Купуваме најскапа храна од 70-тите години, па наваму. Ова е удар за многу држави Влади. 

Светските цени на храните се околу 33 отсто повисоки во август, во споредба со една година претходно, покажуваат податоците на Организацијата на ООН за исхрана и земјоделство.

Владите можат да интервенираат и да поттикнат пониски цени за одреден период. 

„Но, тие не можат да го прават тоа бескрајно“, вели Kyлeн Xeндpиĸc, експерт во Реtеrѕоn Іnѕtіtutе fоr Іntеrnаtіоnаl Есоnоmісѕ.

Само неколку дена откако ја ослободи владата и ја блокираше работата на парламентот, претседателот на Тунис Каис Саид им нареди на производителите и трговците да ги намалат цените на одредени производи. Црвеното месо е поевтино за околу 10 отсто, а овошјето – за 20 отсто.

Во Романија, владата на премиерот Флорин Кацу подготвуваше планови за намалување на зависноста од увоз од странство, со цел намалување на трошоците и трговскиот дефицит. Но, политичката криза во земјата, ја стави оваа идеја во втор план.

Во Македонија ќе поскапува лебот и маслото за јадење. 

foto unsplash.com

Животниот стандард во изминатите неколку години е двојно подобрен, вели вицепремиерот задолжен за економски прашања, координација со економските ресори и инвестиции Фатмир Битиќи. 

Како пример го наведе растот на минималната плата во однос на потрошувачката кошничка.

Во 2013 година биле потребни 3,2 минимални плати за покривање на потрошувачката кошница, за која што синдикатите зборуваат. Во 2017 година, со зголемувањето на минималната плата, беше потребна речиси една минимална плата помалку, за во 2021 година, без разлика што минималната плата се зголеми само за околу 200 денари, во овој момент се потребни 2,2 минимални плати за покривање на потрошувачката кошница за едно четиричлено семејство, изјави Битиќи за Сител.

Синдикалната кошница за август годинава изнесува 34.342 денари, а зголемена е за 214 денари во однос на претходниот за месец јули. 

Но, доколку во семејството има еден ученик, синдикалната кошница за месец август 2021 година изнесува најмалку 42.342 денари, пресметале од Сојузиот на синдикатите на Македонија.

Најмногу пари треба да се одвојат за храна и пијалоци, 14.633 денари, за домување 10.818 денари. За лична хигиена 2.382 денари, а за превоз минимум се потребни 2.529 денари. За култура 1.068 денари и за здравје 736 денари. 

Анализите на ССМ покажуваат дека трошоците за живот континуирано се зголемуваат, а платите  стагнираат.

Владата на Зимбабве им порача на државните службеници дека нема да добијат плата, ако не се вакцинираат. 

Шефот на Комисијата за јавни услуги на Зимбабве, Џонатан Вутавунаше денеска ги известил државните службеници дека ако не се имунизираат против ковид-19, нема да им биде дозволено да работат. 

Вутавунаше, потврдил за ДПА дека писмото од 15 септември, во кое им се вели на сите 300.000 државни службеници да се вакцинираат или да останат без плата, е вистинско. Досега 1.963.058 луѓе се целосно вакцинирани во Зимбабве, држава со околу 14,6 милиони луѓе. Зимбабве има 127.083 потврдени случаи на ковид и 4.551 починат. 

foto unsplash.com

Поранешниот авганистански министер Сајед Садат, откако пред неколку години си даде оставка, сега е доставувач на храна во Германија. 

Тој заработува за живот во Германија како доставувач на храна со велосипед. Заработува по 15 евра на час. Овој човек месечно поминува 1.200 километри на велосипед. 

„Нема срам во тоа. Бизнисот е бизнис”, рече тој за АФП.

По оставката, тој се вработи како советник во авганистанскиот телекомуникациски сектор. Но, до 2020 година ситуацијата во земјата се влоши и тој одлучи да замине.

Садат има двојно авганистанско-британско државјанство, но не може да се вработи во оваа професија во Британија, па затоа се одлучи за Германија, каде што виде повеќе можности за тоа. Проблемот, сепак, е што тој не зборува германски јазик. 

Садат беше министер за комуникации во авганистанската влада од 2016 до 2018 година, но поднесе оставка затоа што повеќе не може да толерира корупција во владата.

Тој е еден од илјадниците Авганистанци кои се преселија во Германија. Од 2015 година околу 210.000 Авганистанци побарале азил во Германија.  Со враќањето на Талибанците на власт, Германија евакуираше уште 4.000 Авганистанци од земјата. Талибанците сега наметнуваат многу ограничувања за жените, но и за оние кои соработувале со САД. Дури имаше и обвинувања за киднапирања.