ФМС дооел е специјализирана компанија која ги нуди сите услуги поврзани со имотот. Компанија која ќе го процени, идентификува и претстави најдоброто решение за предизвиците и проблемите со кои се соочува вашиот објект. Нудат професионални услуги, имаат високо обучен кадар и користат иновативна технологија.

ФМС, исто така, претставува млада компанија со просперитетен тим кој професионално пристапува и одговара на сите предизвици. Компанија ориентирана кон изнаоѓање решенија, со единствена цел – да ви обезбеди квалитет со висок степен на економска оправданост.

ФМС ќе пружи поддршка и професионални совети за вашата компанија во процесот на влез на пазарот во Македонија од самиот почеток па сè до завршување на проектот. Обезбедуваат консултантски услуги за инвестиции и воспоставување на вашиот бизнис во југоисточна Европа. Компанијата соработува со низа меѓународни консултантски фирми од различни индустрии и ќе ви овозможи меѓународно искуство со локални ескпертски познавања и поддршка.

Нивниот тим е тука за да ви помогне да ги постигнете вашите цели и да создадете дополнителни можности и потенцијал за вашата компанија. Ќе бидеме покрај вас во спроведувањето на сите предложени решенија сè до нивна целосна реализација.

Имаат отворено 3 работни позиции:

ВОДОИНСТАЛАТЕР

ХАУСМАЈСТОР ЗА ОДРЖУВАЊЕ

ЕЛЕКТРОИНСТАЛАТЕР / ЕЛЕКТРИЧАР / ЕЛЕКТРОМОНТЕР

Во Quantox нудат: најсовремен софтвер девелопмент и услуги за развој на веб, создавање модерен дизајн, мобилни апликации, full-time менаџмент на серверот, создавање уникатна содржина преку Интернет или кое било друго специфично барање на нашите клиенти.

Посветени на развој на веб и мобилни апликации, професионалците во Quantox креираат еден посветен тим на технолози, дизајнери, програмери, маркетинг и мрежни стратези со повеќе од една деценија искуство во производство на веб-страници со голем волумен за важни брендови, по дел од цената што би ја платиле за слични услуги во некои други фирми.

Нивниот тим постојано расте и има над 200 високо квалификувани професионалци, повеќето од нив во напредни нивоа. Комбинирајќи ги талентите на нивните вработени можеме со сигурност и доста самоуверено да кажеме дека можеме да развиеме било каков дигитален производ за десктоп, мобилни и VR уреди. Покрај работата на постојните проекти, нашиот тим е посветен на постојана обука и зајакнување на знаењето и искуството, следејќи ги најновите технологии и методологии за работа.

Со секој проект управува посветен Проект менаџер кој служи како една единствена точка за контакт со вас, насочувајќи го целиот процес при поставувањето на јасно дефинирани цели и управување со нашите вработени во модуларен начин за да обезбедиме квалитетно програмирање, модерни дизајни, развој на нативни мобилни апликации, целосен сервер менџмент, уникатно создавање содржина или други специфични услуги со цел да се достигнат и надминат вашите најголеми очекувања.

Сметајте на тимот од Quantox и дозволете да се грижиме успешно за вашите потреби за било каков развој и дизајн во наредните години.

Имаат отворено 5 работни позиции:

IT RECRUITER

NODE.JS DEVELOPER

FULL STACK DEVELOPER

JAVA DEVELOPER

REACT DEVELOPER

Скеил Фокус е компанија за развој на софтвер и дигитални услуги со мисија да им помогнат на клиентите да растат користејќи ги најновите технологии и врвни таленти. Со комбинирање на длабока експертиза за технологија и долгогодишно знаење во индустријата, им помагаат на деловните активности непречено да се движат низ лавиринтот на технологијата. Како една од водечките софтверски компании во Источна Европа, Скеил Фокус обезбедуваат целосен опсег на ИТ консултации и услуги за развој на софтвер, опфаќајќи ги сите фази на производствениот циклус на развој на софтвер. Нивните заеднички вредности ја прифаќаат иновацијата, се стремат кон совршеност, отворена комуникација, агилност и интегритет. Тоа ги тера сите наивни колеги да се чувствуваат како дел од заедницата која сонува големи работи и постигнува уште повеќе.

