Промовирани огласи »

Можете да научите да го совладате времето или времето да ве совлада вас. Изборот е ваш. Времето не запира. Тоа едноставно продолжува без разлика колку се обидувате да го забавите или запрете неговото непрестајно напредување. Затоа, наместо да се обидувате да го освоите времето, треба да научите како да го направите да работи за вас, наместо против вас. Управувањето со времето е вештина да го направите времето ваша алатка. Со учење како да го оптимизирате сопственото време, можете да станете попродуктивни и поуспешни.

Еве, тогаш, пет едноставни начини преку кои можете да станете мајстор за управување со времето:

1. Проценка на времето 

Ако не користите планер (или тетратка каде што можете да евидентирате активности), набавете го. Започнете да следите што планиравте да направите, во споредба со она што сте го правеле во тоа време - состаноци, учење, релаксација, дружење, што и да е. Важно е да бидете искрени со себе за да видите каде се вашите замки. 

2. Поставете приоритети

Направете табела 2X2. На врвот, напишете „Важно“ над првата колона и „Не е важно“ над втората колона. На страната од горниот ред, напишете „Итно“ и „Не итно“ за вториот ред. Потоа категоризирајте ги вашите задачи според тоа колку се итни или важни. Најважниот квадрант ги вклучува задачите кои се и важни и итни. Сакате да се фокусирате на тоа прво да ги завршите овие работи и да го задржите овој квадрант што е можно попразен.

3. Сопствен мониторинг

Ако сте ги следеле овие чекори, ќе имате прилично силен систем за управување со времето поставен за себе до овој момент. RescueTime има ограничена бесплатна верзија која ви овозможува да ја следите вашата активност на веб-локации и апликации за да ви даде искрен поглед на вашите навики. Платената верзија може да го блокира вашиот пристап до веб-локациите што го одвлекуваат вниманието. Совет: Кога го оценувате вашето користење на времето, запомнете дека вашата крајнa цел е продуктивно користење на времето.

4. Научете да кажете дипломатско “не”

Ако вашиот одговор е “да” скоро на се, не е чудо што времето ви бега од контрола. Наместо слаби изговори, научете да кажете дипломатско “не”. Празното “не” можеби делува грубо, но не треба да се оправдувате. Трикот е во тоа да бидете неутрални за да го ублажите ударот. На пример, доколку сте повикани да одите некаде каде што не сакате, бидете дипломат и речете “Добра идеја за некој следен пат”. 

5. Планирање

Оваа компонента на управувањето со времето е клучна. Доброто планирање ќе ве одржува организирани, подготвени и под контрола. Одвојте неколку часови, спиење, вежбање и неколку паузи за да се опуштите и да се видите со пријателите и семејството.

Промовирани огласи »

Од утре, петок (1.04.2022 год), Жичарницата на Средно Водно ќе работи еден час повеќе, односно од 10 до 18 часот. Согласно одлуката за возен ред за месец април, од 17 до 17.30 часот е последно возење од долу кон врвот, односно во 17.45 часот е последно возење од врвот надолу.

Секој понеделник и секој последен вторник во месецот, за Жичарницата се неработни денови.

После речиси двегодишна пауза поради мерките за заштита и превенција од болеста,  Жичарницата повторно се пушти во употреба на 30.12.2021 година. Oд тогаш до денеска, продадени се вкупно 48.544 билети, а најголема посетеност е регистрирана во јануари, односно продадени се 23.598 билети.

Притоа, треба да се има предвид дека посетеноста е поголема од бројот на продадени билети со оглед на тоа дека превозот за деца до 6 години е бесплатен. Согласно ковид протоколите, во кабина е дозволен превоз до четири лица и задолжително е носење на заштитна маска.

Повратен билет чини 100 денари, а на Жичарницата е дозволен и превоз на домашни миленичиња (куче, маче) за што на услуга се отстапуваат транспортери.Ден пред Нова година повторно во функција се пуштија и трите автобуски линии до Средно Водно (25, 25А и 25Б), кои за време на викенди и државни празници се бесплатни за сите граѓани.

Промовирани огласи »

Васко Ковачевски, генералниот директор на АД ЕСМ, во емисијата „Утрински брифинг“ рече дека на компанијата до крајот на годината ќе и бидат потребни уште 100 милиони евра за да ја покрие разликата помеѓу производствената и продажната цена за електрична енергија за домаќинствата и малите потрошувачи.

Од минатата година од ноември па до сега се потрошени околу 165 милиони евра. Ќе треба до крајот на оваа година уште 100 милиони евра. Овие пари ќе се обезбедат дел од програмите со намалување на трошоците и дел од ребалансот на буџетот, изјави Ковачевски.

