16.06.2017, (Скопје) Мала Италија патува е одраз на успехот кој го постигна Мала Италија со претходните концерти, и успешната соработка и кохезија помеѓу гласовите на Павле Камилоски и Христо Арсовски. Оваа година, за разлика од претходно, настанот ќе биде под отворено небо на плоштад Мајка Тереза на 20ти Јуни во 20.00 часот и се вика Мала Италија патува затоа што ќе се претстават шпанската, италијанската и француската култура преку најпознатите канцони, шансони и шпански песни.

Павле Камилоски го организира настанот Мала Италија патува со цел да ја сподели својата љубов кон музиката со публиката и да одаде почит кон Медитеранската култура, музика и сознанието за истата. Се очекува за време на настанот да се создаде совршена синергија на шпанската, италијанската и француската култура која ќе резултира со совршено културно исполнување. Според Павле музиката отсекогаш била дел од него и секогаш стоела на прагот подготвена да го запознае светот со исклучителните емоции кои ги носи со себе. Настанот Мала Италија патува има одредена доза на специфичност затоа што музиката ќе биде споделена од чувствата на индивидуалци а со себе ќе ја носи енергијата на цели култури.

Атмосферата ќе ја исполнат прекрасните гласови и способности на Павле Камилоски како баритон, Христо Арсовски како драмски тенор, Горан Начевски како баритон, заедно со Бисера Чадловска како диригент и камерен оркестар. Овој спој на изведувачи и музичари во синергија на три различни култури и видови на музика се очекува да ги поттикне сите присутни и да не остави никој рамнодушен.

Последниве две години граѓаните на Ресен и Преспа кои поседуваат овоштарници со јаболка, мака мачат да најдат добри работници за берба на јаболка.

Интересот е слаб, и затоа се мобилизираат преку познаници, пријатели, преку работници кои веќе ги ангажирале да најдат доволно луѓе за работа. Ова го потврдува и Фросина Ѓоргиевска која во преспанско на повеќе локации има 3 хектари со јаболка.

Потребни се млади луѓе, но може и сите оние кои се на возраст од 35 до 55, па и 60 години ако се работоспособни, затоа што освен што јаболката се берат, потребно е и да се товараат. Не е важно дали се мажи или жени, важно е да работат. Интересот е слаб, работници доволно нема, а оние кои се од Преспа имаат свои овоштарници и самите мора да работат. Порано доаѓаа работници од Мала Преспа од Албанија, но сега ги нема – објаснува таа.

Додава дека бербата е во септември,  а недела дена пред да почнат со бербата се ангажираат за пронаоѓање на работници. Оваа година Ѓоргиевска очекува дека до 10 јули ќе знаат каков ќе биде родот, а со тоа ќе имаат в предвид колку работници ќе им бидат потребни.

Лани родот беше слаб поради лошите временски услови, а и оваа година може да се случи истото. Има производители кои бараат по 10 или 12 работници.  Ние ќе видиме колкав род ќе има , дали ќе ни бидат потребни работници, или сами ќе можеме да ја завршиме работата. Бербата може да трае од 15 па се до 60 дена, зависно од родот. Дневниците се 1000 денари, со ручек, а доколку се обезбеди и сместување за работникот тогаш цената се намалува и се движи од 600 до 800 денари – вели таа.

Ова е шанса за работа за сите граѓани кои сакаат да се вклучат во бербата на јаболка и солидно да заработат. 

Извор - Фактор.мк

Проектот е финансиран од Европската унија со два милиони евра од ИПА фондот во рамки на Оперативната програма за развој на човечките ресурси 2007-2016.

Завршна конференција за проектот „Поддршка за вработување на младите, долгорочно невработените и жените“ ќе се одржи денеска на Скопскиот саем.

Проектот е финансиран од Европската унија со два милиони евра од ИПА фондот во рамки на Оперативната програма за развој на човечките ресурси 2007-2016.

Целта на проектот беше да се интегрираат младите, долгорочно невработените и жените на пазарот на труд, односно да се зголеми нивната вработливост преку подобрување на знаењето и вештините.

Се проценува дека 4.500 невработени луѓе имале придобивки од проектните активности, меѓу кои стажирање, обуки за вештини потребни на пазарот на трудот,…

Во ТИРЗ Струмица денеска беше официјално пуштена во употреба фабриката за производство на навлаки за автомобилски седишта „Адиент“. Инвестицијата е 20 милиони американски долари и ќе вработи над 1.300 лица.

На отворањето на овој прв објект во зоната присуствуваа премиерот Зоран Заев, американскиот амбасадор Џес Бејли, директорот на Дирекцијата за ТИРЗ Виктор Мизо и Владимир Тефлик, потпретседател на операции на „Адиент“.

Претседателот на Владата Зоран Заев истакна дека како Влада посветена на евроатлантските интеграции ги отвора можностите и за бизнисот.

Отворањето на „Адиент“ почна пред доаѓањето на новата Влада. И тогаш како градоначалник на Општина Струмица дадов силна поддршка, а и денеска го поздравувам отворањето на фабриката кое носи и нови работни места. Сакам да испратиме порака и дека ќе одиме чекор понатаму „Адиент“ да остане тука и да продолжи да се развива, рече Заев.

Додаде дека како реформска Влада ќе овозможат еднакви услови за развој на бизнисот.

