Министерот за економија Крешник Бектеши не очекува да има големо зголемување на цената на електричната енергија за домаќинствата по 1 јануари идната година и вели дека ќе направат се што им е на располагање за да остане сегашната производна цена на АД ЕСМ кое ги задоволува потребите на регулираниот пазар.

За домаќинствата, како што кажа, во Законот за енергетика е предвидена постепена либерализација и потенцира дека ќе се направат дополнителни калкулации од страна на Регулаторната комисија за енергетика (РКЕ) и сите енергетски институции и компании кои се во сопственост на државата за да се види колкава ќе биде цената на струјата по 1 јануари идната година. Ситуацијата будно се следи и во делот на домаќинствата не очекуваме да има големи ценовни шокови.

Моменталната производна цена на електричната енергија на АД ЕСМ е 36 евра за мегават и ќе направиме напори тоа да остане така. Веќе се преземаат соодветни мерки од страна на раководството на ЕСМ да се зголеми производството во РЕК Битола и во ТЕЦ Осломеј и убеден сум дека до крајот на годината речиси ќе се дуплираат капацитетите на ЕСМ во делот на производството од страна на термоелектраните, рече Бектеши во одговор на новинарско прашање на завршниот настан на Проектот на УСАИД за развој на регионални пазари на енергија и дискусија на тема „Идните предизвици во развојот на енергетскиот сектор во Република Северна Македонија“.

Во делот на увозот на јаглен за потребите на двете термоцентрали, посочи, дека треба да се почитуваат сите процедури.

ЕСМ има внатрешни и законски процедури кои треба да ги спроведе за набавка на јаглен од странство. Убеден сум дека тендерот ќе биде успешен зашто веќе имаме искуство со ТЕЦ Осломеј за каде се набавува јаглен од Косово, истакна Бектеши.

На прашањето дали треба да се вклучи ТЕЦ Неготино за да се избегнат евентуални ценовни шокови, претседателот на РКЕ Марко Бислимоски рече дека во моментов се прават сите анализи, бидејќи производната цена на ТЕЦ Неготино за струја е врзана со цената на мазутот.

За жал сега имаме повторно тренд на пораст на цената на нафтата на светските берзи што е процес на кој ние не можеме да влијаеме. Доколку постои економска исплатливост и доколку и понатаму продолжат да растат цените на електричната енергија апсолутно ќе се примени и сценариото за вклучување на термоелектраната доколку цената за производство на ТЕЦ Неготино е пониска од таа што е на пазарот, рече Бислимоски.

Повика да престанат шпекулациите дека цената на електричната енергија за домаќинствата ќе се зголеми за 50 проценти по 1 јануари.

Би замолил да се воздржиме од шпекулации без никакви анализи. Нема потреба сега да се крева паника, се што и стои на располагање на РКЕ, на ЕСМ, на МЕПСО и на Владата ќе биде преземено, посочи Бислимоски и додаде дека кај нас се веќе преземени голем дел од мерките што вчера ги препорача Европската комисија за земјите членки за заштита од ценовните удари со електричната енергија.

Состојбата, потенцира, е сериозна имаме проблем со хидрологијата, во одреден дел и со термоелектраните, но се се решава и на никој не му е ни на крај на памет да не преземе мерки кои стојат на располагање.

Најодговорно тврдам дека цената на електричната енергија нема да се зголеми за 50 проценти, а никој во моментов не знае колку ќе се зголеми. Оперативните трошоци, амортизација и поврат на капитал се работи кои веќе се определени на Електродистрибуција за дистрибуција на електрична енергија и на МЕПСО за пренос. Тоа не може да се смени. Може да има притисок врз трошокот за набавка на електрична енергија за покривање на загубите. МЕПСО и Електродистрибуција треба да распишат тендери и ќе видиме кои цени ќе се понудат. Ако цените се превисоки на располагање ни е концептот преку ЕСМ за набавкана јаглен или доколку има потреба да се вклучи ТЕЦ Неготино, прецизира Бислимоски.

Клучевите денес не се само за отклучување и заклучување на вратите на автомобилите.

Денешните автомобили се полни со нови технологии, апликации и бројни трикови кои се таму за да ни го олеснат животот, а истото важи и за нивните клучеви. Иако на прв поглед изгледа дека има само копчиња за отклучување и заклучување на вратата, со вистинската комбинација на овие две копчиња може да дојдете до некои изненадувања.

Клучот од автомобилот има голема тајна за која знаат многу малку сопственици на автомобили. Затоа ви носиме список на автомобили каде што може да се направи ова. Денес, сите автомобили имаат безжични клучеви или едноставно ги нарекуваме „далечинско“ со кои ги отклучуваме и заклучуваме автомобилите, ја отвораме задната врата, но и го стартуваме моторот.

Некои од нив имаат и други функции кои се корисни. Еве за што станува збор.

Притиснете го копчето за отклучување автомобил на далечинскиот управувач, отпуштете го и притиснете го повторно стискајте и држете го стиснато некое време. На овој начин, овозможивте автоматско спуштање и подигнување на прозорците.

Оваа функција е објаснета во фабричките упатства за одржување што доаѓаат со новиот автомобил и е опишана.

