Само 14 отсто од Европејците сакаат да се вратат во канцеларија по пандемијата од 9 до 17 часот, а повеќе од половина од анкетираните велат дека се попродуктивни додека работат од дома, покажуваaт најнови истражувања.

Според нив „хибридната работа“, мешавина од работа од дома и канцеларија има и свои недостатоци, а повеќе од една четвртина од испитаниците веруваат дека работат постојано или работат до доцна во ноќта.

Со прашалникот биле опфатени 14.000 луѓе ширум Европа.

Според Евростат, во 2020 година, околу 12 отсто од вработените во Европската Унија работеле од дома, во споредба со 5 отсто од нив пред пандемијата.

Работодавците сега мора внимателно да размислат како ќе одговорат на предизвиците на модерниот хибриден живот“, вели потпретседателот на „Самсунг, Бенџамин Браун.

Две третини од Европејците изјавиле дека направиле или планираат да направат адаптации во домот за да го олеснат хибридниот живот и дека на пример, уредиле домашни канцеларии, додека 41 процент одлучиле да се преселат.

Исто така, 51 процент од испитаниците се изјасниле дека технологијата, односно алармите и разните апликации им олеснуваат да поставуваат граници меѓу работата и приватниот живот.

Технологијата веројатно ќе го следи нашето ментално здравје и среќа, како и физичкото здравје, а паметните уреди ќе станат наши асистенти, рече Меик Викинг, извршен директор на данскиот институт за истражување на среќата.

А1 Македонија е организатор на најголемиот е-спортски настан во Македонија во соработка со GG.MK, закажан за во петок и сабота, 10-ти и 11-ти декември, во новоотворениот трговски центар East Gate Mall.

Пријавените играчи ќе се натпреваруваат во повеќе видео игри: Counter Strike: Global Offensive како FPS, Dota 2 за МОВА, Fifa 2022 како спортска игра, Tekken 7 како игра со боречки вештини и добро познатиот Cosplay натпревар. Пријавите за учество се затворени, има вкупно 282 екипи за трите тимски игри и 64 Tekken 7 играчи.

Организаторите најавуваат голем број награди со вкупен број од 150 за победниците, како и награди (giveaway) за гледачите на стримот и присутните. Дел од наградите се: телевизор, мобилни телефони,е -скутер,таблет, гејмерски мауси и слушалки, Nintendo Switch, тастатури и А1 Game Fest маици.

Како специјални гости се најавени јутуберите, GP и Steffonator, кои ќе имаат свои стримови во живо од East Gate Mall.

Распоредот за настанот по денови изгледа вака:

ПЕТОК 10-ти декември 2021

• 13:00 – 15:00 – FIFA22 
• 14:00 – 17:00 – GP
• 16:30 – 19:30 – Steffonator
• 15:30 – 20:00 – Dota2

САБОТА, 11-ти декември 2021

• 11:00 – 19:00 – TEKKEN 7 
• 11:00 – 16:30 – CS:GO 
• 14:00 – 17:00 – GP
• 16:30 – 19:30 – Steffonator
• 17:00 – 19:00 – Cosplay
• 19:00 – TEKKEN 7 – финале

Цената на електричната енергија за домаќинствата и за малите потрошувачи ќе се зголеми до 10 отсто. Новата цена ќе се знае на 9 декември, изјави министерот за економија Крешник Бектеши за Алсат.

Да бидам искрен, на затворена владина седница веќе е усвоена одлука со која ЕСМ ќе учествува на јавен тендер објавен од универзалниот снабдувач, во овој случај, ЕВН Хоме. Јас само можам да потврдам дека крајната цена според сите проекции што сме ги правеле ние како енергетски тим во рамки на Владата, нема да биде над 10% за домаќинствата и граѓаните, вели Бектеши.

Неизвесно е и дали по Нова година граѓаните преку ден ќе имаат евтина тарифа на електричната енергија, објавува Алсат.

Според надлежните 100 отсто од потребната струја на Универзалниот снабдувач за домаќинствата ќе биде обезбедена од ЕСМ.

Поминаа две години откако глобалната пандемија го раскина традиционалниот модел на работа, а многумина од нас сè уште се навикнуваат на него. Еве пет работи што треба да ги исправиме со флексибилно и хибридно работење во 2022 година.

1. Препознајте како изгледа „доброто“.

Една лекција што работодавачите ја научија на почетокот на пандемијата е дека добрата работа може да се испорача без разлика од каде се најавуваат вработените и дека часовите поминати на интернет не се нужно показател за продуктивност.

2. Дефинирање „флексибилно“ наспроти „хибридно“ – и тоа јасно да се разликува

Хибридното, флексибилното и работењето на далечина се тесно испреплетени, но тие не се заменливи поими. Хибридното работење се однесува на идејата за поделба на времето помеѓу работа во канцеларија и работа од дома или друга оддалечена локација, додека флексибилното работење има тенденција да вклучува модели на работа кои нудат поголема слобода околу тоа како и кога работат вработените. Ова може да вклучува флексибилни времиња на почеток и крај, поделени смени и нетрадиционални работни недели.

3. Верувајте им на вашите работници кои работат од дома

Потешката страна на преминот кон работа од дома се поинвазивните методи што ги користат работодавците за да следат што прават нивните вработени додека работат од далечина. Повеќе организации од кога било користат софтверски алатки дизајнирани да ја следат активноста или продуктивноста на работниците во нивните домови, вклучувајќи ја и морничавата технологија која ги следи вработените преку камерите на нивните компјутери. 

4. Големата дебата за плата

Дали ги плаќате вработените врз основа на тоа колку мислите дека вредат или каде решиле да живеат? Ова се покажа уште една поделена тема во сложениот разговор за работа на далечина и со која многу организации ќе се соочат додека ги подготвуваат своите политики за работното место по пандемијата.

5. Нерамнотежа помеѓу работата и животот

Иако има многу придобивки од можноста да се работи од дома, пандемијата ги покажа и негативните последици од работењето на истото место каде што јадеме, спиеме и се релаксираме. Вработените чувствуваат уште поголем притисок да бидат достапни во секое време, бидејќи барањата за работа се зголемија и ограничувањата ги спречија да одат на друго место.