Промовирани огласи »

Воведувањето на еколошката такса врз цената на горивата ќе има ефект на инфлацијата и краткорочно и долгорочно, па Finance think (Фајненс тинк) порачуваат оваа давачка да се воведува скалесто. Владата предложи еколошка такса од 3,5 денари за литар гориво или 4,13 денари со вклучен ДДВ, со цел да се потпомогне зелената транзиција, односно да се дестимулира користењето фосилни горива и да се охрабри користењето обновлива енергија, како и алтернативни начини на транспорт. Анализите на Фајненс тинк покажале дека ефектот на инфлацијата краткорочно ќе биде од 0,15 до 0,3 проценти, а долгорочно уште посилно или д 0,8 до 0,9 проценти.

Двата ефекта – краткорочниот и долгорочниот – не треба да се потценуваат. Оттука, препорачуваме еколошката такса да се воведе скалесто, 1,5 денари во јули 2021, 1 денар во јануари 2022 и 1 денар во јули 2022. Со тоа, ценовниот ефект, без оглед колку е мал, ќе биде дополнително разводнет, велат од Фајненс тинк.

Препорачуваат да се креира Фонд за зелена транзиција кој ќе осигури дека средствата собрани преку еколошката такса навистина ќе се употребат за поддршка на зелената транзиција во земјата. Додаваат дека е потребно Владата да преземе акција со која ќе го демантира впечатокот дека еколошката такса се воведува за да ги компензира фискалните приходи кои ќе се изгубат поради намалувањето на ДДВ-то на електричната енергија.

Огласувај БЕСПЛАТНО недвижности, возила, електроника
и се што вреди да се огласи!
Учествувај во големата наградна игра и освој 40х дневни награди и 4х телефони! Извлекување секој ден на Facebook и Instagram.

Промовирани огласи »

Бесплатниот роаминг ќе ги опфати Албанија, Босна и Херцеговина, Косово, Црна Гора, Северна Македонија и Србија

Од четврток, 1 јули, целиот западен Балкан ќе биде зона каде што нема да се наплатуваат роаминг услуги. Бесплатниот роаминг ќе ги опфати Албанија, Босна и Херцеговина, Косово, Црна Гора, Северна Македонија и Србија.

Нема да има такси за роаминг во овие земји, што ќе значи повеќе пари во буџетот за граѓаните на овие земји, но и за деловните субјекти, рече Мајлинда Брегу, генерален секретар на Советот за регионална соработка (РСС).

Деновите се бројат на прсти

Луѓето сакаат и треба да бидат поврзани на различни начини, а регионот без роаминг е еден од нив. Ако се вратиме три години наназад, кога лидерите на Западен Балкан одлучија да ги намалат цените на роамингот во регионот, никој не помислуваше дека ќе имаме регион толку брз во кој цените на роамингот ќе бидат нула. И, гледате каде сме, ние ги броиме деновите кога Западен Балкан ќе биде без роаминг - рече Брегу на состанокот на министрите задолжени за информатички и комуникациски технологии на Западен Балкан што се одржа во Подгорица.

Во март 2019 година, Претседателството на БиХ, на предлог на Советот на министри на БиХ, го разгледа и одобри предлогот на договорот за намалување на цените на роаминг во јавните мобилни комуникациски мрежи, кој предвидува до 1 јули 2021 година максималната малопродажна цена на надоместоците за роаминг во регионот Западен Балкан да се доведат до нивото на цените што одговараат на правилата „во роаминг како во домашен сообраќај“.

Домашна тарифа

Дефинирано е дека максималната цена на трошоците за роаминг во мобилната телефонија мора да се доведе до нивото на цената во согласност со правилото „како во домашниот сообраќај“, што се применува во ЕУ, најдоцна до 1 јули 2021 година - тоа беше речено за Аваз „Од агенцијата за регулирање на комуникациите на БиХ.

Клучно е дека од 1 јули годинава, со воведување на правилата „во роаминг како во домашен сообраќај“, корисниците нема да плаќаат дополнителни такси кога патуваат во рамките на Западен Балкан, или ќе користат роаминг услуги по домашни цени.

