Промовирани огласи »

Во склоп на средното ветеринарно и земјоделско училиште „Браќа Миладиновци“ утре се отвора зоолошка градина. 

Оваа зоолошка градина во дворот на училиштето постои веќе повеќе години, која служела како практична настава за учениците, од утре таа официјално ќе биде отворена за сите посетители. 

Во моментов има дваесетина видови на животни или околу 50 единки. Лами, носести мечиња, пони коњчиња, елени, срни, домашни животни, како и многу птици се дел од зоолошката. 

Влезот е слободен, односно со донирање на симболична сума, секој ќе може да влезе, велат од училиштето. 

Промовирани огласи »

УПОЗ, синдикатот кој ги застапува вработените во јавната админситрација, по вчерашната владина седница денеска објави дека регрес за годишен одмор годинава ќе добијат сите од државната управа, па до вработените во агенциите, фондовите, општините и судовите.

На вчерашната седница на Владата беше усвоен ребалансот на Буџетот за 2021 година. Со ребалансот на Буџетот за 2021 година, а согласно Гранскиот колективен договор склучен од Синдикатот на УПОЗ и Владата на Р. С. Македонија, се предвидоа и средства за исплата на регресот за годишен одмор за 2021 година.

Согласно Граснкиот колективен договор, регрес за годишен одмор ќе добијат вработените во органите на државната управа, стручните служби на Владата на РСМ, судовите, јавните обвинителства, казнено поправните и воспитно поправните установи, државното правобранителство, општините, Град Скопје и општините во Град Скопје, агенциите, фондовите и другите органи основани од Собранието на Р.С.Македонија“, се вели во соопштението на синдикатот.
Премиерот Зоран Заев рече дека поради кризната година, К-15 не бил поделен за овие вработени во 2020, но според колективниот договор, во 2021 тоа треба да се испочитува.
 

Промовирани огласи »

Годинава и јавната администрација ќе земе К-15, потврди денеска премиерот Зоран Заев. 

Ќе го исполнат ветувањето кое претходно го дадоа. Поради тоа се алоцирани дополнителни 230 милиони денари и се опфатени сите кои што спаѓаат во колективните договори.

Имаше одложување на оваа мерка во 2020 година во исплатата за 2019, поради тоа што кога требаше да се исплаќа почна третиот бран на ковид-кризата и беше навистина несоодветно време кога приватниот сектор оди со рационализирање, дополнителниот додаток да не се исплати, рече премиерот.

Работниците во приватниот сектор претходните години добиваа К-15. Обврската за исплата на регресот за годишен одмор или популарно наречениот К-15 беше воведена во 2014 година. Се предвидува дека работникот има право на овој регрес само доколку работел најмалку шест месеци во текот на годината кај еден ист работодавец. Овој приход се исплаќа еднаш годишно најдоцна до 31 декември во годината. 

Промовирани огласи »

Владата го усвои ребалансот на буџетот. Дефицитот е проектиран на ниво од 46,2 милијарди денари, или 6,5 проценти од БДП. 

Кратење има на расходите кај повеќе буџетски корисници и тоа по основ на помалку продуктивни трошоци и по основ на проекти кои имаат послаба динамика на реализација.  Парите ќе бидат насочени кон ставки кои се очекува да дадат поголем процент на реализација и поголема додадена вредност на економијата.

Приходите се проектирани на  222,6 милијарди денари, а тоа се должи на добрата реализација на приходите од почетокот на оваа година. Расходите се планирани на ниво од 268,8 милијарди денари или за 8,6 проценти повеќе во однос на претходно планираното. 

Капиталните расходи се проектирани на ниво од 30,5 милијарди денари или за 6,5 милијарди денари се повисоки во однос на планот за 2021 година. Нивното учество во вкупните расходи на буџетот од иницијално планираните 9,4 проценти, се зголемува на 11,3 проценти. 

Власта уверува дека економскиот раст е стабилен и дека ќе расте. 

Повеќе вести...
барај огласи за вработување » барај останати огласи »