Но, се разбира, ова не функционира кај сите модели на автомобили, па сега веројатно се прашувате, а подолу ви носиме список на автомобили на кои работи:

– Acura (MDX/TL/TSX/ZDX)

– Alfa Romeo (159)

– Audi (A1/A2/A3/A4/A5/A6/A7/A8)

– BMW (3 Series/5 Series/6 Series/7 Series/M5/Z4)

– Chevrolet (Corvette/Equinox)

– Chrysler (Sebring/Town & Country)

– Dodge (Challenger/Charger/Durango/Grand Caravan/Journey/Ram)

– Fiat (Bravo)

– Ford (C-Max/F150/Focus/Focus Ghia/Fusion/Galaxy/Mondeo/S-Max/Taurus)

– Honda (Accord/Accord Crosstour/Odyssey/Pilot/Ridgeline)

– Infiniti (G25x/G35/G37/I30/I35/M35/QX56)

– Jeep (Grand Cherokee)

– Jaguar (S Type/XF/XJ8/XK8)

– Lexus (ES300/GS350/IS250/RX300/RX350/RX400h)

– Lincoln (LS/MKX/MKZ/Zephyr)

– Mazda (6/CX-9/MX-5 Miata)

– Mercedes-Benz (B180/C240/C300/CLK350/CLS550/E350/E430/E500/GL450/ML550)

– Mini Cooper (Clubman/S/Mayfair)

– Nissan (350Z/Altima/Armada/Maxima/Murano/Pathfinder/Titan)

– Opel

– Peugeot (508)

– Saab (9-3)

– SEAT (Leon)

– Skoda (Fabia/Octavia II)

– Toyota (Prius)

– Vauxhall (Insignia/Vectra/Zafira)

– Volkswagen (Beetle/Golf/Jetta/Passat/Polo/Routan)

– Volvo (C30/S40/S60/V50)
 

Многу сопственици не се свесни за фактот дека во нивните дигитални клучеви има механички клуч. Се наоѓа таму во случај кога ќе ви остане без батерија и не можете да ја отворите вратата. Кај некои автомобили кога ќе откаже акумулаторот, откажуваат и функциите на отварање на вратите. Тогаш со помош на механичкиот клуч можете да ј аотворите вратата.

Клучот обично се наоѓа на дното и треба да притиснете посебно копче за да го испуштите – и се наоѓа на видливо место на повеќето дигитални копчиња.

Уште во 2020 година, протекоа информации дека тој бил еден од десетте среќници кои си резервирале место за новото Bugatti. Како страстен фан на Bugatti, но и колекционер на автомобили, тој го избрал Centodieci за своe третo Bugatti, пишува германски Bild.

Голема инвестиција, со оглед дека автомобилот кој го платил 9,5 милиони евра, денес многу веројатно вреди повеќе. Да потсетиме, ова е специјална серија базирана на Chiron, која му оддава почит на моделот EB110.

Се придвижува од истиот 8.0 W16 мотор, но засилен со моќност од 1.600 КС. До 100 km/h стигнува за само 2,4 секунди, а максималната брзина е 425 km/h.

Интересно е тоа што Роналдо оваа година веќе го купи освежениот Bentley Flying Spur вреден четвртина милион евра. Неговата колекција во моментов вклучува Ferrari F430, Lamborghini Aventador, најмалку две Bugatti, McLaren Senna, два Rolls-Royce, Porsche 911, Koenigsegg CCX, Bentley Continental GT Speed, Range Rover Sport SVR, Maserati GranCabrio и неколку Audi и Mercedes модели. Се уште е неизвесно дали тој е мистериозниот купувач на Bugatti La Voitture Noire, познат како најскапиот автомобил во светот.

Во секој случај, оваа инвестиција не претставува проблем за Португалецот. Еден од најдобрите фудбалери на денешницата ќе заработи 125 милиони долари пред оданочување оваа сезона, дополнителни 70 милиони долари од плата и бонуси, и уште еден милион од спонзорства и неговиот бренд CR7.

Обединетото Кралство ќе понуди 800 визи за шест месеци поради недостаток на работна сила и прекини во синџирите на снабдување на касапи, изјави министерот за животна средина на Обединетото Кралство, Џорџ Јустис, пренесе Seebiz.eu.

Земјоделците ширум земјата објаснуваат дека „Брегзит“ и пандемијата на вирусот Ковид-19 предизвикаа вистински егзодус на работници од Источна Европа кои работеа во кланици и фабрики за преработка на месо, што влијаеше на акумулацијата на добиток.

Ќе им овозможиме на работниците од кланиците и фабриките за преработка на месо да доаѓаат шест месеци како дел од програмата за сезонски работници, објасни Јустис.

Ова ќе ни помогне да го решиме проблемот со премногу свињи на фармите и ќе им овозможи на производителите на месо да го обноват својот работен процес, додаде министерот.

Според него, ќе бидат потребни околу 800 касапи. Тој, исто така, го изрази своето мислење дека индустријата за производство на свињи и прехранбената индустрија воопшто, загубија голем број работници поради пандемијата „Ковид-19“, а не Брегзит.

Можеа да останат, но повеќето од нив сакаа да бидат со своите семејства во тешкиот период на пандемијата, па ја напуштија Британија, рече Јустис.

Тој, исто така, најави дека ќе се олабават правилата за превоз на возачите од ЕУ и дека ќе можат да патуваат во Британија колку што сакаат во текот на двонеделниот период.