Нетфликс неодамна им кажа на вработените дека новата рекламна скала на компанијата може да биде во функција од крајот на годината, според извештајот на Њујорк Тајмс во вторник.

Борејќи се со конкуренцијата на стриминг платформите како и акциите кои паднаа минатиот месец, доведе до тоа да Нетфликс ја претрпи првата квартална загуба на претплатници по повеќе од една деценија.

Хејстингс додаде во април дека Netflix (NFLX) се обидува да сфати како да донесе реклами на платформата „во текот на следната година или две“. Но, се чини дека тој процес се забрзува. Нетфликс, кој одби да коментира за оваа приказна, се обидува да открие начини како да донесе повеќе пари, менувајќи ја приказната за акциите.

Друга област за генерирање приходи што ја истражува Нетфликс е веројатно ограничувањето на споделувањето лозинки меѓу претплатниците. Во белешката до вработените, исто така, наводно, се вели дека Netflix ќе ги започне напорите за лозинка во исто време кога ќе дебитира со нивото на реклами.

Загубата на претплатници и лошите насоки ги наведоа инвеститорите да се сомневаат во идниот раст на Netflix, па дури и на целиот стриминг бизнис.
 

„Гугл“ објави дека постигнал договор со повеќе од 300 медиуми во шест земји од Европската унија да плати за нивната содржина, најавувајќи понуди и за медиумите во други земји-членки на ЕУ.

Издавачите се меѓу најжестоките критичари на „Гугл“ и долго време ги повикуваат владите да го регулираат плаќањето на надомест за медиумски содржини објавени на дигиталните платформи.

Австралија пропиша исплатата минатата година, а сличен закон стапи на сила во Канада во април.

Сулина Конал, директорка на одделот за медиуми на „Гугл“, на својот блог објави дека со триста медиумски компании од групата земји од Европската унија се договориле да плаќаат за содржини.

Договорите што ги постигнавме досега опфаќаат повеќе од 300 национални, локални и специјализирани медиумски публикации во Германија, Унгарија, Франција, Австрија, Холандија и Ирска, а и понатаму многу се дискусира, напиша во вторникот директорката на „Гугл“.

Конал не прецизираше колку им плаќаат на медиумите, а деталите треба да бидат објавени во текот на денот. Германските медиуми сочинуваат две третини од групата и ги вклучуваат неделниците Der Spiegel и Die Zeit и дневниот весник Frankfurter Allgemeine Zeitung.

Шефицата на „Гугл“ најави и нова алатка, која ќе им понуди договори на други издавачи во ЕУ во наредните месеци, почнувајќи од Германија и Унгарија.

Алатката ќе им понуди на издавачите проширен договор за преглед на вести што ќе му овозможи на „Гугл“ да прикажува исечоци и најави на вести преку плаќање на надоместок.

Наредба за работа подолга од полното работно време ТУКА

Точна е информацијата дека на 10 јуни ќе им биде ускратено гостопримството во градинките на сите дечиња чии родители не се жители на општина Карпош. Одлуката е донесена на осмата седница на Советот на Општина Карпош одржана на 20 април 2022 година, а јас ова го најавив уште во декември минатата година, но веројатно некој не сакал сериозно да ја прими информацијата, објаснува градоначалникот на Општина Карпош, Стевчо Јакимовски за „Слободен печат“.

Тој додава дека сега уште еднаш, еден месец однапред, им се соопштува на родителите кои не се жители на општината, дека од 10 јуни нема да можат повеќе да ги посетуваат градинките во општина Карпош. Во моментов 306 дечиња од општината чекаат место во градинките во Карпош, а во нив се сместени 200 деца од други општини.

Според Јакимовски, родителите кои живеат во општина Карпош и не можат да ги згрижат децата во градинка, тука плаќаат данок и ги гласале за да им ги решаваат проблемите.

Во градинките на територијата на Карпош има 11 слободни училници со капацитет за околу 150-160 деца, но нема доволно персонал за нивно згрижување.

Немаме согласност од надлежните министерства да примиме персонал. Истовремено, повеќе од 25 негувателки, воспитувачки и технички персонал се заминати од различни причини и за нив нема одобрение да се пополнат испразнетите места. Од тие причини градинките се во многу тешка ситуација. Вработените со крајни напори успеваат само да ги згрижат децата, но за жал отсуствува воспитната и образовната компонента. Сето ова оди на штета на децата од општина Карпош, а јас како одговорен субјект кој е избран од овие граѓани морам да најдам решение, вели Јакимовски.

Деновиве, група родители кои не се жители на општина Карпош, а чии деца одат во градинки во оваа општина, информираа дека добиле известување дека нивните деца ќе бидат отпишани на 10 јуни.