Од вкупно 480 синдикални организации, 388 се за продолжување на штрајкот од утре, а само 83 се за прекин. Најголем дел од нив, за прекин на штрајкот се синдикалните организации од детската заштита. Согласно на тоа, Советот на СОНК донесе одлука дека штрајкот продолжува, сѐ додека не се најде заедничко решение, изјави претседателот на СОНК, Јаким Неделков, по денешната седница на Советот на СОНК, на која се разговараше околу предлозите на Владата и вчерашните договори со владините претставници.

Синдикалните организации на градинките одлучиле штрајкот да се стави во мирување.

Градинките ќе продолжат да работат со нормален интензитет, од аспект на дечињата, нивните родители и стопанството, рече Неделков, кој најави голем масовен протест пред Владата на 4-ти мај. Тој подвлече дека Советот на СОНК жали за прекинот на наставата и за пропуштеното градиво, но дека истовремено бара и разбирање и поддршка од сите засегнати. Повтори дека пропуштената настава за учениците ќе се надополни.

Албанскиот национален комитет за справување со панде*ијата, денеска донесе одлука, со која, од први мај се укинува обврската за поседување сертификат за им*низација или за прележана болест, како и за негативни ПЦР и антиген тестови за сите странски државјани при влез во државата.

Според Мира Ракацоли, претседателка на комитетот и заменик министерка за здравство, тоа со оглед на стабилната епиде*иолошка состојба, но и во интерес на туризмот.

Почнувајќи од 1 мај, секој граѓанин што ќе влезе на нашите гранични премини не е обврзан да покаже ниту потврда за им*низација, ниту ПЦР тест. Заштитните маски веќе не се задолжителни ниту во затворени простории, но препорачуваме истите да се носат. Комитетот му препорачува на Министерството за внатрешни работи да се дозволи музика и по 23:00 часот во угостителските објекти, рече Ракацоли.

Со одлука на комитетот на втори март, по речиси две години, беше укинат полицискиот час, кој траеше од 23 до 6 часот, а една седмица подоцна и мерката за ограничено присуство на собири.

Бројот на заразени со оваа болест е значително намален. Позитивноста е 3,8 отсто од бројот на тестираните и во моментов има 430 активни на болеста. На болнички третман се само петмина пациенти. Иако се укинати сите мерки, апелираме да продолжи им*низацијата на граѓаните. Досега 60,8 отсто од популација е им*низирана со две дози, рече таа.

Ракацоли најави дека во земјата ќе почне им*низација со четврта доза за лица постари од 60 години и оние кои имаат имунолошки заболувања или други пропратни заболувања.

Направете дневна листа со задачи и видете кои од нив се приоритетни. Поделете ги големите задачи на помали делови и решете ги една по една според важноста.

Од време на време направете проценка на вашата работа и запрашајте се како би можеле да ја сработите истата работа за помалку време. Доколку немате време за одредена задача, проценете дали може истата да се заврши и утре. Ако одговорот е негативен тогаш повторно направете листа со приоритетни задачи. Побарајте помош кога ви е потребна и разговарајте со останатите, (менаџерот или тимот), како меѓусебно повеќе да си помагате во работата и да го извлечете најдоброто еден од друг.

Обидете се да се изолирате од гужвата во канцеларијата за момент и фокусирајте се на вашите задачи. Ова е важно ако имате многу работа, а постојано ве прекинуваат.

Не се обидувајте да сработите повеќе отколку што можете во текот на денот. Бидете реални.

На крајот на денот направете увид на листата со задачи и одредете нови приоритети за следниот ден.

Не плашете се да преговарате за очекувањата и флексибилните распореди со вашиот претпоставен ако е потребно. Понекогаш околностите се менуваат.

Известување за несреќа на работа ТУКА