кога во прво и четврто одделение ќе почне да се применува новата концепција.

Царовска рече и дека Македонија досега покажа дека може да се трансформира

Дали како држава покажавме дека само за еден месец успеавме да трансформираме наставата да се одвива дигитално. Не се знае со какви предизвици ќе се справуваме за три или пет години. На нашите ученици не им е интересно во училиште. Тамошните активности не го задржуваат нивното внимание. Тие се постојано изложени на анимација, но тоа не значи дека ние немаме учебници, истакна Царовска.

За петицијата „Учебници и настава од Септември“, која досега ја потпишаа повеќе од 11.600 граѓани, Царовска вели дека родителите се доведени во заблуда дека во иднина нема да има учебници.

Апсолутно тоа е погрешна слика која некој се обидува да ја постави и групите имаат дел родители, но исто така е многу интересно што во нив имаме и партиски структури. Затоа ги повикувам родителите на бидат информирани, детално да ги следат одговорите на прашања коишто ги пласира МОН како надлежна институција, да не подлегнуваат на манипулации, на партиски ботови кои се поставуваат во одредени групи. Тоа е значајно многу поради здравјето и интересот на нашите ученици, рече Царовска.

Според податоците на ПИОМ, 1.327 лица се водат како пензионери со највисоки пензии во Македонија. 

Во март забележан е пораст за нови 5 пензионери споредено со февруари и сега 1.327 пензионери во земјава се водат како пензионери со највисоки пензии. Распонот на нивните месечни пензии е од 43.000 до 57.304 денари во зависност од годината кога го стекнале правото.

Најголем дел или 897 се со пензија од 41.739 денари., додека 275 пензионери со пензија над 52.455 денари до 54.335 денари.

Притоа, 12 пензионери го земале највисокиот износ од 57.304 денари.

Без оглед на индустријата во која работите сигурно сте доживеале драма на работа. Во овој смешен и интересен говор, водачот на заедницата Анастасија Пенрајт наведува пет чекори што можете да ги следите за подобро да коегзистирате со вашите соработници и да се фокусирате на она што е навистина важно. Каналот TED Talks ги претставува најдобрите говори и настапи од TED конференцијата, каде водечките мислители на светот говорат за својот живот за 18 минути (или помалку). 

Слушнете што има Анастација да каже и пробајте да ги примените советите, па можеби ќе бидете навистина пријатно изненадени.