Трезористот Бобан С. (40), кој е осомничен за милионската кражба во НЛБ банка побарал да се спогоди со Обвинителството и со признание на вина да добие помала казна, но не и да каже каде се парите, дознава „Дневник“. Според извори во истрагата, во овој, но и во неодамна објавениот случај на криминал, во кој за перење пари се осомничени директори, поранешен министер и други лица, од банката исчезнале 17 милиони евра. Иако никој не потврдува, се претпоставува дека двата случаи се поврзани, пишува ДНЕВНИК.

Kако што дознава „Дневник“, бранителот на трезористот, адвокатот Љупчо Шврговски веќе контактирал со обвинителството во врска со предлогот на осомничениот.

Од Основното јавно обвинителството ниту ја потврдија ниту ја демантираа информацијата. „Дневник“ исто така пред десетина дена побара одговор од Обвинителството дали за кражбата на 3 милиони евра од трезорот на НЛБ е откриено каде се украдените пари, односно дали е побарана помош и информации од надлежните институции од други држави.

– Истрагата за кражбата продолжува. Основното јавно обвинителсвто ги презема потребните дејствија за расветлување на настанот. Јавноста ќе биде известена за деталите кога ќе се создадат услови во согласност текот на постапката – гласи одговорот на Обвинителството за двете прашања.

Ниту адвокатот Шврговски не одговараше на нашите телефонски повици и писмени пораки.

Kако што дознаваме, Бобан С., кој е во триесетдневен притвор во затворот во Шутка, се согласил да биде осуден, но не и да каже каде се украдените 2.400.000 швајцарски франци и 645.000 евра, а за која кражба дополнително беа осомничени неговиот брат Горан С.(44), неговиот пријател Борис М.(38) од Скопје како и Е.П.(24), вработена како банкарски комерцијалист во НЛБ. Нема информации дали и тие како и Бобан С. за кој се смета дека ја осмислил кражбата, побарале да се спогодат со обвинителството. Во притвор се Горан С. и Б.М., а осомничената службеничка и натаму е во куќен притвор.

Скандалите во НЛБ банка почнаа на почетокот на минатиот месец кога МВР обелодени дека трезорист извршил милионска кражба од главниот трезор на банката. Само што спласнаа овие информации по притворањето на групата, неколку недели подоцна обвинителството обелодени уште една поголема скандалозна финансиска малверзација во банката. Обвинителството отворило предмет за перење пари, во кое се замешани поранешен и актуелен директор на банката, поранешен министер, адвокати, нотар како и државјанин на Словенија. Притоа не е прецизирано за колкав износ е оштетена банката, како ни тоа дали овие два случаја се поврзани, односно дали двете групи делувале одделно.

– За да се утврди фактичката состојба и да се обезбедат докази, Обвинителството во соработка со МВР издаде наредби за анализи на финансиски трансакции и обезбедување на целокупниот доказен материјал од имотна, финасиска и управна природа – кусо соопштија од обвинителството.

Тоа што е познато за овој случај е дека за обвинителството постојат сознанија оти во периодот од 2006 до 2017 година осомничените основале фирми, подигале кредити кои биле заверувани кај една позната скопска нотарка, а потоа со помош на неколкумина адвокати, кои биле советници на директорот и министерот, парите биле префрлани во Словенија и во неколку австриски фирми. Откако парите ќе легнеле на странските сметки, дел од нив повторно бил враќан во државава и се купувале недвижни имоти на подрачјето на Битола.

За разлика од оскудните информации за дејствување на оваа група, полицијата за првата кражба излезе со детали од истрагата. Трезористот во три наврати од 4 до 10 април од трезорот на различни начини зел 3 милиони евра, по што на 11 април, Борис М. со автомобил „голф“ ги пренел парите во Србија, но не е познато дали таму останал или продолжил кон некоја друга држава. Тој бил уапсен седум дена подоцна на граничниот премин Табановце кога се вратил во земјава.

Од НЛБ демантираат дека се украдени 17 милиони евра

Од НЛБ банка вчера ги демантираа информациите дека банката во двата случаја е оштетена за 17 милиони евра.

– Апсолутно е неточна информацијата. Што и да се случува со нашата институција, целосно, транспарентно и професионално ќе ја информираме јавноста како и досега – рекоа од НЛБ.

Дел од адвокатската фела со кој вчера контактиравме вели дека е очекувано барањето на Бобан С. бидејќи тоа е негово законско право со кое му се овозможува со обвинителството да се спогоди за пониска казна од предвидената, ако спогодбата ја прифати Kривичниот суд, пред кој се води овој случај.

Според Обвинителството, Бобан С. се товари за кривично дело затајување по член 239, како и за продолжено кривично дело по член 45 од Kривичниот законик за кои се предвидени повеќегодишни казни затвор.

– Тој што противправно за себе или за друг ќе присвои туѓ подвижен предмет што му е доверен, ќе се казни со парична казна или со затвор до три години. Ако делото го стори старател или лице на кое од правното лице предметите му се доверени во врска со неговата работа, ќе се казни со затвор од три месеци до пет години – предвидуваат ставовите 1 и 3 од членот 239.