Преку реформскиот процес зад кој цврсто застаневме како Влада, ќе ги отвориме евроатланстките интеграции, насочени сме кон доследна примена на законските и правните регулативи со еднакви шанси за сите и политики на нула корупција. Тоа ќе има двоен ефект, исполнувањето на условите за ЕУ и НАТО ќе ја постави Македонија меѓу стабилните држави и ќе биде охрабрување на странските компании да вложуваат. Но, ќе биде охрабрување и за домашните фирми, затоа што најавивме дека Владата ќе насочи голема државна помош и кон домашните фирми. Тоа ќе стимулира квалитет, конструктувна конкуренција, подобра грижа за вработените и повисоки плати, рече Заев.

Претседателот нa Владата, посочи дека ќе создаваат општество отворено за сите.

Нашите залагања се како држава да обезбедиме вистински развој на бизнис секторот, зошто тој е посакуваниот развој. Ако добро работат компаниите и фирмите, ќе има повисоки плати, нови работни места, економска стабилност. Македонија има природни потенцијали, вредни работници и потребна е политичка добра волја да се работи за сите граѓани на Македонија. Ќе се грижиме за секој работник, фирма и нема да има привилегии. Во услови на правна и праведна држава, новата Влада ќе го реализира ветеното-општество за отворени можности, на граѓаните за својата егзистенција, на фирмите за развојот, на перспективите на Македонија за секој кој живее и работи тука, рече Заев.

Американскиот амбасадор Џес Бејли, рече дека отворањето на погонот е инвестиција за иднината.

Првата инвестиција во Македонија на тогаш „Џонсон Контрол“ ја донесе претходна Влада, а отворена од друга Влада. Ова не го споменувам како некаков историски факт, туку како показател дека успехот на Македонија бара сите да работат заедно. Инвестицијата е за иднината, претставува израз на доверба на земјата во нејзиниот развој и успех. Отворањето на овој погон покажува дека Македонија и луѓето заеднички соработуваат и работат на привлекување нови инвестиции, но и поддршка на локалните бизниси, рече Бејли.

Раскажувајќи ја приказната за успехот на компанијата, Бејли посочи дека тоа покажува дека треба да се оди напред, да креираме нова иднина за луѓето, да креираме нови работни места за вашите талентирани луѓе и да покажеме дека Македонија е посветена да продолжи да чекори на патот кон ЕУ со се што тоа вклучува, а САД се верен пријател и сопатник во тој процес за попросперитетна иднина.

Со денешното отворање на фабриката на „Адиент“ заживува технолошко-индустриската развојна зона Свидовица во Струмица која располага на 25 хектари.

Компаниите кои работат во зоните бележат раст. Така до крајот на минатата година имавме 7.100 вработени, до сега 9 илјади, а очекуваме до крајот на 2017 да има над 10 илјади вработени. Во мај имавме рекорден извоз од зоните од 190 милиони евра. Ако продолжи овој тренд на зголемување од 15 проценти, до крајот на годината очекуваме извозот од зоните да учествува со 2 милијарди евра во вкупниот извоз на Република Македонија, рече Мизо.

Според Мизо, компанијата „Адиент“ во Струмица освен сегашните скоро 13 илајди квадрратни метри имала закупено 38.500 квадратни метри.

-Зоната во Струмица сега се приклучува кон функционалните технолошко-индустриски развојни зони, двете во Скопје, во Штип, во Тетово, Прилеп, Кичево и Струга. Освен овие 13 илјади квадратни метри, „Адиент“ има закупено 38.500 квадратни метри и постои можност за проширување на компанијата. Во неа веќе се вработени 820 лица, а до крајот на годината уште најмалку 400, рече Мизо, додавајќи дека градежните работи за надворешната и внатрешната инфраструктура на зоната со изведувачот „Жикол“ ќе бидат завршени во септември 2017.

Мизо изрази благодарност до Министерството за транспорт и врски, Министерството за животна средина, Катастарот на РМ, Царинската управа, Министерството за внатрешни работи, на тимот на Дирекцијата на ТИРЗ и на членовите на претходната Влада кои, како што рече, макотрпно работеле на проектот.

Овие активности со компанијата „Адиент“ која беше „Џонсон контрол“, за оваа дивизија, траат шест години, тука беше вклучена и претходната Влада, да им изразам благодарност на Никола Груевски, на Зоран Ставрески, Владимир Пешевски. Сигурен сум дека од страна на новата Влада ќе се најде поддршка не само за привлекување нови инвестиции, туку и создавање услови тие да бидат задоволни и да го прошируваат бизнисот, посочи Мизо.

Потпретседателот на операции Теплик, посочи дека станува збор за најголемата и најмодерна фабрика во регионот која се простира на површина од 12.500 квадратни метри, која е опремена со врвна технологија за навлаки за автомобилски седишта, првично наменети за европскиот пазар. „Гринфилд“ инвестицијата изнесува над 20 милиони американски долари, а ќе вработат повеќе од 1.300 лица.

Пед една година ја најавивме изградбата на нашата нова фабрика, а денес стоиме пред неа – една од најголемите и најмодерни фабрики за производство на автомобилски компоненти во регионот. Оваа инвестиција е уште еден јасен доказ за нашите намери да инвстираме во македонската економија и претставува уште еден важен чекор кон проширување на нашата производна мрежа во Европа, што пак, дополнително ќе придонесе кон обезбедување на нашите клиенти, со диференцирани производи базирани на квалитет, технологија и перформанси, рече Теплик.

„Адиент“ има 230 погони во 33 земји од светот со над 75.000 вработени.