Градинките ги отворија вратите за прием на поголем број на дечиња, но и натаму нема место за сите. Групите до двегодишна возраст се прошируваат на 15 деца, а од 2 до 6 години на 20, согласно последните одлуки на Влада. Сепак од скопските градинки за Сител велат дека на терен минимум  40 бебиња се борат за едно место во установите. Од минситерството за труд пак уверуваат дека со проширување на групите  бројката на згрижени деца значително ќе се зголеми.

На ваквата одлука и претходеше препорака од Комисијата за заштита од заразни болести  како стручно тело за справување со пандемијата од Ковид 19, земајќи ја предвид добрата епидемиолошка состојба во државата, процесот на вакцинација на воспитувачите и негователите во детските градинки и стабилната состојба со новозаразени во нив. Согласно протоколот кој што е усвоен од страна на Владата во рамки на детските градинки можат да се згрижат вкупно 23.726 деца.  Согласно последната состојба на ден 20.05.2021 година дневното присуство на згрижени деца изнесува 17 066 деца.  

Но покрај проширените групи во градинките, голем е бројот на мајки кои и натаму остануваат без работа затоа што нема кој да им ги чува децата. Мајка од Скопје раскажува дека породилното и завршува за еден месец и ќе мора да се врати на работа. Ако не и го примат малото во градинка принудена е да даде отказ.

Од друга страна во повеќе општини има деца кои се запишани но не одат во градинка. Главна причина е стравот од корона вирусот. Од МТСП велат дека тоа се решава локално и министерството нема ингеренции да контролира дали градинките ги испишуваат овие деца. Потенцираат дека и натаму приоритет за упис имаат децата на самохрани родители и оние чии родители работат.

Извор: Сител

Најавите на вицепремиерот за економски прашања Фатмир Битиќи за можното воведување на прогресивен данок за богатите и евентуалното враќање на кризен данок наиде на низа негодувања од страна на јавноста и експертската фела.

Според бизнисменот Горан Рафајловски овие идеи се несфталиви и вели дека истите можат да донесат поголема штета на и онака кревката економијата.

Повеќе прочитајте на kanal5.com.mk

Дури 70.551 денар била просечната плата во март во дејноста компјутерско програмирање, говорат најновите податоци на Државниот завод за статистика.

Плата над 70 илјади денари програмерите земале и во претходниот месец, надминувајќи ја на тој начин одамна „шеестката“, а сега и „седумдесетката“, нешто што е сон на многумина вработени во земјава. 

Далеку зад нив, но сепак со солидни во просек 48.734 денари се вработените во областа телекомуникации.

Во дејноста производство на основни фармацевтски производи и фармацевтски препарати, пак, земаат просечна плата од 46.501 денар плата.

Во март просечната плата во земјава изнесувала 28.217 денари, јави Државниот завод за статистика. 

Според податоците, просечната месечна исплатена нето-плата по вработен во  март 2021 година, во однос на март 2020 година, пораснала за 6,8 проценти.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (17,9 отсто), Дејности на здравствена и социјална заштита (12,3 проценти) и Информации и комуникации (12,1 отсто).

Маж од Илионис беше уапсен за фрлање ѓубре во вредност од 200 илјади долари во тревникот на поранешниот работодавач, само две недели по освојувањето на 125 милиони долари и отказот на работа.

54 годишниот Брајан Морис од малиот град во Клерендон Хилс во округот Dupage, купил преку 20 илјади тони ѓубриво и побарал да биде фрлено на имотот од неговиот поранешен шеф, преправајќи се дека тоа е неговиот имот. 

Преку 12 камиони полни со ѓубриво се појавиле пред куќата околу 6 часот наутро и почнале да го фрлаат „миризливиот“ товар во тревникот од имотот. 

Џорџ Фицџералд, поранешниот работодавец на г-дин Морис, се разбудил од звукот на возилата на неговиот имот и најбрзо што можел повикал полиција. 

За жал, на полицијата и биле потребни повеќе од 15 минути за да пристигне на местото, така што повеќе од 10 илјади тони веќе биле фрлени во тревникот.

Брајан Морис стоел преку улица и се смеел кога полицијата пристигнала, по што им пристапил на полицајците и признал дека тоа е негово дело при што го објаснил и мотивот за оваа постапка. 

„ Обвинетиот ни кажа дека работел за жртвата 17 години и дека бил третиран како го*но. Тој вели дека морал да го издржи тоа злоставување поради тоа што му требале парите, но сега кога освоил 125 милиони долари дошло време за одмазда.“

Полицијата од Клерендон Хилс признала дека времето на реакција било несоодветно и изјави дека ќе го држи под надзор г-динот МОрис за да спречи можни идни инциденти од сличен тип. 

Брајан Морис привлече огромно медиумско влијание две недели пред овој настан со освојувањето на 125-те милиони долари на лотаријата Пауербол.  

Кога го прашале што ќе прави со парите, тој изјавил: „Само следете ги вестите, ќе видите.“

Тој бил ослободен со кауција неколку саати по апсењето и им кажал на новинарите да останат будни, тврдејќи дека ќе организира уште неколку вакви случки во иднина.