Законот за минимална плата ќе претрпи измени и ќе има нејзино зголемување за околу 20 отсто. Ова денеска го истакна министерот за труд и социјална политика Ибрахим Ибрахими по работната средба со претставници на репрезентативните синдикати во Македонија.

Посочи дека станува збор за првични разговори меѓу претставниците на синдикатот и Министерството за зголемување на минималната плата.

Она што првично утврдивме е дека има простор, има желба за зголемување на минималната плата и верувам дека во брзо време во дополнителните разговори со другите претставници на синдикатите, со КСС, со работодавачите, ќе најдеме заеднички модус, заедничко решение за зголемување на минималната плата за околу 20 проценти. Анализите кои беа направени од Министерството за труд и социјална политика и од Сојузот на синдикатите на Македонија се поклопуваат, рече Ибрахими.

Претседателот на Сојузот на синдикатите на Македонија, Живко Митревски на сите работници им го честиташе 1 Мај, Меѓународниот ден на трудот. Анализите, истакна, покажуваат дека има простор и можност да се продолжи оваа политика на зголемување на плати која ја реализиравме заедно со социјалните партнери, со Владата.

Исто така овие анализи и сега покажуваат дека во најмала мерка 20 отсто може да оди веднаш зголемувањето на минималната плата. Тоа е една исклучителна радосна и значајна вест која сакаме да ја споделиме со нашето членство и со сите работници. Станува збор за многу сериозен одговорен пристап на сите социјални партнери и на Владата во делот на задоволување и на потребите, водејќи сметка и за реалните можности и на одделни сектори и сегменти кои може да рефлектираат и во делот на подобрувањето на таа социјална економска состојба, рече Митревски.

Овие првични разговори, посочи, ги завршуваме успешно, следат други чекори, разговори со другите социјални партнери, со работодавачите, со другите синдикати, со цел Владата да излезе со предлог во делот на измени и дополнувања на тој закон.

Нагласи дека разговарале и за другите делови од протоколот за социјален напредок, она што значи сигурност на работни места во делот на обезбедување поголема сигурност преку афирмацијата на пристапот за реализација на посигурни работни места односно работен однос на неопределено работно време.

Она што е многу битно денес разговаравме и ќе продолжиме да разговараме за имплементирање на деловите од европскиот социјален модел. Република Македонија навистина направи низа напори досега заедно со Министерството да инкорпорира голем дел директиви од тоа европско законодавство, да имплементираме многу меѓународни стандарди. Сето ова вклучително и со платите и сите содржини од протоколот даваат можност да почнеме етапно да се подготвуваме да го реализираме она што значи принцип на европскиот социјален модел, истакна Митревски.

Одговарајќи на новинарско прашање кога ќе има зголемување на минималната плата на работниците, тој изрази надеж дека тоа ќе биде многу скоро.

Не зависи се од нас. Гледате во каква политичка криза се наоѓа државата. Се надевам дека со смирувањето на состојбите веднаш ќе биде реализирано она што го договараме. Тука ненадминлива е и улогата на работодавачите и сакаме да го слушнеме и нивниот глас и доколку се сложат да биде и повеќе од 20 отсто и доколку има простор се разбира дека ќе одиме и со повисоко зголемување во текот на оваа година, додаде Митревски.

Калифорниската компанија Тесла ќе гради станици за полнење електрични автомобили во Југоистична Европа вклучувајќи ја и Македонија. 

Компанијата на милијардерот Илон Маск најави изградба на таканаречените суперчаргери во шест земји од регионот до крајот на оваа година. По три станици ќе се градат во Романија и Србија, а по една во Бугарија, Босна и Херцеговина, Македонија и Молдавија.

Овие станици овозможуваат неколкукратно побрзо полнење на електрричните авотмобили од вообичаените станици. Тесла веќе има поставено 5400 вакви полначи ширум светот, а во регионот три има во Словенија и две во Хрватска, каде најави дека ќе постави уште четири.

Целта е во претстојниот период  да го зголеми вкупниот број на 10 илјади со цел да овозможи патување на што подолги далечини.

Маск ја осниваше Тесла во 2003. Освен електрични автомобили произведува батерии за складирање соларна енергија, како и резиденцијални соларни панели. Иако има неспоредливо мала продажба, брендот ужива голема доверба кај инвеститорите, па неодамна ги надмина Форд и Џенерал Моторс како највредна автомобилска компанија во САД.

