Кога ќе го составувате вашиот тим за дигитален маркетинг,треба да одберете луѓе кои ќе бидат креативни и ќе можат да направат одличен стратешки маркетинг план. Голем дел од луѓето со кои ќе се сретнете ќе бидат подготвени да се носат со повеќе одговорности,ќе имаат врвни дигитални вештини и ќе ја разбираат важноста на податоците. Ваквиот тим секогаш ќе биде подготвен да превземе и да совлада некоја нова технологија. Во продолжение ќе ви прикажеме кои се клучните позиции на кои што треба да вработите навистина креативни и искусни луѓе за реализирање на еден маркетинг план.
1. Editorial director
Ова лице ќе го надгледува создавањето на содржина за маркетинг планот,како и стратегијата за социјалните медиуми,поврзувајќи ја свесноста за брендот со конверзија.
2. Content manager
Овој менаџер ќе биде одговорен за создавање нови идеи,креирање и распоредување на содржини за сите медиуми,објава на блогови и видеа, како и да има познавање од оптимизација на веб страни.
3. Community manager
Community manager или пак уредник на социјални медиуми,исто така ќе внимава и на стратегијата за тоа каква содржина се објавува. Ќе се потрудат присуството на вашиот бренд на социјалните медиуми да биде константен.
![](/uploads/articles/what-does-a-digital-marketing-manager-do.jpg)
4. Acquisitions director
Овој директор ќе биде задолжен за стекнувањето на клиенти,како и за креирање на кампањи. Дел од нивната задача е и грижата за максимизирање на приходите, како и ќе го водат тимот за креирање на платена и органска кампања.
5. Analytics manager
Менаџерот за анализирање е одговорен за маркетинг аналитиката,како и за индикаторите на внатрешните одделенија и ќе ги состави и пренесе резултатите од нивното следење.
6. Graphic designer
Графичкиот дизајнер ќе биде задолжен за креирање на графика за вашите канали,платени медиуми,блогови.
7. Email marketing manager
Емаил менаџерот е одговорен за извршување на маркетинг стратегија и кампањи за е-пошта,како и за тестирање на тие кампањи.