А1 Македонија со големо задоволство ги претставува новите роаминг пакети со атрактивни цени и вклучен висок волумен на мобилен интернет преку кои корисниците ќе можат да останат константно поврзани, но и да ги споделат своите уникатни доживувања од ова лето. Од денеска, за сите Припејд и Постпејд кориснци на мобилната телефонија достапни се новите роаминг пакети A1 Roam Surf Greece и A1 Roam Surf EURO.

Со цел задоволување на корисничките потреби постојано да бидат онлајн, А1 го креира A1 Roam Surf Greece, пакет со кој корисниците можат слободно да сурфаат кога се во Грција, а притоа да не се грижат за трошоците за интернет во роаминг. Со A1 Roam Surf Greece корисниците добиваат вклучени 10GB за 999 денари во Грција. Пакетот може да се активира преку апликацијата Мојот А1 или со едноставно испраќање СМС порака со клучен збор START GR на 140999.

За корисниците коиво живо ќе ја бодрат македонската фудбалска репрезентација во Романија и Холандија, А1 го креира A1 Roam Surf EUROсо чие активирање  добиваат 5GB за само 499 денари, а можат да го активираат преку апликацијата Мојот А1 или со СМС порака со клучен збор START EURO на 140999.

Новите роаминг пакети на А1 Македонија се збогатување на досегашната понуда која овозможува комуникација во повеќе од 45 земји во светот со што корисниците се поврзани во секое време и на секоја дестинација. За деталите за останатите пакети за интернет во роаминг можете да се информирате со пристапување на следниот ЛИНК.

Некои од менаџерите сè уште не можат да разберат дека „работа од дома“, навистина значи завршување тон работа во домашни услови.

Очигледно е дека пандемијата негативно влијаеше на менаџерските односи, комуникацијата меѓу вработените и микроменаџирањето. 

Во една онлајн анкета биле прашани 2300 професионалци како се задоволни од третманот од страна на менаџерите за време на пандемијата. 

Еве неколку клучни заклучоци:

1. Пандемијата влијаеше на твојот однос со менаџерот:

• 54% од професионалците одговориле дека пандемијата влијаела негативно на нивниот однос со менаџерот
• 83% од вработените во IBM одговориле дека пандемијата негативно влијаела на нивниот однос со менаџерот
• 76% од вработените во Capital One одговориле дека пандемијата негативно влијаела на нивниот однос со менаџерот
• 66% од вработените во Microsoft одговориле дека пандемијата негативно влијаела на нивниот однос со менаџерот

      2. За време на пандемијата, вие:

• Односно, 42% од испитаните професионалци биле микроменаџирани повеќе додека работеле од дома

      3. Дали сметате дека вашиот претпоставен комуницира активно со вас на темата за повторно ангажирање околу претходно замрзнатите планови?

• 58% од професионалците одговориле дека нивниот претпоставен активно разговара за повторно активирање на плановите.

Вработен во Cisco изјавил:

„Борба со КОВИД и справување со микро-менаџер. Неодамна се преселив во нов тим во истата компанија и сега имам микро-менаџер. Тој сака да го документирам секој час од секој ден. Никогаш не сум бил во оваа ситуација (особено затоа што сите работиме на далечина) и се плашам дека ќе ме отпуштат ако не бидам пред моето биро секојдневно да ги документирам активностите од 8-5.“

Корисник од Blind го сподели своето искуство со микро менаџирањето на платформата:

„Само што ја напуштив мојата последна компанија во која бев скоро 4 години за работно место во нова компанија,  ако кажам дека мојот нов шеф е опседнат со контрола, тоа би било малку. Тој ги напаѓа сите (неговите врсници, други колеги, клиенти), има проблеми со довербата, но тој не оди никаде, бидејќи е другарче со извршниот директор / основачот. Тој буквално има нова караница(само за мене) смислено секој ден “

Корисник на Blind сподели:

„Во моментов, работиме со менаџер кој секогаш работи со микро менаџирање. Постојано бара да бидеме  достапни за време на викендите / ноќите, што, всушност, влијае на мојот личен живот “.

Ова се менаџери кои, пред пандемијата, несоодветно би ги одбиле барањата за работа од дома или само безобразно ги одобрувале од повремена „добра причина“. Постојат голем број причини што менаџерите лесно можат да прибегнат кон микро менаџирање. Според Harvard Business Review, еден од клучните фактори што го поттикнува на ова однесување е чувството на изолација или исклучување од остатокот од тимот. 

Другите објаснувања вклучуваат:

• Менаџерите кои чувствуваат потреба да ја задржат својата контрола.
• Недостаток на доверба во вработените.
• Стравот да не се одговара за грешките на другите.
• На крајот на краиштата, проблемот е во тоа што премногу компании немаат идеја како ефикасно да управуваат со вработените во далечината.

Премногу менаџери зависат од чувството за контрола што го добиваат гледајќи ги работниците пред нив кога сите се во канцеларија. 

Можеби враќањето во службената канцеларија ќе ги реши овие проблеми.

Растe цената на златото, a се очекува да достигне до 2.000 долари за унца за неколку месеци. 

Вредноста на златната унца е 1.900 долари, што е највисоко ниво од 8-ми јануари.  Челниците на ФЕД продолжуваат да истакнуваат дека сè уште не е време за заострување на монетарната политика затоа што повисоката инфлација, која сега ги придружува развиените економии, се очекува да биде поголема поради тесните грла во снабдувањето. Цената ќе расте, особено ако доларот продолжува да губи од вредноста.

Доларот ослабе и во однос на европската валута, за 0,3 проценти, така што цената на еврото достигна 1,2182 долари.

Курсот на доларот во однос на јапонската валута се намали за 0,4 проценти, на 108,95 јени.

Гратис патарина ќе има за Србите кон Грција, но не и кон Охрид. 

Владата ќе додели  200.000 електоронски картички со по 760 денари и ова ќе ја чини државата  2,8 милиони евра. Картичките ќе се делат на Табановце и ќе може да се искористат во периодот од 15 јуни до 15ти август.

Српските државјани ќе бидат ослободени од плаќање на патарини низ државата, но само за oдење и враќање од Грција. Бесплатните патарини ќе важат само за Коридор 10 кој води кон граничниот премин Богородица, но нема да важат за патување кон Охрид затоа тоа што на овој патен правец нема електронска наплата.  Оваа одлука е донесена за да се оддолжиме на Србија за донираните вакцини. Српските гости се едни од најбројните во земјава.