Сообраќајот генериран во регионот на Западен Балкан (повици, СМС пораки, мобилен интернет) ќе се наплаќа или ќе се одземе од бонусот вклучен во тарифниот пакет на ист начин како да корисникот е дома. За корисникот ќе биде исто дали тој користи мобилен телефон додека патува во регионот на Западен Балкан или го користи дома.

Намалување на цената во две фази

Со цел целосно спроведување на договорот, Агенцијата за регулирање на комуникациите (РАК) во јуни 2019 година донесе одлука за цените на роаминг услугите во јавните мобилни комуникациски мрежи. Одлуката дефинира дека намалувањето на цените на услугите во роаминг се одвива во две фази, првата од 1 јули 2019 година до 30 јуни 2020 година и втората од 30 јуни 2020 година до 1 јули 2021 година.

Промовирани огласи »

Грција и летово е една од најпосакуваните дестинации за одмор. Но, дали пандемијата ги крена цените покрај море кај нашиот јужен сосед? 

За десетдневен одмор во Грција ќе мора да издвоите речиси слична сума како и пред корона-пандемијата. За во пикот на сезоната, во јули и август, за двокреветна хотелска соба ќе треба да платите отприлика 700 евра за 10 ноќевања во двокроветна хотелска соба. 

На почетокот или кон средината на јули за 10 ноќевања на Халкидики може да се најде апартманско сместување и од 160 евра. На Тасос може да се поминат 10 дена во хотел за 290 евра, додека пак на Ханиоти 10 дена одмор може да ве чинат нешто повеќе од 400 евра. 

На Лефкада цените за сместување во просек се движат од 35 евра по лице, а слични се цените и на Скијатос и Полихроно. 

Цената на кафето се движи пд 2,5 до 3 евра. Безалхолните освежителни пијалоци од 2-3 евра, додека пак за свежо цедените сокови ќе мора да одвоите по 4 евра. 

Цената на пивото се движи од 3-5 евра, но криглите се продаваат и по 6 и 7 евра. Половина литар вино може да добиете по цена од 5 евра, а локалниот пијалак - узо чини 8 евра. Класичните коктели се движат од 7-8 евра. 

Омилениот специјалитет по кој надалеку е позната Грција е поскапен. Ако претходните години чинеше од 2 - 2,5 евра, просечната цена за него ова лето е 3 евра за мала порција до 7 евра за голема порција. 

Цената на пицата се движи од 8 - 12 евра зависно од дестинацијата. Грчката салата чини 6.5 евра, а познатата цезар салата околу 10 евра.

Промовирани огласи »

Владата подготвува три сценарија за тоа како ќе се одвива учебната година 2021/2022, за кои ќе одлучува Комисијата за заразни болести согласно епидемиолошката состојба, соопшти денеска министерката за образование и наука Мила Царовска. Таа рече дека очекувањата се состојбата со ширењето на вирусот во летниот период да е мирна и да се спроведе првото сценарио кое предвидува целосно враќање на учениците во учлиштата односно наставата да биде со физичко присуство. Сепак има и други две сценарија кои биле дискутирани денеска на Главниот координативен штаб.

Сите, и јас и премиерот Зоран Заев и министерот за здравство Венко Филипче, сакаме учебната година да почне со првото сценарио, целосно отворање на училиштата согласно здравствените протоколи за сите одделенија и сите години. Второто сценарио е со физичко присуство да одат учениците од прво до четврто одделение, останатите онлајн. Третото сценарио е да бидат поделени во групи, една недела да оди една група ученици, друга недела втора група ученици, изјави Царовска на отворање на нова спортска сала во Волково.

МИнистерката додаде дека за трите сценарија, МОН заедно со локалните самоуправи и директорите ќе биде подготвено на 1 септември. 

На новинарски прашања при отворање спортска сала во ОУ „Јоаким Крчоски“ во Волково, Царовска одговори и дека одложеното доделување на свидетелствата е во рамки на законските рокови зашто крајот на учебната година е 31 август.

Посочи дека надлежно за документи од педагошката евиденција е Бирото за развој на образованието кое, како што рече, има обврска до крајот на учебната година (31 август) да ги додели свидетелствата.

Повеќе вести...