Имаат отворено 3 работни позиции:

SENIOR QUALITY ENGINEER

DATA ENGINEER

SENIOR PHP DEVELOPER

Magna International Inc. е водечки глобален добавувач на автомобили посветен на испорака на нови решенија за подвижност и технологија што ќе го промени светот. Нивните производи можат да се најдат на повеќето возила денес и доаѓаат од 346 производни операции и 93 центри за развој, инженеринг и продажба на производи во 27 земји. Имаат над 152,000 вработени насочени кон обезбедување супериорна вредност на нивните клиенти преку иновативни процеси и производство од светска класа.

Имаат отворени 4 работни позиции:

MAINTENANCE TECHNICIAN

ОПЕРАТОР ВО ПРОИЗВОДСТВО

PRODUCT ENGINEER (POWER FOLD)

PRODUCT AUDITOR

KARIERA.mk е сервис за поврзување на компаниите со кандидатите за вработување и им помага на кандидатите да ја најдат вистинската работа со тоа што може да аплицираат на активните огласи со само 1 клик.

Вицепремиерот за економски прашања Фатмир Битиќи поддржува враќање на прогресивниот данок, затоа што, како што вели тој, богатите станале уште побогати за време на пандемијата.  Ваквата реакција на вицепремиерот следува откако вчера претседателот на МАНУ, Таки Фити, рече дека потребна е финансиска консолидација и проресивен данок.

Битиќи смета и дека персоналниот данок треба да се намали во одредени дејности. Во моментов не е јасно дали одложеното прогресивно оданочување ќе се врати во 2023, но  Битиќи не ја исклучува можноста да биде воведено и порано. За даночните реформи најавува консултации кои најверојатно ќе траат шест месеци. Од дебатите со експертите ќе се знае дали има потреба и од воведување на кризен данок како што беше ситуацијата во 2001 година.

Даночната реформа значи воведување на прогресивното оданочување, јас велам - зошто да не. Кризата покажа дека некои богати станаа уште побогати. Заради идеолошкото верување, сметам дека треба да има прогресивно оданочување. Богатите треба да платат и да вратат на посиромашните. Ако тоа значи воведување на нов данок за посиромашните, велам не, затоа што на нив им должиме за да излезат од прагот на сиромаштија и да почнат да живеат достоинствено, рече Битиќи.

Најлесно е да се зголемат даноците, потешко е да се бориш против сивата економија, реагиураше вчера Зоран Јовановски, главен советник на Управниот одбор на Стопанска комора на Македонија. Додава дека така ќе се оптоварат повеќе тие кои плаќаат данок. 

Академик предлага покачување на даноците. Тоа е најлесно да се направи, да се натоварат уште повеќе тие што плаќаат данок. Потешко е да бориш против сивата економија. Треба прво тоа да се потсреди па после да се размислува за нови или повисоки даноци, напиша вчера Јовановски. 

Кариера: Кога започнува целата идеја и концепт за “Уникатен Накит-Инспиративни Алки”?

Јулиа: Откако настана ситуацијата со Ковид во светот бев приморана да останам дома за да го чувам мојот 6 годишен син. Веќе подолго време бев без работа и тоа негативно влијаеше на мене. Затоа одлучив да не дозволам да паднам тука да се зајакнам со креативна работа а со тоа и позитивно да делувам на останатите жени. Така се роди идејата да создадам “Уникатен накит - Инспитативни Алки” од кои секоја алка е претставена на прекрасно дизајнирана картичка, со инспиративна изрека, интересна графика и зајакнувачки зборови за инспирација и мотивација.

Кариера: Зад секое парче накит стои исто така уникатна порака, што Ве води низ целиот процес на создавање?

