Владата дава дополнителна можност на сите заинтересирани невработени лица и работодавачи да аплицираат за мерките и програмите од Оперативниот план за 2021 година. Јавните огласи за мерките самовработување, субвенционирање плата, практиканство, обука на работно место за познат работодавач и програмата за јавни работи се објавени денеска и може да се аплицира до петок, односно 28 мај.

Како што појаснија денеска на прес-конференција министерката за труд и социјална политика Јагода Шахпаска и директорот на Агенцијата за вработување на РСМ Абдуш Демири, оперативниот план е во почетна фаза, на новите објави не треба да се пријавуваат веќе оние кои аплицирале во претходниот рок и дека изборот на кандидатите со кои ќе се склучи договор ќе се врши по завршување на рокот за пријавување на реобјавените јавни огласи.

Со мерките и програмите е предвидено да бидат опфатени 10 279 лица, а предвидените средства се во износ од 1,5 милијрди денари. Можност за коритење на мерките и програмите имаат и останатите без работа во периодот на кризата од Ковид 19 чија бројка заклучно со 31 април 2021 година изнесува 17 005 лица.

-На граѓаните и на работодавачите им даваме уште една дополнителна шанса да аплицираат за програмата самовработување, субвенционирање  плата, парактиканство, обука на работно место за познат работодавач и програмата јавни работи. Преку Оперативниот план се обезбедува поддршка за креиерање нови работни места и зголемување на вработеливоста на невработените, особено на младите, дологорочо невработени, корисниците на грантирана минимална помош, како и на невработените кои останале без работа во период на пандемијата, рече министерката Шахпаска.

Таа потенцира дека првпат во Оперативниот план се вградени три принципи. Појасни дека приоритет за вклучување во мерките ќе имаат лицата кои ја изгубиле работата поради пандемијата, првпат се вложуваат 25 милиони евра во рамномерен регионален развој во согласност со податоци од Бирото за регионален развој и степенот на развиеност на планиските региони, како и тоа дека целосно ќе се почитуваат и принципите на диверзитет и инклузивност, односно тоа зачи распределбата на средствата и мерките ќе се одвива и според принципот на правична и адекватна застапеност на етничка, полова, религиозна, верска или било која друга ранлива категорија на граѓаните во согласност со стандардите и практиките на ОН и Мерѓународната организација на трудот.

Дополнително за намалување на јазот меѓу вработеноста на мажите и жените на пазарот на труд, криеиран е афирматививен пристап при селекција на кандидатите во мерката самовработување каде соодносот меѓу мажите и жените ќе биде 40 спрема 60 проценти, а  при рангирање на кандидати кои имаат освоени ист број пеони ќе се даде предност на млади до 34 години и корисници на гарантирана минимална помош

Според Шахпаска, целта на овие принципи е да се постигне рамномерна поддршка со Оператиниот план која нема да биде селективна и ќе ги опфаќа сите граѓани.

Интересот за мерките и програмите од Оперативниот план, според директорот Демири е голем и веќе за некои се притигнати и повеќе апликации од предвиденото.

-Нашата цел е во што поголема мера да излеземе во пресрет на невработените лица и работодавачите и да одговориме на барањата на пазарот на трудот. Целиот процес на имплементација на Оперативниот план е во почетна фаза. Поради големиот интерес за мерките што ги објавивме одлучивме во координација со МТСП и претставници на Владата да реобјавиме уште еднаш за да дадеме можност на лицата кои не успеале да аплицираат на првиот оглас. Во тој период беа подготвени упатства, бидејќи оваа година имаме новина да се имплементраат приниципите. Процесот е во почетна фаза и откако ќе биде завршена оваа фаза ќе тече процесот на избор на кандидатите. Веќе е поголем офпатот отколку што беше порано, рече Демири.

Соопшти дека бројот на бројот на пријавени за мерката за самовработување досега е 2 523 а дека е предвидена поддршка за 1 762 лица и дека со реобјавувањето се дава можност и на други лица да апицираат.

Смета дека во координација со Владата и Министерството за труд и социјална политика, за поголем опфат може да се даде можност со ребалансот на Буџетот.

Заинтерсираните за јавните огласи може да добијат информации во 30 центри за вработување низ земјава. скс/са/

Што ќе се случува кога недела ќе се прогласи за неработен ден? Кои работници ќе добијат право на поголема дневница?

Министерката за труд и социјална политика, Јагода Шахпаска, ги разјасни сите постоечки дилеми околу работата на моловите, како и дејности кои не можат да си дозволат неработен ден.

„Во Законот за трговија, по дополнување и изменување, стои дека во недела ќе работат една смена моловите од 10 до 18 часот по претходно добивање на лиценца за работа во недела. 2 проценти од нивниот неделен промет ќе биде уплаќан во буџетот на Македонија и нашата заложба е да тие средства на годишно ниво да изнесуваат 1,2 милион евра“, изјави министерката за труд и социјална политика, Јагода Шахпаска на прес-конференција, за мерката недела-неработен ден.

Според неа, работниците во недела ќе имаат надомест на дневница од дополнителни 100 % и ќе имаат право на неделен одмор.