Првиот човек на државните електрани најави и задолжување кај Европската банка за обнова и развој со кредит од 50 до 100 милиони евра.

ЕБОР дава можност за кредитно задолжување со камата под 1 процент, исплата на 6 години со грејс период од 6 месеци. Станува збор за сума од 50 и 100 милиони евра за покривање на разликата од производната и продажната цена, најави Ковачевски.

Тој најави дека со новите проекти ќе се обезбеди производство на електрична енергија од 1760 мегавати, додека бројот на вработени во АД ЕСМ ќе се намалува по придроден одлив со одење во пензија.

Сите капацитети на АД ЕСМ се подготвуваме да бидат во функција. ТЕЦ Неготино ќе биде подготвено за работа и за наредната година. Оваа година имаме план за 20 отсто зголемување на производството, 100 процентно ќе биде снабдувањето кон ЕВН Хоме, повторно ќе ги покриваме техничките загуби на МЕПСО и Електродистрибуција, а има и планови како да му помогнеме на стопанството, додаде генералниот директор на Електрани.

Промовирани огласи »

Основните градежни материјали бележат значителен раст на цените, а она што загрижува е што неизвесен е крајот на поскапувањата, вели Андреја Серафимовски, претседател на Здружението на градежништвото индустријата на градежни материјали и неметалите при Стопанската комора. Вели дека анализата на Здружението покажува дека на пример, во периодот март 2020 до март лани цената на челичните профили и цевки порасна за 33 отсто; од март 2021 до јуни таа година за дополнителни 33 отсто, а до крајот на годината и до 95 проценти. Од почетокот на пандемијата до крајот на 2021 година поскапувањата кај оплатата, геокомпозитот, термоизолацијата ESP, заштитните премази, полимер-битуменот за асфалт и металните профили надминале 50 проценти, а со особено изразен интензитет продолжиле и од почетокот на оваа година.

Серафимовски тврди дека проблемот со поскапувањата ги засега сите сегменти на градежништвото и високоградбата и нискоградбата, а исто така и приватните вложувања и јавните инвестиции. Проблемот иако се манифестирал во сите сфери, најмногу се чувствува во доменот на јавните набавки.

Прво, кај тековните јавни набавки има проекти кои се реализираат три, пет и повеќе години, при што кај набавките со фиксни цени, компаниите работат во услови на непроменети цени договорени пред неколку години и неможност на корекција на истите, додека кај набавките каде има пропишано клизна скала истата не функционира, односно не ги одразува зголемувањата на цените во реалноста.

Второ, кај јавните набавки кои се пропишани и евалуирани, но не се започнати, проблемот е што цените кои се пропишани и евалуирани и пред месец дена повеќе не се исти со оглед дека од ден на ден се зголемуваат што доведува до тоа компаниите да ги откажуваат понудите, а сето тоа предизвикува имплликации од правен и економски карактер врз нив кои тешко може да ги поднесат имајќи ги предвид актуелните состојби.

Трето, голем проблем се и новите јавни набавки со оглед дека условите по кои се пропишуваат се оние услови кои ги имавме една, две, пет и десет години, т.е. во услови кога нормално се живееше и работеше и не соодветствуваат со денешните состојби. Поради тоа, се доведува во прашање исплатливоста на реализацијата и се создава неизвесност во градежништвото што може да доведе и до пропаѓање на голем број тендерски постапки, вели Серафимовски.

Тој ги пренесува предлозите на Здружението.

Бараат итна и недоложна средба со владини претставници на највисоко ниво со цел да ги презентираат последните предлози за надминување на посочените проблеми

Информираме дека предлозите кои се однесуваат на методологијата за пресметка на разлики во цени во договорите за градење, ги доставуваме и во пишана форма до претседателот на Владата и заменикот на претседателот на Владата за економски прашања, координација на економските ресори и инвестиции, како и до ресорниот министер, при што очекуваме дека овој пат ќе имаат слух и ќе ги разгледаат барањата на секторот кој е еден од двигателите на македонската економија. Уште еднаш апелираме и нагласуваме дека со усвојувањето на мерки за поддршка за градежните компании, бенефит покрај стопанството ќе има и државата и граѓаните, преку повлекување на ангажманот на уште дваесетина други стопански гранки кои директно и индиректно се поврзани со градежништвото, зголемување на економската активност, како и задржување на работните места коиво градежништвото изнесуваат околу 7 отсто од вкупно вработените лица на ниво на државата, вели Серафимовски.

Повеќе вести...
барај огласи за вработување » барај останати огласи »