Германскиот производител на автомобили „Volkswagen-VW“ е прв во светот според инвестициите во истражувањето и развојот, покажаа податоците не Европската комисија (ЕК).
„VW“ минатата година за истражување и развој издвоил 9,5 милијарди евра.
![](/uploads/articles/volkswagen-emissions-scandal.jpg)
Второто место го зазема јужнокорејскиот производител на електроника „Samsung“, со инвестиции во вредност од 8,3 милијарди евра. Меѓу првите десет има пет компании од САД, две од швајцарија и една од Јапонија.
Вкупните инвестиции на европските компании во истражувањето и развојот минатата година, според истражувањето, се зголемени за повеќе од шест проценти.
![](/uploads/articles/Samsung-Customer-Service.jpg)
Комисијата, сепак, ја предупреди Европа дека и понатака заостанува зад САД, каде инвестициите пораснале за повеќе од осум проценти. ЕК укажа на недоволните инвестиции на европските компании во врвната технологија, како што е биотехнологијата и софтверите.
„Volkswagen“ е најголемиот европски производител на автомобили, со амбиции до 2018 година да стане најголем и во светот.