Македонската Радио Телевизија, по инцидентот кој што се случи за време на официјалната церемонија за отворање на „Евросонг 2022“, кога нашата претставничка Андреа Коевска го фрли македонското знаме на тиркизниот тепих и по првичното Соопштение кое што беше објавено по реакциите на јавноста, детално ги разгледа сите аспекти за евентуалното повлекување на нашата претставничка од Евровизија.

Таквиот чекор во момент кога сите рокови за повлекување се поминати би предизвикал голема финансиска штета и други санкции кои што не се за занемарување.

Имено, со откажувањето би се загрозилo и учеството и отстапувањето на телевизиските права на сите други настани кои што Јавниот сервис ги добива како членка на Европската радиодуфузна мрежа.

Македонската Радио Телевизија ќе ги преземе сите законски решенија и дисциплински мерки по враќањето на нашата делегација од Торино, откако членовите ќе ги поднесат извештаите за случувањата на церемонијата.

Поради негативниот имиџ во јавноста на проектот „Евровизија“ што предизвикува негативен публицитет на МРТ, Уредничкиот колегиум на МРТ ја разгледува можноста од следната година Македонската Радио Телевизија веќе да не учествува на Изборот за песна на Евровизија, стои во соопштението на МРТ.

Носењето маски веќе нема да биде задолжително на аеродромите и на летовите во Европа, соопштија денеска Европската агенција за безбедност на воздушниот сообраќај и Европскиот центар за превенција и контрола на болести.

Како што наведуваат, новите препораки ќе стапат во сила од 16 мај.

Од следната недела, маските за лице веќе нема да бидат задолжителни во авионите, што во голема мера е во согласност со променливите барања на националните власти низ Европа, кога станува збор за јавниот превоз, изјави извршниот директор на Европската агенција за безбедност на воздушниот сообраќај, Патрик Ки.

Растат трошоците за живот. Во април потрошувачката кошница за 4 члено семејство надмина 38.000 денари, или за еден месец за истите производи, биле потребни дополнителни 1.337 денари.  

Цените ќе  продолжат да растат, стабилизирање се очекува до крајот на годината, а целосна контрола до првата половина од наредната, велат аналитичарите. 

Според „Ценометар“ цените на маслото за јадење во изминатиот период се движеле од 125 до 165 денари за едно шише. 

Најевтиното млеко е околу 44 денари, додека, согласно брендот, достигнува до 56 денари за литар. 

Килограм банани може да најдете по цена од 60 до 70 денари, доматите низ маркетите се продаваат по цена од 90 до 140 денари, додека краставиците се поевтини, односно од 40 до 60 денари. 

Табла јајца низ маркетите се продава по цена од 260 до 300 денари, меленото месо од 230 до 260 денари за килограм. 

Проверете ги сите отворени позиции на линковите и аплицирајте денес

МЕНАЏЕР

КЕЛНЕР/КИ

САЛАТЕР/КА

ДОСТАВУВАЧ

ПИЦА МАЈСТОР

САДОМИЈАЧ/КА

ГОТВАЧ/КА

ШАНКЕР/КА

ПОМОШНИК КЕЛНЕР/КА