Во Македонија, како дел од мерките за намалување на загадувањето, се предвидоа даночни олеснувања и субвенции до 5000 евра за купување електричен автомобил. 

Сојузот на синдикатите на Македонија најави дека претстојниот Меѓународен ден на трудот 1 мај ќе го прослават работно, со продолжување на разговорите за зголемување на минималната плата во земјава.

- Во наредните денови ќе имаме разговори околу зголемување на минималната плата. На 1 мај, во понеделник, заедно со претставниците на синдикатите ќе разговараме за зголемувањето на минималната плата, бидејќи има можности и простор тоа да се направи, изјави министерот за труд и социјална политика Ибрахим Ибрахими, пред Свечената седница на ССМ. 

Тој истакна дека Министерството заедно со синдикатите и во изминатиот период работеле на подобрување на правата на работниците и оти тоа ќе го прават и во иднина.  

Во рамките на Економско социјалниот совет во изминатиот период беа донесени значајни закони кои се во насока на подобрување на положбата на работниците и тоа ќе го правиме и во иднина, рече Ибрахими.

Верувам, додаде, дека добрата соработка, ќе продолжи и во иднина, бидејќи, како што рече, од заеднички интерес на сите, и на синдикатите и на работодавачите, е работниците да имаат што поголеми права и да уживаат поголеми благодети од нивната работа.

Претседателот на ССМ Живко Митревски истакна дека централно место во одбележувањето, како што рече, на задоволство на сите синдикални партнери, е продолжувањето на разговорите за зголемување на минималната плата во РМ.

На овој начин сакаме и практично да покажеме дека иако е 1 мај ние работно ќе го прославуваме. За нас е битно да покажеме и да реализираме резултати како што тоа го правевме сите овие години, рече Митревски.

Додаде дека како и во претходните години, и за овој 1 Мај ќе почне реализација на кампања, годинава посветена на реализација на целите и барањата во протоколот за социјален напредок, а една од главните точки на тој протокол е токму зголемувањето на платите и на минималната плата. Ќе продолжиме, рече Митревски, со реализација на натамошната борба за поттикнување на  мерките за вработување, со овозможување на социјална инклузија, борба против нееднаквоста и против сиромаштријата.

На свечената седница на ССМ по повод 28 април Меѓународниот ден за безбедност и здравје при работа и 1-мај-Денот на трудот, беа промовирани и прирачник посветен на работничките права со наслов „Дознај за своите права“, како и брошура за запознавање со правата на работниците од општиот колективен договор. 

Се чини како никогаш да не завршува распоредот за сотаноци во месецот. Колку треба да траат, како да се организираат и како да се испланира што да се разговара за време на истите за тие да бидат навистина продуктивни?

Можеби понекогаш се чини како состаноците да се бесцелни и тотално не потребни но едно истражување покажува дека дури 37 милиони долари се трожат за непотребни состаноци во текот на годината низ целиот свет.

Токму поради ова, се поставува првото прашање - Зошто се потребни толку многу состаноци за еден проект?

Состаноците за еден проект се испреплетен дел на секоја фаза на проект менаџментот, и обично се разговараат работи како планирање, моментален статус, ресурси, планирање, контрола на квалитетот, управување со заинтересираните страни и друго. Состаноците, исто така, имаат за цел да им дадат на учесниците можност за разгледување, разменување на искуства, решавање на прашањата кои ги имате, зајакнување тимската работа и др.

Стратегии за подобри состаноци

• Направете листа на клучни контакти и присутни, локација, време, и што да се подготвени да разговараат
• Спремете специфични цели на состанокот, што се очекува од секој поединец или област
• Определете колку време е доволно за секоја тема да се обезбеди за клучните работи
• Планирајте фактори кои можат да влијаат на состанокот
• Поставете не повеќе од три до четири клучни цели за средбата, не се обидувајте да ставите премногу теми. Во спротивно, ризикувате остварување на многу малку од наведеното
• Почитувајте го времето на другите за да се избегне закажувањето премногу состаноци. На овој начин присутните ќе ги сфатат вашите состаноци сериозно