Онлајн интервју претставува интервју што се одржува преку видео софтвер наместо лично. Зум е една од најчестите видео програми што компаниите ја користат за интервјуа за работа. Лесен е за користење и пријатен за двете страни. Може да го симнете бесплатно, дури не ви е потребна корисничка сметка ако не хостирате некој митинг. Онлајн интервјуто треба да се сфати сериозно исто како класичното интервју.

Подготовката за онлајн интервју не треба да биде поразлична од класичното. Не правете грешка мислејќи дека онлајн интервјуто е помалку формално само затоа што е видео повик. Не се обидувајте да гледате во вашите забелешки за време на интервјуто, избегнувајте да ги читате  вашите одговори бидејќи менаџерот за вработување ќе може многу едноставно да ве препознае. Наместо тоа, вежбајте да зборувате природно. Ова може да го направете со некој пријатели или некој член од вашето семејство.

Користењето видео технологија за интервју за работа бара поголема подготовка. На пример, веројатно сте запознаени со користењето на некој од онлајн сервисите како Зум ако сте работеле на далечина за време на пандемијата, но сепак најдобро е да одвоите дополнително време за да ги прегледате сите функции  пред интервјуто за да бидете сигурни дека сте ги инсталирале најновите ажурирања. Ова ќе ви помогне да се чувствувате поудобно и да избегнете технички проблеми за време на истото.

Кога ја избирате облеката за вашето онлајн интервју , изберете нешто што би го облекле доколку лично одите на состанокот. Ова зборува за вашиот професионализам и ќе ви помогне да се чувствувате посигурни.

Друга важна работа при онлајн интервју е вашата локација. При изборот на локација за вашето интервју за работа, земете ги предвид деталите како што се осветлувањето, нивото на бучава и сигурен Wi-Fi.

Дали сте се соочиле со некои потешкотии при интервју? Дали преферирате онлајн интервју или сепак би се придржувае кон класичното?

Владата соопшти дека е усвоена новата Стратегија за вработување која предвидува стапката на невработеност да падне на 11 отсто. 

Ова е одлука од 117-та седница. Владата ја донесе Националната стратегија за вработување 2021-2027 година со вклучен Акциски план.

Согласно трендовите на закрепнувањето на економијата и на пазарот на трудот, спроведувањето на Стратегијата е предвидено во две фази, од кои првата е пред сè фокусирана на ублажување на негативните последици на пандемијата од КОВИД-19 врз вработувањето и воведување на потребните реформи за почеток на втората фаза (од 2024 до 2027 година) на политиките, која е попрогресивна и насочена кон приближување до Стратегијата за вработување на Европската Унија.

Според проекциите за вработеноста, стапката на учество на вработените во вкупното население до 2027 година ќе се зголеми на 60 проценти, додека стапката на невработеност ќе опадне на 11 проценти за работоспособното население, велат од Владата. 

Националната стратегија за вработување е придружена и со Гаранцијата за млади, чиј план за спроведување ќе се преформулира во 2022 година за да се земе предвид постигнатиот напредок, влијанието на пандемијата врз вработувањето на младите и прилагодувањата воведени во Програмата за поддршка на младите на ЕУ со што се очекува значително поголемо вработување на младите.

Енергетска криза е на глобално ниво и постои, а  ние сме свесни за нејзините димензии и сме подготвени да одговориме и работиме на тоа. Ќе реагираме не само со Буџетот во 2022 година, туку и со актуелниот Буџет за годинава зашто ефектите од енергетската криза веќе се чувствуваат во нашата економија. Не можам сега да кажам колку ќе биде тоа во однос на цените, а ниту сум надлежен за тоа, ниту, пак, Владата е, туку е регулаторното тело, истакна денеска министерот за финансии Фатмир Бесими.

Тој порача дека во актуелниот Буџетот има средства од програмата за Ковид од околу 6 милијарди денари кои се уште не се реализирани и со нив може да се поддржат енергетските компании. За таа намена, како што рече, во Владата се формира работно тело од повеќе ресори кое треба да  одлучи дали и како ќе бидат поддржани. Веројатно, додаде тој, ќе излезат со предлог мерки и тоа ќе биде спроведено со заклучок од Влада.

Во Владата има работен тим што ја следи состојбата и во зависност од тоа каде ќе се ослободат средства ќе се интервенира. Битно е граѓаните да знаат дека ќе се направат сите напори пред се да има доволно електрична енергија и да се ублажи ценовниот ефект. Не прејудицирам од каде и што, само сакам да кажам дека се уште има простор во Буџетот зашто од планираниот буџетски дефицит од 6,5 отсто остварен е само 3,8 отсто. Решенијата што ќе се донесат треба да бидат конзистентни и одржливи за да може да се справиме успешно и со овој предизвик како што беше и со пандемијата со Ковид-19, рече Бесими во одговор на новинарско прашање на денешната прес-конференција во Владата, на која беше презентиран Предлог буџетот за наредната година и нагласи дека се очекува за неколку месеци да се надмине оваа состојба на глобално ниво.

