Животот во Европа е најскап во Швајцарија, а најевтин во Турција.

Истражувањето на Дестатис покажа дека трошоците за живот во јули 2021 година биле највисоки во Швајцарија. Скапи за живот се и Германија, Данска, Луксембург, Холандија, Белгија и Австрија.  Но, животот во Полска е 46 проценти поевтин отколку во Германија и 28 проценти во Чешка.

Македонија, заедно со земјите од регионот – Србија, Косово, Албанија, Босна и Херцеговина, е во групата на земји со ниски трошоци за живот. 

Во Бугарија, Романија и Босна и Херцеговина, трошоците за живот се околу 50 проценти пониски отколку во Германија, во Литванија и Хрватска 36 проценти, во Шпанија 13 проценти, а во Италија девет проценти.

Министерот за здравство Венко Филипче на денешната прес-конференција ги соопшти новите препораки на надлежните.

Нови препораки има за трета доза на вакцина кај сите граѓани над 60 години, кај сите здравствени работници без оглед на возраста и кај сите со имунокомпромитирана состојба, рече Филипче кој појасни дека третата доза ќе биде од производителот Фајзер, а препорачливо е истата да се прими шест месеци по првите две дози.

Министерот рече дека денеска е надмината бројката на 700.000 кои се ревакцинирани против корона.

1500 -2000 лица дневно се јавуваат за прва доза вакцина. Верувам дека интересот за вакцнација нема да намалува се со цел за пократко време да стигнеме до колективен имунитет, порача Филипче.

Во однос на анализите од ИЈЗ епидемиолошка состојба во изминатите денови е со еднаков број на новодијаностицирани.

Имаме околу 500 новозаразени повеќе денови по ред што не прави притисок во болниците. Тоа значи дека имаме изедначен број на прегледи, околу 50 прегледи на ден, рече Филипче во однос на актуелната состојба.

На прес-конференцијата беше кажано и дека се очекува донација од Данска од околи 250.000 дози вакцини од производителот „Џонсон“.

Сите кои нема да можат да го докажат потеклото на имот во вредност над 30 илјади евра стекнат претходната година, тој ќе биде конфискуван, предвидува драфт верзијата на Законот за потекло на имот, кој првпат се носи во земјава.

Вицепремиерот задолжен за борба против корупцијата Љупчо Николовски денеска во обраќањето на конференцијата за детектирање и намалување на сивата економија обелодени дека драфт верзијата е готова и дека ќе биде испратена во Венецијанската комисија.

Законот нема да се однесува само на функционерите, туку на сите граѓани затоа што искуството покажува дека функционерите го препишуваат незаконски стекнатиот имот на други лица, а по завршувањето на функцијата си го враќаат.

Овој закон преку граѓанска постапка за конфискација, која ја воведуваме, ќе важи за сите лица кои нема да можат во одреден законски период да го докажат потеклото на имотот. Значи ќе важи за сите лица, не само за функционерите. Постапката ќе биде граѓанска, брза, а не кривична и ќе има соодветен праг кој моментално во драфт верзијата е 30 илјади евра, рече Николовски во обраќањето на конференцијата што ја организираше УНДП и Министерството за финансии.

КARIERA.mk како ексклузивен партнер на HR SUMMIT Skopje, со големо задоволство го најавува и првиот говорник на настанот. На 29.9.2021 со почеток во 9h во Ragusa 360 ќе се одржи долгоочекувааниот HR SUMMIT SKOPJE кој со години дава прекрасна атмосфера во светот на човечките ресурси во регионот. 

Меѓу говорниците на настанот, би сакале да го претставиме Азад Наваз од BMW кој е раководител за квалификации, обука и малопродажба во BMW AGMW за Африка и Источноевропскиот регион. Негови севкупни одговорности вклучуваат привлекување на вработени, избор и развој во малопродажната мрежа на групацијата БМВ во 36 земји низ целиот регион.

Во неговата претходна улога во БМВ, Азад беше Менаџер за обука за Азиско-пацифичкиот регион одговорен за идентификување на потребите за целиот регион.

Азад исто така е добитник на медалот „Принцот Филип“, доделен на инженер од која било националност.

На која тема ќе зборува тој на настанот?

Интерактивна работилница за ангажирање на вработените на работа по „Ковид-19“

• Учење за влијанието на „Ковид-19“ врз вашите вработени за време на пандемијата

• Како луѓето се прилагодиле на работа од дома?

• Колку беа ангажирани вашите вработени за време на пандемијата?

• Како да управувате со оние кои претпочитаат да работат од дома или оние кои копнеат да се вратат во канцеларија (Хибриден работен модел)

Придружете се на успешните тимови од HR светот и вклучете се во настанот! ТУКА погледнете ја агендата и темите на кои ќе се разговара. Билетите се во продажба и истите можете да ги купите и онлајн на следниот ЛИНК. Се гледаме на 29.9.2021 во Ragusa 360 Скопје.

Тагови: Кариера Онлајн