Тоа се предвидува со Законот за трговија. Исклучок се угостителските објекти, затоа што тие во недела се место каде се воспоставува баланост меѓу приватниот и професионалниот живот. Семејствата сакаат да се дружат и затоа угостителските објекти ќе работат во недела, потенцира Шахпаска.

Владата неодамна посочи дека примената на ова законско решение ќе биде во согласност со сите социјални партнери а ќе бидат земени во предвид сите фактори кои се дел од функционирањето на економијата во нашата држава – во тоа спаѓаат и веќе зацртаните планови за буџетирање на компаниите од приватниот сектор како и на институциите од јавниот сектор.

Јагода Шахпаска, министерката за труд и социјална политика, на денешната прес-конференција рече дека очекува во наредниот период во Собранието да бидат одблокирани измените на Законот за работни односи, со кои мажите ќе одат задолжително во пензија на 64 години, како и жените, кои сепак ќе можат тоа со барање да го сторат две години порано.

Законското решение за одење во пензија со 64 години се наоѓа во Собранието. Знаете дека во изминатиот период дека постоеја 482 амандмани конкретно за Законот за работни односи кој што е системскиот закон на кој понатаму се повикуваат и другите закони како лекс специјалис. Моите сознанија се дека ќе биде деблокиран и дека ќе продолжи собраниската процедура. Дека ќе бидат повлечени амандманите и дека ќе продолжи понатаму процедурата, одговори Шахпаска на новинарско прашање.

Шахпаска додаде дека оваа година не е предвидена дебата за најавениот владин проект за можност за откуп на пензиски стаж до пет години, односно за предвремено пензионирање, и како што рече таа, приоритет во 2021 ќе биде гласањето на законите за пензионирање на 664 години и регулирањето на работата во недела.

Според предлог-измените, жените ќе се пензионираат на 64 години како и досега, но и натаму ќе имаат право, доколку сакаат, да одат во пензија со навршени 62 години, но и со најмалку 15 години работен стаж. Мажите задолжително ќе се пензионираат на 64 години и 15 години работен стаж. Отстапки ќе има само за дефицитарни професии во здравството и образованието.

Да беше до нас, придобивките од читањето и пишувањето ќе се спомнуваа и славеа на секое емитување на утрински и вечерни вести:

 „Сега е 11 часот, дали им читавте на вашите деца денес?“ 

Кои се 5-те работи кои треба да ги знаете за моќта на писменоста?

1. Читањето на глас е од витално значење.

Истражувањата докажуваат дека читањето на глас на децата секој ден ги става речиси една година пред децата кои не добиваат доза дневно читање на глас и тоа е без оглед на приходите на родителите, академската или културната позадина. Згора на тоа, педијатрите сега препишуваат читање на глас, заедно со нивните совети за исхрана и здравје, како признание на докажаните придобивки од развојот на мозокот и стекнувањето богат речник.

2. Писменоста спасува животи.

Според УНЕСКО, подобрувањата во образованието за жените се најверојатно прилина за преполовување на смртноста кај децата во изминатите дваесет години. Мајките кои се образовани има поголема веројатност да ги вакцинираат своите деца и почесто да ги испраќаат на училиште. Замислете што ќе се случи кога секое дете и возрасен човек ќе може да чита, пишува и учи сè што сака и што треба да знае.

3. Писменоста ве учи да ја поседувате и цените сопствената приказна.

Во извештајот за образование според глобалното набљудување се вели дека постои јасна врска помеѓу писменоста и позитивната слика за себе. Градењето на доверба како читател, писател, слушател и говорник е трансформативно во животот на една личност. Овие основни способности се користат секоја минута од секој ден за да се прочита светот. Повеќе од тоа, читањето приказни дава поголемо разбирање за себе. Одеднаш има ликови кои ги чувствуваат истите чувства како вас, кои ги споделуваат вашите борби, вашите надежи и вашите соништа. Писменоста дефинитивно може да нè извади од изолација и да нè однесе во заедницата на читатели и писатели.

4. Писменоста ве носи до целта.

Истражувањата покажале дека луѓето кои ги запишуваат своите цели имаат 80% поголема веројатност да ги постигнат. Документирањето на вашите цели и редовното читање на истите, ја задржува вашата мотивација во првите редови на вашиот ум и ви овозможува да започнете да креирате акциони планови. Ова е продуктивна писменост на дело. Едноставно да имате способност да запишете што сакате да направите и каде сакате да одите, доведува до импресивен почеток.

5. Писменоста вдахнува моќ

Способноста да бараме и разбираме информации на сите ни ја дава слободата да донесуваме сопствени автентични одлуки, да се залагаме за сопствениот интегритет и да учиме за нашата заедница и светот. Луѓето кои знаат да читаат и пишуваат се моќни во општеството и студиите покажуваат дека писменоста доведува до поголема самодоверба и граѓански ангажман.

Во име на мисијата на светите браќа Кирил и Методиј, која уште трае и ден денес во форма на борба против неписменоста во било кој аспект од општественото постоење. 

Информирај се, истражувај, анализирај, ако веќе си научил да читаш и пишуваш навреме!