Прогнозите на Светската банка покажуваат дека глобалната економија ќе постигне реална стапка на раст од 2,8% меѓу 2017 и 2019 година. 

Растот во Кина благо забавува, но Светската банка сепак проценува дека економијата ќе расте за 6,5% оваа година и за 6,3% во 2018 и 2019 година.  Околу 35,2% од растот на глобалниот бруто домашен производ (БДП) ќе дојде од Кина во текот на овој период, што ќе го зголеми економското производство на земјата за 2,3 трилиони долари.

Индонезија е една од земјите кои ќе го стимулираат најмногу светскиот економски раст.

Всушност четвртата по големина на населението земја во светот ќе придонесе со 2,5% во растот на глобалниот БДП во наведениот период, додавајќи уште 160 милијарди долари кон својот БДП од 941 милијарди долари. Светската банка прогнозира економски раст на земјата од 5,3% оваа година и 5,5% во следните две години.

Се очекува САД  да придонесе значително кон глобалниот раст, но Светската банка има сериозно предупредување за изгледите во следните години.

Институцијата вели дека намалувањето на даноците, предложено од администрацијата на Трамп, теоретски ќе го зајакне американскиот и глобалниот раст, ако се примени. Предвид хаосот во сегашната политичка средина во САД сепак намалувањето на даноците засега се одложува, а некои аналитичари се повеќе сметаат дека тоа воопшто нема да се случи.

И покрај сѐ, земјата е на второ место по придонес кон глобалниот раст, откако се очекува од 2017 и 2019 година на САД да се паѓа 17,9% од него.

Другите земји кои ќе дадат свој придонес за светскиот економски раст се Јужна Кореја (2,0%), Австралија (1,8%), Канада (1,7%), Велика Британија (1,6%), Јапонија (1,5%), Бразил (1,2% ), Турција (1,2%), Мексико (1,2%), Русија (1,0%) и Иран (1,0%).

Фризер од БиХ се одлучил да живее во помал град по цена да заработува помалку, но да има повеќе слободно време за семејството, и да живее мирен живот. 

Ахмет Устиќ  веќе седум години работи во Сребреница, и вели дека има муштерии од сите националности и сите се задоволни. 

Живеел претходно во Тузла и Сараево, но се вратил во родниот град. 

Вели дека е задоволен затоа што има доволно слободно време, живее мирен живот, иако заработува помалку од претходно. 

Луѓето во другите градови повеќе заработуваат, но малку им остануваат пари за да уживаат. Направив компромис и се вратив во Сребреница. Малку заработувам, но повеќе пари остануваат за уживање. Денес времето е најскапа валута, а овде имам повеќе време за семејството - вели фризерот. 

Устиќ објаснува дека има слободно време кое го исполнува со креативни работи и не се жали дека во Сребреница е здодевно. 

Црвениот пасош од Малтешкиот витески ред е еден од најретките на светот. 

Малтешкиот витески ред е највисокиот во католичката црква. 

Можат да го имаат три лица, голем мајстор, заменик на големиот мајстор, и канцелар на овој ред. 

Бидејќи е толку ексклузивен, некои земји како Нов Зеланд, САД и Велика Британија овој пасош не го признаваат. 

Иако овој пасош е редок, тој не е најмоќен, а најмоќен е оној на Шведска, покажаа истражувањата. 

Среќните работници, се продуктивни работници. Но, како да се мотивира група на вработени да работат напорно и со тоа да помогнат на бизнисот? Всушност, за мотивација не треба многу, меѓутоа треба да се насочите кон вистинските начини.

Дури и да ги имате најдобрите вработени, тоа не е гаранција дека вашата компанија ќе работи одлично.
Ви препорачуваме неколку начини како да ги заинтересирате вашите вработени дополнително и да ги направите мотивирани и полни со желба да работат за Вас:

1. Комуницирајте со вработените

Често разговорите се занемаруваат. Многу претпоставени често ќе ги повикаат вработените на состанок и држат монолог без да им остават можност на вработените да се искажат на дадаената тема за разговор.

Неколку истакнати бизнисмени истакнуваат дека практикуваат разговори еден на еден. Со ова ја зајакнувате вербата во вработените и се зближувате на посебен начин.

2. Бидете пример
Не можете да очекувате вашите вработени да работат напорно или да се однесува на начинот на кој што сакате, ако Вие не бидете пример. Ако покажете возбуда во врска со целите кои сакате да ги постигнете тоа ќе се пренесе и на вработените и тие ќе размислуваат кон целите со ентузијазам.

Докажано е дека доброто расположение е заразно и тоа е навистина добро да се шири во компанијата. Секогаш бидете со насмевка и  никогаш не доцнете на работното место. Запомнете дека како ќе се однесуватге Вие, многу веројатно е така да се однесуваат и вашите вработени.

3. Дајте им право на глас и искажување

Прашајте ги како тие ќе придонесат за компанијата и побарајте идеја за тимот да функционира подобро. Повеќето вработени имаат идеи за тоа како тие можат да бидат поефикасни, но тие не можат да ги споделат со вас, освен ако конкретно не ги прашате.

Ако навистина сакате да ги поттикнете и мотивирате своите вработени, ќе треба да им дадете овластување и да ги направите одговорни за нивните сопствени одлуки. Така ќе направите тие да се чувствуваат слободно и да им дадете чувство на сигурност и мотивираност

4. Понудете им можности за унапредување
Вашите вработени се повеќе мотивирани кога знаат дека се стремат кон нешто поголемо. Ако мислат дека не постои можност за напредување, тие немаат зошто да се залагаат на работно место и ќе работат површно и без ентузијазам.

Мотивирајте ги своите вработени, нудејќи им обука која ќе ги научи на нови вештини со ова не само што ќе ги мотивирате туку и ќе ја зајакнете сликата за компанијата како одлично место за работа.

На крајот, размислете како се чувствувате кога компанијата оди во нагорна линија и дајте им можност за среќа и личен развој и на вработените - Зарем има поголем успех од тимскиот?