Министерот потсети дека во текот на 2021 година Владата уште пред почетокот на енергетската криза го намали ДДВ-то за електрична енергија од 18 на 5 отсто за домаќинствата.

 Енергетската криза се случи во меѓувреме поради постковид ефектот и зголемената побарувачка, поскапото производство на електрична енергија поради зелената агенда и политички и стратешки причини со ограничувањето на пристапот до природниот гас на пазарот. Се очекува ситуацијата да се стабилизира од вториот квартал на наредната година, рече Бесими.

Како што се справивме со ковид кризата, посочи тој, така ќе се справиме и со оваа криза во делот на Буџетот со одржливи решенија со кои нема да се нарушат пазарните принципи, туку ќе се поддржат компаниите за да се ублажи ефектот на кризата. Токму на тоа работат експерти од областа  на енергетиката, индустријата и други сектори, а во делот на финансии ќе одговориме со тоа што може да се направи за да помогнеме на нашето стопанство.

Прашан дали во буџетот за наредната година се предвидени зголемени средства за институциите за сметките за електрична енергија, Бесими рече дека нема дополнително ставено ставка само за електрична енергија затоа што, како што истакна, така не се планира буџетот, туку на ниво на категории. На ниво на категории, додаде тој, има намалување на оваа стапка притоа со заложба од сите институции како политика на Влада да имаме фискална консолидација.

Ние во буџетот не предвидуваме ставка само за електрична енергија, туку има повеќе позиции и во тој дел во рамките на политиката за фискална консолидација има намалување на национално ниво или на буџетско ниво од 6 проценти во сите стоки и услуги. Тоа е дел на политиката за фискална консолидација. Притоа воведуваме индикатори за оперативни трошоци во последните пет години за секоја институција со цел да се подобри управувањето со трошоците, односно подомаќински да се управува со тоа што сите надлежни институции, во рамките на тој стегнат буџет во делот на стоки и услуги каде што има намалување од 6 проценти, ќе треба со порационално и подомаќинско управување со своите средства да ги предвидат и евентуалните сметки на електрична енергија доколку имаат пораст, потенцира Бесими.

На прашањето дали има простор Владата да се откаже од дел од акцизата за бензинот и дизелот или од некоја друга давачка во делот од горивата, како директна поддршка за граѓаните и стопанството, Бесими одговори дека сега за сега тоа како системско решение го нема во Предлог буџетот, но може да се разгледа во контекст на прашањето за енергетска криза.

Тоа ќе се разгледа во делот на тимот којшто работи на целиот пакет во однос на енергетската криза доколку се укаже потреба да се интервенира и каде да се направи во тој дел. Сега за сега нема некоја конкретна мерка предложена за намалување на акциза за 2022 година заради ефектите на енергетската криза, рече Бесими.

Нормално е да бидеме возбудени кога ќе ја добиеме првата понуда за работа. Приклучувањето кон работната сила со полно работно време може да значи плата, бенефиции и пат до финансиска независност. Но, пред  да прифатите понуда, важно е да процените што точно ви ветува компанијата и да преговарате за истата. Според едни изстражувања околу 56% од работниците чуствуваат голем страв кога преговараат.

Како да преговарате за погоелма плата од понудената?
Бидејќи  работодавецот ве одбрал вас сметајќи ве за најдобар кандидат за одбраната функција не треба да имате страв додека преговарате. Препорачливо е никогаш да не ја прифаќате понудата на лице место и, наместо тоа, да одвоите малку време за да го истражите пазарот за вашата позиција. Откако ќе знаете што сакате од преговорите, побарајте да разговарате за понудата.

Како да се подгответе за преговор?
Важен дел од преговарачкиот процес е да се подготвите за сè што може да  се случи. Знаејќи што е разумна побарувача и покажува на компанијата дека имате истражувано доволно за да го направете првичното барање. Важно е да имате причина зошто барате да преговарате. На пример, ако луѓето во вашата област или во други компании на слична позиција со вашето ниво на обрзование заработуваат повеќе. За ова ви е потребна причина да докажете зошто сметате дека заслужувате поголема плата. Ако кажете само „сакам повеќе“ нема да го добиете посакуваното.

Дали кога преговаравте за вашата прва плата на вашето прво работно место го добивте посакуваното? Дали доколку ја сакате вашата професија би прифатиле помала плата?