Растe цената на златото, a се очекува да достигне до 2.000 долари за унца за неколку месеци. 

Вредноста на златната унца е 1.900 долари, што е највисоко ниво од 8-ми јануари.  Челниците на ФЕД продолжуваат да истакнуваат дека сè уште не е време за заострување на монетарната политика затоа што повисоката инфлација, која сега ги придружува развиените економии, се очекува да биде поголема поради тесните грла во снабдувањето. Цената ќе расте, особено ако доларот продолжува да губи од вредноста.

Доларот ослабе и во однос на европската валута, за 0,3 проценти, така што цената на еврото достигна 1,2182 долари.

Курсот на доларот во однос на јапонската валута се намали за 0,4 проценти, на 108,95 јени.

Гратис патарина ќе има за Србите кон Грција, но не и кон Охрид. 

Владата ќе додели  200.000 електоронски картички со по 760 денари и ова ќе ја чини државата  2,8 милиони евра. Картичките ќе се делат на Табановце и ќе може да се искористат во периодот од 15 јуни до 15ти август.

Српските државјани ќе бидат ослободени од плаќање на патарини низ државата, но само за oдење и враќање од Грција. Бесплатните патарини ќе важат само за Коридор 10 кој води кон граничниот премин Богородица, но нема да важат за патување кон Охрид затоа тоа што на овој патен правец нема електронска наплата.  Оваа одлука е донесена за да се оддолжиме на Србија за донираните вакцини. Српските гости се едни од најбројните во земјава. 

Технологијата е еден од најсложените сектори за работа, особено за работобарателите кои треба да се способни да управуваат односно да жонглираат со повеќе задачи/проекти истовремено и да бидат одлични во тоа. Значи, кога регрутерите од Burning Glass ги анализираа списоците со работни места за да утврдат најбарана вештина за работа за нови вработувања, можеби ќе очекувате да слушнете SQL или Python или способноста за постојан развој.

Но, најбараната вештина за новите технолошки работни места е проект менаџментот. Додека ви се чини дека тоа нема никаква врска со технологија, всушност има смисла ако земете предвид дека сите сложени технолошки проекти не може да поминат без квалификуван проект менаџер кој ќе управува со буџетот, распоредот, развојот и условите за производство преку еден организиран план за делување.

Проект менаџерите се одговорни за иницирање, дизајнирање, планирање, извршување, следење и завршување на проектите. Тие управуваат со тимови, ја стимулираат посветеноста и ги мотивираат членовите на тимот, управуваат со очекувањата на клучните засегнати страни и го соопштуваат статусот на пресвртниците на проектот. Тие градат сеопфатен план за работа и управуваат со буџетот на проектот.

Кои се вештините кои секој проект менаџер треба да ги поседува?

Не се малку, а и не се лесно достапни за човек да може да биде самоук.

Комуникација, лидерство, организација, преговори, раководење со тим, раководење со време, раководење со ризик, решавањето на проблеми, раководење со буџет, мотивација, прилагодливост, известувачки вештини, справување со конфликти, технолошки поткована личност, активен слушател, истражувачки вештини, интерперсонални вештини, методологии за проект менаџмент, итн.

Прочитајте ги внимателно кои се, а ние во наредниот период поединечно ќе ги анализираме како вештини кои веројатно ќе им бидат неопходни на скоро сите кои сакаат да градат кариера, а не само да се вработат. 

Работата на себе не дава резултати преку ноќ, па и последното тренирање нерви е одлична животна лекција.

Во организација на Глобалното движење „Women in Tech" денеска во 13 часот ќе започне втората 24-часовна Светска виртуелна конференција за жени во технологија на тема „Дигитална еднаквост за сите".

Конференцијата ќе започне во Париз и ќе продолжи 24 часа без прекин во живо со програми на различни локации низ целиот свет.

За време на Виртуелната светска турнеја „Women in Tech 24hour" ќе се вклучат голем број на меѓународни лидери кои застапуваат индустрии од АИ до Blockchain, FemTech, Климатски промени, HealthTech, и инклузивност. На овој настан ќе презентираат над 150 говорници: светски лидери од индустријата, владите, академскиот сектор и непрофитниот сектор, заедно на над 30 панели во живо, говори, интимни разговори и работилници, наведува организаторот на настанот.

Нашата земја на конференцијата ќе се претстави со панел дискусија на тема за дизајнирање на добри продукти со женски инпут: „Designing great products with female flavor", што ќе се одржи во периодот од 19 до 20 часот во живо. Модератор на настанот ќе биде Стефан Митески, додека гости панелисти ќе бидат Катерина Трајчевска – коосновач на Adeva, Горица Тапанџиева – менаџер на Nexthing, Елена Андреева – дизајнер во TeamViewer и Моника Ризовска – проект менаџер во Vitala и „Women in Tech" амбасадор. Специјален гостин на овој настан ќе биде директорот на ФИТР, Коста Петров.

Со над 25.000 членови низ целиот свет, меѓународната организација „Women in Tech" има двојна мисија: да го затвори родовиот јаз и да им помогне на жените да ја прифатат технологијата. Родовата еднаквост е во центарот на нашата мисија, каде имаме за цел да ги зајакнеме жените и девојчињата со потребните вештини и самодоверба за да успеат во полињата на СТЕМ кариера. Преку мисијата водена од целите, водена од перформансите, која е тесно усогласена со целите на одржливиот развој на Обединетите нации, ова движење се фокусира на извршување на нашата стратегија со поттикнување на напредок и резултати на четири главни столба: Образование, претприемништво, социјална инклузија, наука и иновација, се додава во соопштението на организаторите. /МИА

Повеќе прочитајте тука