Викендов на новата ридска патека во Дубровник се одржа последната трка од шампионатот на ридски патеки во Хрватска, која исто така се бодуваше и за Црногорскиот шампионат кој заврши со истата трка.

Во саботата имавме суви тренинзи, но ниските температури како и секогаш во Дубровник во овој дел од годината не дозволуваат максимални резултати. На саботните тренинзи најбрз, но кој воедно постави и прв рекорд на новата патека беше Никола Асановиќ во прототип Norma M 20 со време од 1:49.542, беше побрз од неговиот најблисок конкурент во категоријата на туристички автомобили Домагој Перековиќ (Mitsubishi Lаncer EVO 9) за нешто повеќе од 4 секунди со време од 1:53.151, а воедно ја освои и титулата во Хрватскиот шампионат во класата Е1.

На ред дојде недела, денот за трка. Иако изутрината временските услови изгледаа дека ќе бидеме сведоци на сува трка и подобри времиња, пред самиот старт на трката започна дожд кој не престана цел ден. Возачите пред самиот старт беа со монтирани дождовни гуми и во еден момент беа готови да менуваат гуми за суво, но најавата за дожд воопшто не разочара.

На дождовната трка победник во генерален пласман беше Домагој Перековиќ (Класа Е1), додека на втората и третата позиција пристигнаа Црногорскиот возач Василије Јакшиќ (Група Н) и домашниот возач Стијепо Маненица (Група Н), сите во Mitsubishi Lаncer EVO 9.

БрзКруг беше и на оваа трка присутен, па погледнете ги фотографиите на нашата ФБ страница, а во текот на неделата ќе погледнете и некои видеа кои ќе бидат склопени.

Првата временска листа е од саботните тренинзи, втората од неделните две трки:

Марк Вебер, поранешен возал на Ред Бул, се сомнева дека болидот на Макс Ферстапен е доволно добар за да ја добија борбата за титулата со Луис Хамилтон.

На последната трка, Големата награда на Турција, Ферстапен го освои второто место. Прв, со предност од 14,5 секунди, трката ја заврши Валтери Ботас од Мерцедес. Хамилтон беше петти, откако порази казната стартуваше од 11.позиција. Британецот, во квалификациите, надмоќно ја освои пол-позицијата.

„Валтери беше одличен. Но по оваа трка не сум сигурен дека Ферстепн има болид кој ќе му ја донесе титулата. Да се обложев дека Макс ќе го нападне Ботас во Турција ќе изгубев многу пари“, рекол Австралиецот.

Вебер смета дека Мерцедес имаат поголеми шанси во борбата за титулата.

„Впечатокот е дека тие сега имаат подобар болид. И патеките кои се возат до крајот на сезоната повеќе им одговараат. Ќе биде интересно, мислам дека мала предност има Хамилтон.

Наредната трка во првенството на Ф1 ќе се вози во Остин, Тексас.

Макс Верстапен ја искористи лошата тактика на Мерцедес во Турција, за да го преземе водството во генералниот пласман.

Луис Хамилтон падна на втората позиција, откако го освои петтото место во Истанбул. Тоа дополнително ја зголемува неизвесноста во битката за шампионската титула.

Холанѓанецот од редовите на Ред Бул вози одлична сезона. Моментално стои на 469 круга на кои бил лидер во било кој дел од трките оваа сезона. Тоа е повеќе од сите останати возачи во Формула 1 шампионатот, кои имаат вкупно 465 водечки круга.

Засега Верстапен има само шест бода во однос на Хамилтон. Нов судир меѓу нив двајца се очекува во Остин, САД на 24 октомври.

Peugeot Sport собра многу повеќе големи победи отколку бројот на години од своето основање во октомври 1981 година, поставувајќи рекорд што доволно зборува за конзистентниот квалитет и спортската стратегија на тимот.

Основан во октомври 1981 година и првично наречен Peugeot Talbot Sport, Peugeot Sport е успешен во мотоспортот низ целиот свет веќе четири децении. За тоа време, француската марка се етаблираше како водечка сила и во трките и во релито, со некои од најиконските спортски автомобили во рацете на исклучителни возачи.

Откако победи на првата автомобилска трка Париз-Бордо-Париз во 1895 година, брендот го користи мотоспортот за развој и усовршување на својата технологија. Денес, програмата за хиперавтомобили на Peugeot Sport на Светското првенство во издржливост (FIA WEC) со неодамна претставениот PEUGEOT 9X8 го означува почетокот на петтата деценија на брендот на светската сцена за да додаде уште едно славно поглавје во спортската авантура која долго време ја отелотворуваше нејзиниот стремеж за извонредност и заеднички емоции.

Создаден од Жан Тод и првично познат како Peugeot Talbot Sport, PEUGEOT Sport произведе многу иконски автомобили, вклучувајќи ги и незаборавните PEUGEOT 205 T16, 405 T16, 206 WRC, 306 Maxi и 905, проследено со PEUGEOT 908, 208 T16 Pikes Peak, 2008 DKR, 3008 DKR, 208 WRX, и сега од револуционерниот PEUGEOT 9X8, кој е подготвен да игра клучна улога во планот за електрификација на PEUGEOT и во исто време ја отелотворува тесната соработка помеѓу спортската дивизија и дизајнерскиот тим на марката.

Во текот на последните 40 години, луѓето во PEUGEOT Sport успешно се соочија со предизвикот на толку многу легендарни настани ширум светот и на национално ниво, а нивната страст и професионалност продолжуваат да го инспирираат сегашниот тим.