Јулиа: Инспирацијата дава волја, волјата дава енергија, енергијата дава дело. Понекогаш за да делуваме ни е потребна инспирација за да добиеме мотивација. Желбата е дел од човековата природа и е еден од моторите што го управува однесувањето. Уникатната порака служи како потсетник да ја мотивира личноста која ја носи алката да спроведува разни активности за да ги задоволи своите желби, додека привезокот на алката е симбол со значење кој служи како водич за исполнување на желбата. На долниот дел од картичката стои ‘ Затвори очи и желба замисли, на лева рака алка стави, кога алката ќе се распари, желбата наскоро ќе се оствари! Едноставно кажано, засновано на учењето на НЛП, симболот на нараквицата претставува цел во вашиот потсвесен ум и служи како еден вид светилник кон кој несвесно ќе се стремите. Нараквицата со низа секогаш ќе служи како посебен мотиватор, вашиот прв чекор кон Сонот.

Носејќи Инспиративна Алка на вашата рака, редовно ќе се сеќавате и ќе размислувате за целта кон која се стремите, без да се откажете од започнатото.

Продолжувам постојано да креирам оригинални и возбудливи дизајни. Алките се рачно изработени и лично избрани со посебна љубовна грижа и внимание, со главна намера да се испратат позитивни вибрации на овој свет!

Кариера: Од каде ги набавувате материјалите за изработка и каде се наоѓа Вашето креативно катче? Како луѓето може да ве најдат?

Јулиа: Внимателно ги избирам само компонетите со најдобар квалитет за да ви донесам фантастична палета на Инспиративни Алки. Картичките се печатат на високо квалитетна картонска фото хартија и ги користам најдобрите тибетски сребрени привезоци. Сите производи се изработени со љубов тука во С. Македонија, дизајнирани и сместени во моето домашно студио, постојано произведувајќи нови стилови за да се задржат опсези што е можно повозбудливи.

Јас навистина го ценам секој наш фан и пријател кој не поддржува, споделува наши фотографии и зборува за нас пред другите! Слободно секој може да ме контактира на мојот Фејзбук профил или преку страната на Unique Jewelry – Уникатен Накит. Тука сум да одговорам на секој од вас!

Кариера: Која е големата замисла што ја имате за “Уникатен Накит-Инспиративни Алки” да стигне до што е можно поголем број на луѓе?

Јулиа: Целта на “Инспиративните Алки“ е промена! Промена на изгледот на луѓето. Промена на начинот на кој луѓето се чуствуваат. Промена на иднината и животот на луѓето. Иако алките се производ за мода, Инспиративните алки исполнуваат сериозна мисија. Наша страст е инспирирање на соништата, зајакнување на талентите и постигнување на целите со споделување на нашите производи. Можете да дадете поддршка со споделување на постови, повикување на пријатели да стават Лајк на нашата страна или да ни се придружите на нашиот тим.

Верувам дека дури и најголемите авантури можат да започнат со една мала желба! – ‘Мала желба, голем сон’. Мојот сон е да уживам во мислата на тоа како инспиративно ќе делуваме на илјадници други индивидуи со кои никогаш не сме се ни сретнале! Многу сум среќна за тоа.

Придружете ни се да ни помогнете заедно да растеме и да ги инспирираме луѓето!

Кариера: Кое е Вашето омилено парче накит?

Јулиа: Алката со Точка-запирка; за свесност за депресија и ментални болести. Точка-запирка е претставник на моќно движење насочено кон доведување на свест за депресија, превенција од самоубиство, самоповредување и свесност за ментални болести. Оваа нараквица може постојано да ги потсетува луѓето што поминале низ лоши искуства за повторно да се охрабрат.

Кога бев во длабочините на една голема депресивна епизода, која траеше една година, се чувствував многу сама. Се чувствував како да нема никој друг во мојот живот што може да разбере. Знаев длабоко во себе, дека не сум единствена. Ми требаше некој начин да им помогнам на луѓето во мојот живот да разберат низ што минував. Мојата намера за нараквиците е да можеме да ги носиме за свесност, за искуството што го споделуваме, да бидеме поотворени, така ќе се чувствуваме помалку сами. 