Според член 45, на сторителот кој со умисла ќе изврши две или повеќе временски поврзани дејствија што претставуваат повеќекратно остварување на исто дело, искористувајќи ист траен однос, исти услови или други слични околности, судот ќе му изрече единствена казна во границите на казната пропишана за тоа дело.

Скопјанка повеќе од една година трпела уцени и била принудувана на интимни односи мислејќи дека ќе добие работа. Пред четири дена решила да стави крај на сексуалното изживување и малтретирање и случајот го пријавила во МВР. Скопската полиција поднела кривична пријава за уцена против 32 годишен жител на Скопје.

Се почнало во март 2016 година, кога скопјанката се запознала со пријавениот кој и понудил работа во приватна клиника. И ветил и дополнителна заработувачка како домаќинка кај службеник во амбасада. По неколку дена од средбата и кажал на фејсбук да прифати пријателство од човек кој треба да и помогне околу работниот ангажман. Таа почнала да се допишува со новиот пријател од социјалната мрежа кој прво и побарал компромитирачки фотографии. Откако ги добил почнал да ја уценува. Морала да има и сексулани односи со него а тој цело време снимал со мобилен телефон.

Во мај годинава и побарал 500 евра заканувајќи и се дека фотографиите и видеата ќе ги објави на интернет. Скопјанката му дала 300 евра, но тој не се откажувал. Не можејќи да го издржи притисокот, крајното решение и било да го пријави случајот во полиција. 

Извор - Сител

Психологијата на боите е еден суптилен, но ефикасен начин да се подобри продуктивноста на вработените во компанијата. Понекогаш еден допир на бои кои не одговараат преку мебел или додатоци во просторот може да влијаат на вашето однесување, па дури и на нивото на стрес.

Тактичката застапеност на бои го менува не само расположението туку и навистина многу ја зголемува продуктивноста.

Инфузијата на бојата и дизајнот не е само надворешна убавина и изглед на просторот, туку исто така е и начин за подобрување на емоциите на работното место.

Еве некои бои кои навистина помагаат за подобра атмосфера на вашето работно место:

Жолта - го поттикнува размислувањето

Соработката на работното место е за да се создаде место кое ќе поттикне тимска работа.
Жолта и портокалова боја се поврзани со креативното размислување и енергија, па додавањето на овие бои во работниот простор, може да се создаде нови искри на инспирација.

Жолтата боја во просторот треба да биде умерена, со цел да се балансира енергичниот микс на просторот. Исто така често се користи и инфузија на жолта со други цитрусови тонови кои го активираат размислувањето на работното место. Меѓутоа, архитектите и дизајнерите сепак сметаат дека не е пожелно овие тонови да се главни бои на ѕидот.

Зелена и сина боја за да се интензивира фокусот во работењето

Палетата на мајката природа често се смета дека има нијанси кои прават мир и смиреност. Универзално, сината се користи како главна боја за ѕидови, како и за детали на бироата, пред се поради својата неутралност.

Секој професионалец дали се работи за сметководител, режисер или доктор се соочува со проблемот на приватност на работното место.

Со оглед на тоа дека скоро сите професии бараат фокусираност и мирна средина побарувачката за овие бои е висока. Нијансите на сина и зелена исто така многу се користат за веб интерфејс, собите за пауза и за големи канцелариски простори.Според експерите сината и зелената боја кои симболизираат живот - вода и зеленило  се ефикасна терапија за концентрација.

Кафена - земјени тонови кои креираат стабилност и одлучност

Кафената, симболизира стабилност која е суштината на секоја професионална работа. Дури и во повеќето добро дизајнирани канцеларии може да се случи вработените да се чувствуваат оковани во негативни емоции. Кафената боја создава доверба помешана со цврстина и сигурност.

Бојата која потсетува на чоколадо има трендовски изглед и одговара на природната светлина речиси во секој простор. Поставувањето на шарени вазни или додатоци со необична фигура на кафеавата површината создава атмосфера на вклучување, а со тоа и директно делува врз зголемување на довербата и сигурноста.

Бела - чувство на смиреност и префинетост

Белата е позната боја која им помага на луѓето да останат во мирна состојба. Често се користи во адвокатски канцеларии, тонот на бојата, помага да се смирите во стресна или аргументативна состојба на умот. Кога дискусиите ќе се загреат, многу конференциски соби се уредени токму во бела боја.

Многу компании ја користат оваа боја за својот работен простор меѓутоа експертите велат дека треба да се внимава, работниот простор да не прерасне во монотонија.  Токму затоа белата многу често се комбинира со други бои и речиси никогаш не е самостојна во завршниот дизајн.

Еден од наједноставните начини да се подобри продуктивноста на вработените е преку стратешкото користење на боите. Иако боите се насекаде, паметната употреба на боите на работното место може да биде од големо значење во текот на вашиот работен ден.

Сепак, на крајот на денот е важно во каква состојба ќе се вратиме во нашите домови каде не очекуваат нашите најсакани.

Ако размислувате за лесна сезонска работа преку лето на која можете постојано да заработувате, ова дефинитивно е работа за вас. 

Се што треба е да лежите во ладно и да берете јагоди, додека вас тракторот полека ве влече. 

Дневницата за оваа работа е околу 2000 динари.  Се бараат работници повеќе од порано. Како негативна работа од сезонската работа на нива се спомнува тоа што работниците по цел ден се на сонце.