Мојот сон е еден ден да шетам низ самопослуга или кога го земам моето дете од училиште, да видам некој друг со оваа алка. Без да кажеме збор со контакт со очи, се поврзуваме,  се поддржуваме и се разбираме. 

Затоа, својата енергија ја насочив на создавање нараквици за свесност за депресија и ментални болести и за да ја срушиме социјалната стигма, со секоја купена нараквица добивате ваучер со попуст во психолошко советувалиште.

Кариера: Вие сте мајка, сопруга, дама, познавач на неколку светски јазици и сте имале прилика да живеете повеќе од 10 години во Киев, Јапонија, Тајван, Италија, Австралија ... со различни култури, религии и обичаи. Дали сето тоа животно искуство го олеснува работното секојдневие или е поголема одговорност, бидејќи ја познавате тежината на секој споделен збор и порака?

Јулиа: Можете да бидете Доктор на науки но ако не знаете да го искажете вашето знаење, сеедно дали се работи за стански јазик или немоќ на искажување, Вие сте еднаков на неписмен човек. Ова се зборовите на мојот татко. А од мојата сакана баба научив дека раната од нож поминува но раната од кажан збор може вечно да крвари и затоа е најважно да внимаваме што зборуваме. 

За мојот 18-ти роденден добив книга “Мудроста на народите“ – мудри мисли и пословици од целиот свет. Тоа е една од моите најомилени книги. Секоја мисла која ја пишувам на картичката ми буди емоции и спомени на луѓето од кои сум ја слушнала таа изрека. Да, тоа се луѓе кои со нивните зборови оставиле печат на мене. Затоа јас со многу љубовна грижа и внимание со леснотија го креирам секое парче!

Кариера: Како дел од приказните на жени-претприемачи на КАРИЕРА.мк каков совет би им порачале на сите они кои кренале раце бидејќи е доцна, не е вистинско време и уште 100 други изговори 😊?

Јулиа: Секогаш е право време за она што се сака, а што се сака се се може. Стравовите во нас прават да наоѓаме изговори. Мојот совет е ако не можете да го избркате стравот, исплашени правете го тоа што го сакате, но направете го. Фокусирајте се на своите желби и потреби и превземете активности за вашите сонови да ги претворите во стварност. Кога е жената несреќна, несреќно е целото семејство. Дајте си љубов, почит, мир и спокој на себе и зачекорете цврсто напред. Што било поминало, што иде нека биде, но направете си да биде онака како Вие сакате.

Започнуваме со проект ‘МОЖЕШ’ и секоја жена која сака и верува дека може да биде дел од нашиот тим е добредојдена да ни се придружи. Создадов накит за жените да можат да прават сопствен избор, да водат сопствен бизнис и да го имаат она што е најважно, а тоа е – финансиска самостојност. Секоја нарачка поддржува независна жена во бизнисот. Нашата голема цел е да се создадат флексибилни приходи за жените кои седат дома. На тој начин да може да се чуствуваат корисно и задоволно.

Мислата станува збор а зборот дело, затоа имајте среќна мисла за среќен живот!

 

Владата на Малта соопшти дека ќе одвои 50 милиони евра за ваучери со цел зголемување на потрошувачката во земјата.

Предвидено е да се доделат по 100 евра на секој граѓанин постар од 16 години за да се врати економијата погодена од пандемијата.

Додека многу европски влади бараат начини да ја вратат довербата на клиентот преку разни иницијативи, Малта се истакнува во дистрибуцијата на ваучери за готовина.

По слична шема на островот минатото лето, министерот за економија, Силвио Шембри, рече дека ваучерот од 60 евра може да се потроши во ресторани и туристички капацитети, а ваучерот од 40 евра во продавници и други услуги. Ваучерите ќе ги примаат приближно 25.000 компании.

„Ова е мерка што ќе влијае на сите – компаниите, семејствата и работниците“, рече премиерот Роберт Абела на прес-конференција.

Малта, која се обидува да ја поттикне туристичката потрошувачка, минатиот месец им понуди на туристите до 200 евра доколку останат најмалку три дена на медитеранскиот остров. Сумата зависи од рангот на хотелот во кој престојуваат туристите.